10 ວິທີຮຽນພາສາອັງກິດແນວໃດໃຫ້ເກັ່ງໄວໆ

10. ວິທີ​ຮຽນ​ພາສາ​ອັງ​ກິດ​ແນວ​ໃດ​​ໃຫ້​ເກັ່ງ​ໄວໆ

ລອງເບິ່ງ 10 ວິທີໃຫ້ຮຽນພາສາອັງກິດໄດ້ໄວຂຶ້ນເປັນການເລີ່ມຕົ້ນຮັບຮອງເອົາຢູ່ແນ່ນອນ.

1. ອ່ານທຸກຢ່າງທີ່ຈະອ່ານໄດ້

, ໜັງສືພິມ, ເວັບໄຊ, ອີເມລ, ໂຊຊຽວມີເດຍ, ກ່ອງຊີລ້ຽວ(ອາຫານ​ເຊົ້າ): ຖ້າມີພາສາອັງກິດເປັນຫຍັງບໍ່ລອງອ່ານເບິ່ງ ໃນເນື້ອຫາພວກນີ້ມີທັງຄໍາໃໝ່ ແລະ ຄໍາທີ່ຮູ້ຢູ່ແລ້ວຈະຊ່ວຍໃຫ້​ເພີ່​ມລະດັບໄດ້ໄວຂຶ້ນ ການເຫັນຄໍາພວກນີ້ຜ່ານຕາເລື້ອຍໆ ເຮັດໃຫ້ໄດ້ຕົວຢ່າງການໃຊ້ໃນບໍລິສັດຕ່າງໆຈະຊ່ວຍເນັ້ນຍ້ຳຄໍາສັບເຫຼົ່ານີ້ໃຫ້ຂຶ້ນໃຈ ແຖມການຮຽນຮູ້ຄໍາສັບ ແລະ ຄຳ​ເວົ້າໃໝ່ໆ ນັ້ນເປັນເລື່ອງສໍາຄັນໃນການສ້າງຄໍາສັບຂອງຄຸນໂດຍສະ​ເພາະໃນພາສາ​ເຊັ່ນພາສາອັງກິດທີ່ມີຄໍາຢ່າງ​ຫຼວງຫຼາຍ! ແຕ່ບໍ່ແມ່ນ​ແຕ່ອ່ານແລ້ວກໍຈົບເລີຍຂັ້ນຕໍ່ໄປກໍຕ້ອງ…

2. ຈົດໂນ້ດຄໍາສັບໃໝ່ໆຢູ່ສະເໝີ

ຢູ່ວ່າເປັນຫຍັງວິທີນີ້ເຖິງເປັນວິທີຄາດສິກ: ເພາະມັນໄດ້ຜົນ​ແທ້ໆ! ເມື່ອກໍາລັງຮຽນພາສາເຮົາມັກຈະຮຽນຄໍາ​ ຫຼື ສໍານວນໃໝ່ໆຈົນເພີນແລ້ວນຶກວ່າຄື​ຊິບໍ່ລືມດອກແຕ່ເຊື່ອເຖາະວ່າ​ເລື່ອງ​ແນວ​ນີ້ບໍ່ແມ່ນຈະຈື່ໄດ້ໝົດໃນຄັ້ງດຽວເພື່ອງານນີ້ລອງ​ເກັບ​ປຶ້ມ​ໂນ້ດເກ໋ໆ ໃຫ້ເປັນນິໄສ.

3. ລົມກັບຄົນ​ໂຕຈິງ

ການເວົ້າລົມ​ຕົວຈິງເຮັດໃຫ້ຊ່ວຍຈື່ໄດ້ດີກວ່າການພິມຫຼາຍລອງນຶກວ່າມີຄົນຈັກກີ່ຄົນທີ່ບອກວ່າຕົນເອງ "ເຂົ້າໃຈພາສາອັງກິດແຕ່ເວົ້າບໍ່ໄດ້" ຫຼາຍໆ ຄົນທີ່ມີແວວຈະເວົ້າອັງກິດໄດ້ ເຮັດໃຫ້ການເວົ້າເປັນກໍາແພງກັ້ນທີ່ບໍ່ອາດຂ້າມໄດ້ ຢ່າເປັນແບບນັ້ນລອງຫາເຈົ້າຂອງພາສາເພື່ອແລກປ່ຽນແບບຫຼິ້ນໆ ສະຫມັກຮຽນ ຫຼື ຮຽນອອນລາຍເບິ່ງ.

4. ຕິດຕາມວິ​ດີ​ໂອຈາກ​ຍູ​ທູບ

ບໍ່ວ່າຈະມັກເລື່ອງຂໍາຂັນ ການເມືອງ Blog ການເຮັດອາຫານ ມີຊ່ອງຍູທູບພາສາອັງກິດສໍາລັບທ່ານແນ່ນອນດ້ວຍຫົວຂໍ້ທີ່ຄວບຄຸມຢ່າງບໍ່ໜ້າເຊື່ອລອງຕິດຕາມຈັກສອງສາມອັນແລ້ວຟັງລະຫວ່າງຂັບລົດ ຫຼື ເບິ່ງລະຫວ່າງທາງໄປໂຮງຮຽນ ຫຼື ໄປເຮັດວຽກທໍາອິດໆ ອາດຈະຮູ້ສຶກວ່າສໍານຽງເຈົ້າຂອງພາສາຟັງຍາກແຕ່ພະຍາຍາມຕໍ່ໄປຈະເລີ່ມຟັງອອກເອງ (ແຖມຍັງໄດ້ຮຽນຄໍາໃໝ່ໆຈາກເຈົ້າຂອງພາສາອີກດ້ວຍ)

5. ໄປຮຽນຕໍ່ຕ່າງປະເທດ

ຖ້າມີວິທີການທີ່​ດີໄປກວ່າການຮຽນພາສາອັງກິດດ້ວຍການຝັງຕົນເອງໃນປະເທດທີ່ໃຊ້ພາສາອັງກິດເຮົາກໍຢາກຈະຮູ້ຄືກັນ! ບໍ່ແມ່ນຄວາມລັບວ່າພາສາອັງກິດນັ້ນເປັນພາສາທີ່ມີຄົນໃຊ້ຫຼາຍທີ່ສຸດໃນໂລກຈຶ່ງມີປະເທດໃຫ້ເລືອກຫຼາກຫຼາຍທ່ານສາມາດເລືອກບັນຍາກາດການຮຽນໃນຝັນໄດ້ທັງຈາກສະຖານທີ່, ອາກາດ ຫຼື ເມືອງທີ່ມັກ ​ເຊັ່ນ ອອດສະເຕເລຍ, ນິວຊີແລນ, ອັງກິດ, ອາເມລິກາ , ແຄນນາດາ ແລະ ອາຟຣິກາໃຕ້.

6. ຮຽນຜ່ານໝູ່

ມີໝູ່ທີ່ໂພສເປັນພາສາອັງກິດອອນລາຍແດ່ບໍ່ ຢ່າໄດ້ປ່ອຍຜ່ານ: ລອງເບິ່ງວ່າພວກເຂົາແຊຣ໌ຫຍັງ ແລະ ພະຍາຍາມອ່ານເບິ່ງມື້ລະໂພສ ສອງໂພດ ຈະເປັນຂ່າວ, ບົດຄວາມຈາກນິຕະຍະສານ, ວິດີໂອ, ບົດສົນທະນາ, ບລັອກ , ເພງ ຫຼື ແມ່ນຫຍັງກໍແລ້ວແຕ່: ຖ້າມັນເປັນພາສາອັງກິດ ແລະ ມັນໜ້າສົນໃຈມັນຈະຊ່ວຍໄດ້!

7. ຖາມ​ໃຫ້ຫຼາຍ

ສໍາຫລັບຄົນກໍາລັງຮຽນພາສານັ້ນຍິ່ງຖາມຫຼາຍຍິ່ງເກັ່ງໄວ! ເມື່ອທ່ານຮຽນພາສາອັງກິດທ່ານຈະມີຄໍາຖາມຫຼາກຫຼາຍກ່າຍກອງຢ່າມົວແຕ່ນັ່ງມຶນງົງ ເຮັດ​ໂຕຢາກຮູ້ຢາກເຫັນແລ້ວຫາທາງຕອບຄໍາຖາມເຫຼົ່ານັ້ນ! ຖ້າທ່ານຢູ່ໃນຊັ້ນຮຽນພາສາລອງຖາມຄູເບິ່ງ (ມັນເປັນໜ້າທີ່ຂອງພວກເຂົາຢູ່ແລ້ວ) ແຕ່ຖ້າທ່ານຮຽນດ້ວຍຕົນເອງກໍຢ່າກັງວົນ: ຫາຄໍາຕອບຈາກເວັບໄຊກ່ຽວກັບພາສາຖາມຜູ້ຮຽນຄົນອື່ນໆ.

8. ຍ່າງຕາມຮອຍດາລາ

ລອງປ່ຽນວິທີການຮຽນດ້ວຍການເລືອກດາລານັກຮ້ອງທີ່ເວົ້າພາສາອັງກິດທີ່ມັກແລ້ວຄົ້ນອອນລາຍຫາບົດສໍາພາດທີ່ພວກເຂົາໃຫ້ໄວ້ ແລ້ວລອງເບິ່ງ! ເບິ່ງຄັ້ງທໍາອິດໃຫ້ພໍຮູ້ເລື່ອງແລ້ວເບິ່ງອີກຄັ້ງ ​ເທື່ອນີ້ຈົດຄໍາ ຫຼື ສໍານວນທີ່ຫນ້າສົນໃຈທີ່ທ່ານໄດ້ຍິນຄໍາ, ເລື່ອງເລົ່າ, ມຸກຕະຫຼົກ ຫຼື ເກັດຄວາມຮູ້ທີ່ໄດ້ຈາກການໃຫ້ສໍາພາດເຫຼົ່ານີ້ຈະເປັນບົດຮຽນທີ່ດີ

9. ເລີ່ມຈາກເລື່ອງທີ່ຈໍາເປັນ

ການຮຽນພາສາອັງກິດຈະໄປໄດ້ໄວກວ່າຫຼາຍ ຖ້າກັງວົນເຕືອນຕົນເອງຢູ່ສະເໝີວ່າ ເຮົາຮຽນໄປເພື່ອຫຍັງ ຖ້າທ່ານກໍາລັງຈະໄປແລກປ່ຽນກໍເນັ້ນຄໍາສັບກ່ຽວກັບການຮຽນຖ້າກໍາລັງຈະໄປວຽກສຳມະນາຕ່າງປະເທດກໍເນັ້ນເລື່ອງການສົນທະນາໄວ້ລົມກັບເພື່ອນຮ່ວມວຽກໄປໃນຊ່ວງພັກລະຫວ່າງມໍປາຍ ກັບ ມະຫາໄລກໍເນັ້ນຄໍາສັບກ່ຽວກັບການທ່ອງທ່ຽວຖ້າທ່ານເລີ່ມຮຽນພາສາອັງກິດໂດຍຫວັງຈະຮຽນຮູ້ໄດ້ທຸກຢ່າງຄືກັບມີເວດມົນມີແຕ່ຈະໝົດກໍາລັງໃຈ ແລະ ສັບສົນລ້າໆ.

10. ຢ່າໂມໂຫຕົນເອງຖ້າເຮັດພາດ

                 

ເມື່ອຮູ້ສຶກວ່າຮຽນແລ້ວບໍ່ໄດ້ຫຍັງ ​ເຊິ່ງເປັນກັນໄດ້ທຸກຄົນຢ່າເວົ້າວ່າ "ຂ້ອຍເວົ້າພາສາອັງກິດບໍ່ໄດ້" ຫຼື "ຂ້ອຍຄືຊິບໍ່ມີວັນເຂົ້າໃຈ" ທີ່ຈິງແບນຄໍາພວກນີ້ຈາກລະບົບໄປເລີຍ! ມັນມີແຕ່ຈະເຮັດໃຫ້ເບິ່ງບໍ່ເຫັນວ່າຕົນເອງພັດທະນາໄປຮອດໃສແລ້ວແຖມຍັງເຮັດໃຫ້ເຊື່ອວ່າຄວາມຝັນທີ່ຈະເວົ້າພາສາອັງກິດໄດ້ບໍ່ມີວັນເປັນຈິງ ລອງແທນດ້ວຍຄຳ​ວ່າ "ຂ້ອຍກໍາລັງຮຽນພາສາອັງກິດ ແລະພັດທະນາໄປທຸກໆວັນ" "ມັນອາດຈະບໍ່ງ່າຍແຕ່ມັນຄຸ້ມຄ່າ" "ຂ້ອຍດີຂຶ້ນຫຼາຍທຽບກັບ 6 ເດືອນກ່ອນ" ແລະ ປະໂຫຍກອື່ນໆ ເພື່ອເຕືອນຕົວເອງໃຫ້ເບິ່ງເຫັນພາບລວມ. 

ບົດຄວາມໃຫມ່ໆ