10 ວິທີ ແກ້ຢາກນອນໃນຕອນເຮັດວຽກ ລວມທັງໃນຕອນມີປະຊຸມກໍ່ເບີກບານໄດ້

ທຸກທ່ານທີ່ເຮັດວຽກໃນຫ້ອງການມັກຈະຢາກນອນໃນຕອນມີປະຊຸມ ລອງມາເບິ່ງວິທີແກ້ຢາກນອນໃນມື້ເຮັດວຽກກັນ ນໍາໄປໃຊ້ ຮັບຮອງຕາແຈ້ງໄດ້ໃຈຫົວໜ້າແນ່ນອນ

ມະນຸດເງິນເດືອນທີ່ນັ່ງເຮັດວຽກໃນຫ້ອງການໝົດມື້ ກໍ່ຕ້ອງມີອາການຢາກນອນກັນແມ່ນບໍ່ ຍິ່ງເວລາຫົວໜ້າເອີ້ນປະຊຸມ ຕາກໍ່ຈະປິດຢູ່ຕະຫລອດເວລາ ແຕ່ຖ້າບໍ່ຢາກເຫງົານອນໃນຫ້ອງປະຊຸມ ແຕ່ຖ້າບໍຢາກມີອາການຫາວຢູ່ຕະຫລອດ ມາເບິ່ງວິທີແກ້ຢາກນອນໃນເວລາເຮັດວຽກກັນ

1.ຈັດຄາເຟອິນ ຄາເຟອິນເປັນຕົວຊ່ວຍທີ່ດີໃນເວລາທີ່ເຮົາຢາກນອນ ດັ່ງນັ້ນທ່ານໃດທີ່ຮູ້ຕົວວ່າມື້ນີ້ຕ້ອງເຫງົານອນໃນຫ້ອງປະຊຸມ ກໍ່ກຽມກາເຟ ຫລື ຊາໃຫ້ພ້ອມ ດື່ມເພື່ອຄວາມສົດຊື່ນໃຫ້ຕົວເອງ ຫລື ຖ້ສນໍາກາເຟເຂົ້າໄປໃນຫ້ອງປະຊຸມໄດ້ລະກໍ່ຕ້ອງຈິບກາເຟໄປ ປະຊຸມໄປນີ້ດີເລີຍ

2.ຈິບນໍ້າເຢັນກໍ່ຊ່ວຍໄດ້ ສໍາລັບຄົນທີ່ບໍ່ດື່ມກາເຟ ບໍ່ຄ່ອຍໂອເຄກັບເຄື່ອງດື່ມຄາເຟອິນລະກໍ່ຫັນມາເພິ່ງນໍ້າແທນ ຈິບນໍ້າເຢັນຢູ່ຕະຫລອດ ເຕີມຄວາມສົດຊື່ນໃຫ້ຮ່າງກາຍເລື້ອຍໆ ຄວາມຢາກນອນກໍ່ມາເຢືອນເຮົາບໍ່ໄດ້ງ່າຍໆ ອີກຢ່າງນໍ້າຍັງຊ່ວຍເພີ່ມອອກຊີເຈນໃນເລືອດຊ່ວຍໃຫ້ເລືອດໄປລ້ຽງສະໝອງໄດ້ຢ່າງມີປະສິດທິພາບຂື້ນ ສົ່ງເສີມໃຫ້ຄວາມຄິດ ເລື່ອນໄຫລໄດ້ດີນໍາອີກ

3.ຂອງຫວ່າງແກ້ຢາກນອນຈັກຢ່າງກໍ່ດີ ຖ້າເຄືຶ່ອງດື່ໃກໍ່ເອົາບໍ່ຢູ່ແລ້ວ ຈັດອາຫານແກ້ຢາກນອນແທນ ຄື ອັນມອນ ຄ້ຽວເພີນໆ ຊັອກໂກແລັດ ກໍ່ມີຄາເຟອິນຢູ່ບໍ່ນ້ອຍເລີຍ ຫລືຈັດໝາກໄມ້ທີ່ອອກລົດສົ້ມນ້ອຍໜຶ່ງ ຄື ໝາກນັດ ໝາກມ່ວງ ເອົາໄວ້ກິນຫລີ້ນຕອນປະຊຸມ

4.ເຂົ້າໝົມອົມ ແຕ່ຖ້າຫ້ອງການໃດເຂັ້ມງວດເອົາອາຫານເຂົ້າໄປກິນນໍາບໍ່ໄດ້ ແນາະໃຫ້ອົມເຂົ້າໜົມອົມແກ້ຢາກນອນແທນ ໂດຍເລືອກ ເຂົ້າໝົມອົມທີ່ມີລົດຊາດອອກສົ້ມໆ ຫລືຊະນິດທີ່ເຮັດໃຫ້ສົດຊື່ນ ເພື່ອປຸກຕົວເອງໃຫ້ຕື່ນແບບນຽນໆ ບໍ່ຕ້ອງຖືກຕໍ່ນິ

5.ນັ່ງແຖວໜ້າໄປເລີຍ ໄມ້ເດັດສໍາລັບຄົນທີ່ມັກເຫງົານອນຕອນມີປະຊຸມ ລອງແກ້ເຄັດໃຫ້ຕົວເອງດ້ວຍການມານັ່ງແຖວຫນ້າ ປະເຊີນຫນ້າກັນຫົວຫນ້າໄປເລີຍ ຈະດຶງສະຕິໄດ້ຢູ່ກັບການເຮັດວຽກບໍ່ຕ້ອງໄດ້ຄິດເຖິງໝຸ່ມໆສາວໆ ແລະ ບ່ອນນອນ

6.ຫາທີ່ນັ່ງທີ່ບໍ່ສະບາຍ ຄວາມສະບາຍເຮັດໃຫ້ເຮົາຮູ້ສຶກຢາກພັກຜ່ອນ ດັ່ງນັ້ນເວລາຜັກຜ່ອນບໍ່ໄດ້ເປັນແບບເວລາປະຊຸມ ລອງຫາວິທີ່ເຮັດໃຫ້ຕົວເອງຢູາແບບບໍ່ມີຄວາມສຸກ ບໍ່ສະບາຍ ປ້ອງກັນຄວາມຢາກນອນໄປເລີຍ ເຊັ່ນນັ່ງຕັ່ງທີ່ບໍ່ມີບ່ອນອີງ ຫລືນັ່ງໄກຈາກແອ ໃຫ້ຮູ້ສຶກຮ້ອນນ້ອຍໜຶ່ງ ຫລື ຖ້າເປັນໄປໄດ້ຈະຢືນປະຊຸມກໍ່ຊ່ວຍຄວາມແອັດທີບໃຫ້ຮ່າງກາຍໄດ້ເປັນຢ່າງດີຄືກັນ

7.ລຸກຂື້ນ ບໍ່ນັ່ງຢູ່ກັບທີ່ ຕະຫລອດການປະຊຸມ ໃນຂະນະທີ່ປະຊຸມຕ້ອງໃຊ້ເວລາດົນ ບາງທີ່ກໍ່ອົດຮູ້ສຶກເບື່ອ ແລະ ຢາກນອນບໍ່ໄດ້ ດັ່ງນັ້ນໃຫ້ລຸກຂື້ນ ລຸກອອກໄປພັກເບກສັ້ນໆ ໃຫ້ຮ່າງກາຍໄດ້ຍ່າງນ້ອຍໜຶ່ງກໍ່ດີ

8.ຂີດໆ ຂຽນໆ ຖ້າອອກຈາກຫ້ອງປະຊຸມກໍ່ລໍາບາກ ປ່ຽນມາຂະຍັບຮ່າງກາຍດຽວກາານຂີດຂຽນ ສາລະຂອງການປະຊຸມລົງໃນປຶ້ມ ຫລື ຈະແຫກກົດຂີດຂຽນຕາມໃຈທີ່ຈົວເອງມັກກໍ່ແລ້ວແຕ່ຄວາມສະດວກ ເພື່ອໃຫ້ເກີດຄວາມບັນເທີງ ເຮັດໃຫ້ຕົວເອງມີອາລົມຂັນ ບໍ່ຄຽດເກີນໄປ

9.ໂຟກັດການປະຊຸມ ຫາກຊິກແຊັກບໍ່ໄດ້ເລີຍກໍ່ຈົ່ງມີສະມາທິກັບການປະຊຸມ ເບິ່ງໄປທາງຫນ້າ ຄິດຕາມເນື້ອຫາສາລະທີ່ກໍາລັງປະຊຸມ ຢ່າງຈິງຈັງໃຫ້ສະໝອງໄດ້ຄິດວຸ້ນໆ ກັບການຄິດຕາມເມື່ອສະໝອງມີຈຸດໂຟກັດ ກໍ່ຈະຊ່ວຍໃຫ້ບໍ່ຢາກນອນງ່າຍ ນັ້ນເອງ

 

10.ມີສ່ວນຮ່ວມໃນກອງປະຊຸມ ໃນກໍ່ລະນີທີ່ກອງປະຊຸມມີການໂຕ້ຕອບມີການຊ່ວຍກັນສະເໜີຄວາມຄິດເຫັນ ເຮົາຕ້ອງເປັນຄົນໜຶ່ງທີ່ມີສ່ວນຮ່ວມໃນກິດຈະກໍານັ້ນ ໃຫ້ໄດ້ຫລາຍທີ່ສຸດ ວິທີນີ້ກໍ່ຊ່ວຍປ້ອງກັນບໍ່ໃຫ້ຍັ່ງເຫງົານອນໄດ້

ນອກຈາກວິທີທີ່ແກ້ຢາກນອນໃນຕອນປະຊຸມທີ່ເຮົາໄດ້ແນາະນໍາໄປແລ້ວ ເຮົາຍັງມີຂໍ້ແນາະນໍາທີ່ເຮັດໃຫ້ບໍ່ຕ້ອງຢາກນອນໃນມື້ທີ່ເຮັດວຽກອີກເຊັ່ນ ນອນພັກຜ່ອນໃຫ້ພຽງພໍກັບຄວາມຕ້ອງການຂອງຮ່າງກາຍ ພະຍາຍາມຢ່ານອນເດິກ ແລະ ກ່ອນເຂົ້າປະຊຸມກໍ່ຢ່າກິນອາຫານຈົນອີ່ມເກີນໄປ ເພາະໜັງທ້ອງຕຶງ ໜັງຕາກໍ່ເລີ່ມຍ່ອນຕາມມາ.