10 ວິທີປັບຕົວກ່ອນຈະສາຍເກີນແກ້...ຖ້າບໍ່ຢາກຖືກຖິ້ມ!

 

 

  1. ນອນພ້ອມກັນ

ຈື່ຕອນທີ່​ເຈົ້າອອກເດດຄັ້ງທໍາອິດ ແລະ ລໍຖ້າເວລາທີ່ຈະໄດ້ນອນຫຼັບຄອຍຢູ່ຄຽງຂ້າງກັນໄດ້ບໍ່? ຖ້າເປັນໄປໄດ້ຢ່າລືມເດັດຂາດ! ການນອນພ້ອມກັນເປັນສິ່ງຈໍາເປັນບອກເລີຍວ່າເປັນການເສີມສ້າງສໍາພັນຮັກໃຫ້​ແໜ້ນແຟ້ນໄດ້ຢ່າງດີເລີຍ.

 

  1. ມີຄວາມສົນໃຈໃນເລື່ອງດຽວກັນ

ການໃຊ້ເວລາຢູ່ນຳກັນເປັນເລື່ອງທີ່ສໍາຄັນຫຼາຍ ແຕ່ກໍບໍ່ຈໍາເປັນທີ່​ເຈົ້າທັງຕ້ອງມັກເບິ່ງລາຍການໂທລະທັດແນວດຽວກັນ ແຕ່​ເຈົ້າຄວນມີກິດຈະກໍາທີ່ເຮັດຮ່ວມກັນ ບໍ່ວ່າຈະເປັນການລອງເຮັດອາຫານເມນູ​ໃໝ່ໆ ໃນຊ່ວງທ້າຍ​ອາທິດ ການໄປແລ່ນອອກກໍາລັງກາຍນຳກັນ ຫຼື ຫາ​ແນວ​ມ່ວນໆ​ເຮັດ​ນຳກັນຢູ່ສະ​ເໝີ.

 

  1. ສໍາຜັດກັນ

ເຊັ່ນການຈັບມື ຫຼື ຄວງແຂນກັນເພື່ອເພີ່ມຄວາມສະໜິດສະໜົມ ​ເຊິ່ງເປັນປັດໄຈໜຶ່ງໃນການເຮັດໃຫ້ຊີວິດຄູ່ມີຄວາມສຸກ ເມື່ອກຸມ​ມື​ກັນຈະສໍາຜັດໄດ້ເຖິງຄວາມຫ່ວງໃຍ​ເຊິ່ງກັນ ແລະ ກັນ.

 

  1. ບໍ່ຈ້ອງຈັບຜິດກັນ

ຄູ່ຮັກທີ່ມີຄວາມສຸກຈະຄ່ອຍສົ່ງເສີມ​ເຊິ່ງກັນ ແລະ ກັນ ໝາຍຄວາມວ່າຖ້າມີສິ່ງທີ່ລົບກວນຈິດໃຈຄູ່ຮັກຂອງທ່ານຈະປອບ​ໃຈຢ່າງອ່ອນໂຍນ ເພາະການຈ້ອງຈັບຜິດ ຫຼື ເວົ້າຈາຖາກ​ຖາງ ແລະ ວິພາກວິຈານດ່າທໍບໍ່ແມ່ນສິ່ງທີ່ຄວນເຮັດຢ່າງແນ່ນອນ.

 

  1. ​ໂອບ​ກອດດ້ວຍຄວາມຮັກຈູບກັນ ແລະ ກ່າວຄໍາວ່າ "ຂ້ອຍຮັກເຈົ້າ"

ກ່ອນທີ່​ເຈົ້າຈະອອກໄປເຮັດວຽກໃນຕອນເຊົ້າຂໍແນະນໍາໃຫ້​ເຈົ້າກອດ​ຫອມ ແລະ ເອີ່ຍກັບຄູ່ຂອງ​ເຈົ້າວ່າ "ຂ້ອຍຮັກເຈົ້າ" ແລະ ເມື່ອກັບມາ​ເຮືອນກໍໃຫ້ເຮັດແບບນີ້ອີກຄັ້ງ ​ເຊິ່ງຜູ້ຄົນຈໍານວນຫຼາຍມັກຈະລືມສິ່ງນ້ອຍໆເຫລົ່ານີ້ ການທັກທາຍກັນດ້ວຍຄວາມຮັກເປັນສິ່ງທີ່ຄວນ​ກະທຳທຸກເຊົ້າ​ແລງ ແລະ ​ເຈົ້າສອງຄົນກໍຈະຍິ່ງຮັກກັນຫຼາຍຂຶ້ນ.

 

  1. ຮັກສາຄວາມໂລແມນຕິກ

ບໍ່ມີຫຍັງດີໄປກວ່າຄໍາເວົ້າອັນແສນຫວານທີ່ວ່າ "ຂ້ອຍບໍ່ສາມາດເອົາມືອອກຈາກ​ເຈົ້າໄດ້ເລີຍແລະ ຂ້ອຍຮູ້ສຶກຫຼົງ​ໄຫຼໃນ​ໂຕ​ເຈົ້າຫຼາຍ" ​​ເຈົ້າຄວນໃສ່ໃຈຄູ່ຮັກ ແລະ ປາຖະໜາທີ່ຈະໃຊ້ເວລາທຸກວິນາທີຢູ່ນຳກັນ ແຕ່ໃນທີ່ສຸດເມື່ອຄໍາຫວານເຫຼົ່ານີ້ຫາຍໄປກໍບໍ່ໄດ້ໝາຍຄວາມວ່າຄວາມຫຼົງ​ໄຫຼຕ້ອງຈົບລົງໄປນຳຄູ່ຮັກທີ່ມີຄວາມສຸກ ຈະຮັກສາຄວາມຮັກ ແລະ ຄວາມໂລແມນຕິກໃຫ້ຄົງຢູ່ຕະຫຼອດໄປ.

 

  1. ໄປທ່ຽວກາງຄືນນຳກັນ

ການອອກໄປເດດຍາມລາຕີກໍບໍ່ຄວນເບິ່ງຂ້າມ ຈົ່ງເຮັດໃຫ້ຄືຕອນທີ່​ເຈົ້າເລີ່ມອອກເດດກັນໃໝ່ໆ ຜັດກັນຫຍອດຄໍາຫວານໃສ່ກັນຕະຫຼອດທັງຄືນ ການໄປທ່ອງລາຕີນຳກັນຈະຊ່ວຍເຮັດໃຫ້ຄວາມຮັກສົດໃສສົດ​ຊື່ນ ພະຍາຍາມແຕ່ງ​ໂຕໃຫ້ດູດີທີ່ສຸດ ແລະ ໄປທ່ຽວນຳກັນສອງຕໍ່ສອງເພື່ອເຕີມເຕັມຊີວິດຮັກໃຫ້ໜ້າຕື່ນເຕັ້ນຢູ່ສະເໝີ.

 

  1. ເຂົ້າກັນໄດ້ດີກັບໝູ່ຂອງອີກຝ່າຍ

ຄວາມສໍາພັນຂອງ​ເຈົ້າຈະ​ເບັ່ງ​ບານ ຖ້າສາມາດເຂົ້າກັນໄດ້ດີກັບໝູ່ຂອງອີກຝ່າຍ ນອກຈາກນັ້ນຄົນທີ່ສໍາຄັນຄືຄົນທີ່​ເຈົ້າສາມາດລົມໄດ້ທຸກເລື່ອງທຸກທີ່ທຸກເວລາ ຫຼື ໃນມື້ທີ່​ເຈົ້າພົບກັບ ຫຍັງ​ທີ່​ບໍ່ດີ ​ພຽງ​ແຕ່ກັບໄປຫາຄູ່ຮັກຂອງ​ເຈົ້າແລ້ວທຸກຢ່າງກໍຈະດີຂຶ້ນ.

 

  1. ຢ່າເຮັດໃຫ້ຄືເປັນກິດຈະວັດປະຈຳ​ວັນ

ຄວາມສໍາພັນຂອງ​ເຈົ້າບໍ່ຄວນຮູ້ສຶກຄືເປັນກິດວັດທີ່ຕ້ອງເຮັດຊ້ຳໃນທຸກໆມື້ ແຕ່ຄວນເປັນສິ່ງທີ່ບໍ່ສາມາດຄາດການໄດ້ ທ່ານຄວນຫາເລື່ອງ ຫຼື ກິດຈະກໍາໃໝ່ໆມາເຮັດໃຫ້ຄູ່ຂອງທ່ານຕື່ນເຕັ້ນແລະ ປະຫຼາດໃຈຢູ່ສະ​ເໝີ

 

  1. ປະໂທລະສັບໄປໃຫ້ໄກໆ

ເມື່ອຢູ່ດ້ວຍນຳ​ເຈົ້າຄວນສົນໃຈ​ເຊິ່ງກັນ ແລະ ກັນທຸ້ມເທເວລາເຕັມຮ້ອຍໃຫ້ກັບຄູ່ຮັກ ຫຼີກຈາກເຕັກໂນໂລຊີແດ່ເພາະ ​ໄອ​ຈີ (instagram) ເຟຊບຸ໊ກ ແລະ ທະວິດເຕີ ສາມາດຖ້າເຈົ້າໄດ້ຮອດເຊົ້າຫັ້ນແຫຼະ.