10 ປະໂຫຍດ​ຂອງ​ໝາກແຕງ​ ດ້ານ​ຄວາມ​ສວຍຄວາມ​ງາມ​ ບອກ​ເລີຍ​​ ເຈົ້າ​ຕ້ອງງຶດ​!

10 ປະໂຫຍດ​ຂອງ​ໝາກແຕງ​ ດ້ານ​ຄວາມ​ສວຍຄວາມ​ງາມ​ ບອກ​ເລີຍ​​ ເຈົ້າ​ຕ້ອງງຶດ​!

ສະ​ກິນ​ແຄ​ທີ່​ມີ​ອາດ​ແພງ​ ແລະ ​ດີ໊​ດີ​ ແຕ່​ຖ້າພໍ​ມີ​ເວລາ​ກໍຈັບຂອງ​ໃນ​ຕູ້​ເຢັນ​ທີ່​ລ້ຳ​ຄ່າ​ຄືໝາກແຕງ​ ອອກ​ມາ​ເປັນ​ຕົວ​ຊ່ວຍ​ຈະແຮງ​ດີ​ ເພາະໝາກ​ແຕງ​​ນັ້ນ​ເຕັມ​ໄປ​ດ້ວຍ​ຄຸນຄ່າ​ເພື່ອ​ຜິວ​ພັນ​ ແລ້ວຍັງ​ເປັນ​ຜັກ​ທີ່​ມີ​ນ້ຳຫຼາຍ​ ຄົງ​ຈະຄິດ​ພາບ​ກັນ​ອອກ​ວ່າ​ ເອົາ​ມາ​ໃຊ້​ເຮັດ​ຫຍັງ​ກັນ​ໄດ້​ອີກ​ດ້ວຍ​ນອກ​ຈາກ​ຝານ​ແລ້ວ​ວາງ​ໂປະ​ໆ​ ລົງ​ເທິງ​ຜິວ​ໜ້າ...ຄິດ​ອອກ​ ແຕ່ຄິດ​ບໍ່​ໝົດດອກ ເພາະ​ມັນ​ຫຼາຍ​ 


ປະໂຫຍດ​ທີ່​ 1 ກຳຈັດ​ຖົງ​ໃຕ້​ຕາ​
ງ່າຍ​ໆ​ ເລີຍ​ຄື​ຝານໝາກແຕງ​​ບາງ​ໆ​ແລ້ວ​ວາງ​ໄວ້​ເທິງ​ເປືອກ​ຕາ​ (ຫຼັບ​ຕາພ້ອມ​) ຖື​ໂອ​ກາດ​ພັກ​ສາຍ​ຕາ​ ຖິ້ມ​ໄວ້​ດົນ​ໆ​ເລີຍ​ 

ປະໂຫຍດ​ທີ່​ 2 ທາ​ຜິວ​ຫຼັງ​ແດດ​ເຜົາ​ 
ແມ້​ຈະ​ທາ​ກັນ​ແດດ​ແລ້ວ​ ແຕ່​ການ​ທາ​ນ້ຳໝາກ​ແຕງ​ຫຼັງ​ແດດ​ເຜົາ​ເທິງ​ໃບ​ໜ້າ​ແລະ​ຜິວ​ໜັງ​ ຈະ​ຊ່ວຍ​ປົກ​ປ້ອງ​ຜິວ​ບໍ່​ໃຫ້​ໄໝ້​ໄດ້​ດີ​ 

ປະໂຫຍດ​ທີ່​ 3 ເປັນ​ສ່ວນ​ປະສົມ​ຊ່ວຍ​ເປີດ​ຫົວ​ສິວ​ 
ປະສົມ​ນ້ຳ​ໝາກແຕງ​ ກັບ​ແອັບ​ເປີ້ນ​ໄຊ​ເດີ​ ຫວ່ານ​ຫາງແຂ້​ ແລະ​ ຊີ້ນ​ມັນ​ຝຮັ່ງ​ ໃຊ້​ສະຄັບເທິງ​ຜິວ​ໜ້າ​ເບົາ​ໆ​ ກ່ອນ​ລ້າງ​ໜ້າ​ໃຫ້​ສະ​ອາດ​ ຈະ​ໃຊ້​ສະເພາະ​ນ້ຳ​ໝາກແຕງ​​ກໍ​ໄດ້​ຄືກັນ​

ປະໂຫຍດ​ທີ່​ 4 ກຳຈັດ​ເຊລ​ລູ​ໄລ​ 
ແມ່ນ​ແລ້ວ​ນ້ຳ​ໝາກແຕງ​​ຊ່ວຍ​ກຳຈັດ​ເຊລ​ລູ​ໄລ​​ທີ່ບໍ່ປະສົງ​ ຕ້ອງ​ປະສົມ​ນ້ຳ​ໝາກແຕງ​ກັບ​ກາກ​ກາ​ເຟ​ ແລະ ​ນ້ຳ​ເຜິ້ງ​ ໃຊ້​ຖູ​ບໍລິເວນ​ທີ່​ມີ​ເຊລ​ລູ​ໄລ​ ເຮັດ​ເປັນ​ປະຈຳ​ ຊ່ວຍ​ໃຫ້​ຜິວ​ດີ​

ປະໂຫຍດ​ທີ່​ 5 ກຳຈັດ​ຮອຍ​ຄ້ຳ​ອ້ອມ​ດວງ​ຕາ​ 
ເບິ່ງ​ຈະ​ເປັນ​ງານ​ເບ​ສິກ​ຂອງ​ໝາກແຕງ​ ແທ້ໆ​ໃຊ້​ສະເພາະ​ນ້ຳ​ທາ​ອ້ອມ​ດວງ​ຕາ​ກໍ​ໄດ້​ ຫຼື ​ຈະ​ຝານ​ບາງ​ໆ​ ເອົາ​ວາງ​ໄວ້​ເທິງ​ດວງ​ຕາ​ກໍ​ໄດ້​ຄືກັນ​ ງ່າຍ​ກວ່າ​​

ປະໂຫຍດ​ທີ່​ 6 ຊ່ວຍ​ຜັດ​ເຊລ​​ຜິວ​ 
ໃຊ້​ໝາກແຕງ​ ໂຢ​ເ​ກິດ​ ນ້ຳ​ເຜິ້ງ​ ເຈວຫ​ວ່ານ​ຫາງແຂ້ ປັ່ນ​ທັງ​ໝົດ​ເຂົ້າ​ນຳກັນ​ ຄວນ​ເລືອກ​ກຣີກ​ໂຢ​ເ​ກິດ​ຈະ​ດີ​ທີ່ສຸດ​ ແຕ່​ຖ້າ​ບໍ່​ມີ​ກໍ່ໃຊ້ໂຢ​ເ​ກິດ​ລົດ​ທຳມະຊາດ​ທີ່​ຫາ​ໄດ້​ນັ້ນ​ແຫຼະ​ ເມື່ອ​ປັ່ນ​ທັງຫມົດ​ກັນ​ແລ້ວ​ ນຳ​ມາ​ມາກ​ໜ້າ​ຖິ້ມ​ໄວ້​ 15 ນາ​ທີ​ ລ້າງ​ອອກ​ດ້ວຍ​ນ້ຳ​ອຸ່ນ​ ແລະ​ ຕາມ​ດ້ວຍ​ນ້ຳ​ເຢັນ​ 

ປະໂຫຍດ​ທີ່​ 7 ຊ່ວຍ​ຄືນ​ຜິວ​ເກົ່າ​ຫຼັງ​ຈາກ​ພໍ​ແລ້ວ​ກັບ​ສີ​ແທນ​ 
ໃຜ​ນິຍົມ​ເຮັດ​ຜິວ​ສີ​ແທນ​ ແລ້ວ​ຢາກ​ກັບ​ມາ​ຂາວ​ ໃຫ້​ໃຊ້​ນ້ຳໝາກ​ແຕງ​ທີ່​ປັ່ນ​ແລ້ວ​ເອົາ​ໄປ​ກອງ​ ນຳ​ມາ​ທາ​ໃບ​ໜ້າ​ຫຼັງ​ເຮັດ​ຄວາມ​ສະ​ອາດ​ຜິວ​ໜ້າ​ແລ້ວ​ ຖິ້ມ​ເອົາ​ໄວ້​ໄດ້​ເລີຍ​ 

ປະໂຫຍດ​ທີ່​ 8 ຜິວ​ອ່ອນ​ເຍົາ​ຂຶ້ນ​ 
ປະສົມ​ນ້ຳ​ໝາກແຕງ​ກັບ​ນ້ຳ​ໝາກ​ນາວ​ ມາ​ກ​ຜິວ​ໜ້າ​ ຖິ້ມ​ໄວ້​ບຶດໜຶ່ງ​ຈຶ່ງ​ລ້າງ​ອອກ​ ຈະ​ຊ່ວຍ​ໃຫ້​ຜິວ​ອ່ອນ​ເຍົາ​ຂຶ້ນ​

ປະໂຫຍດ​ທີ່​ 9 ຈັດການ​ກັບ​ຮອຍ​ດຳ​ຄ້ຳ 
ປະສົມ​ນ້ຳໝາກ​ແຕງ​ກັບ​ເຂົ້າ​ໂອ໊ດ​ ມາ​ກ​ໜ້າ​ຖິ້ມ​ໄວ້​ແລ້ວ​ລ້າງ​ອອກ​ດ້ວຍ​ນ້ຳ​ອຸ່ນ​ ຕາມ​ດ້ວຍ​ນ້ຳ​ເຢັນ​ ເຮັດ​ເປັນ​ປະຈຳ​ຮອຍ​ດຳ​ຄ້ຳເທິງ​ຜິວ​ໜ້າ​ຈະ​ຫາຍ​ໄປ​

ປະໂຫຍດ​ທີ່​ 10 ຫຼຸດ​ຮອຍ​ຕີນ​ກາ​ 
ຮິ້ວ​ຮອຍ​ຕາມ​ໄວ​ໃຜ​ວ່າ​ຕ້ອງ​ປ່ອຍ​ໄປ​ຕາມ​ສະຖາກຳ​ ມີສະກິນ​ແຄ​ຫຼາຍ​ຕົວ​ຊ່ວຍ​ໄດ້​ ແລະ ​ໃຊ້ໝາກ​ແຕງ​ເປັນ​ຕົວ​ຊ່ວຍ​ໄດ້​ອີກ​ ໂດຍ​ຝານ​ບາງ​ໆ​ວາງ​ໄວ້ຄືກັບ​ການ​ກຳຈັດ​ຮອຍ​ຄ້ຳ​ອ້ອມ​ດວງ​ຕາ​ນັ້ນ​ແຫຼະ​ 

ນອກ​ຈາກ​ຈະ​ດີ​ຕໍ່​ຜິວ​ໜ້າ​ແລ້ວ​ ຍັງ​ໃຊ້​ຊະ​ໂລມ​ເສັ້ນ​ຜົມ​ໃຫ້​ເບິ່ງ​ເປັນ​ປະ​ກາຍ​ເງົາ​ງາມ​ອີກ​ດ້ວຍ​ ຫຼື ຈະ​ໃຊ້​ໝັກ​ຜົມ​ກໍຮັກສາ​ຜົມຫຼົ່ນ​ໄດ້​ອີກ​ ດີ​ຫຼາຍ​ຢ່າງ​ ແບບ​ນີ້​ກິນ​ດ້ວຍ​ ເອົາ​ມາ​ສວຍດ້ວຍ​ດີກວ່າ​