10 ປະໂຫຍດ​ຂອງ​ເປືອກ​ໝາກ​ນາວ​ແລະ​ເປືອກ​ໝາກກ້ຽງ​ ທີ່​ເຮັດໃຫ້​ງານ​ບ້ານ​ຂອງ​ເຈົ້າ​ງ່າຍ​ຂຶ້ນ

10 ປະໂຫຍດ​ຂອງ​ເປືອກ​ໝາກ​ນາວ​ແລະ​ເປືອກ​ໝາກກ້ຽງ​ ທີ່​ເຮັດໃຫ້​ງານ​ບ້ານ​ຂອງ​ເຈົ້າ​ງ່າຍ​ຂຶ້ນ

ໝາກ​ນາວ​ ໝາກກ້ຽງ ​ແລະ​ເລມ​ອນ​ ເປັນ​ຫມາກໄມ້​ ລົດ​ສົ້ມ​ຊຶ່ງ​ເປັນ​ທີ່​ຮູ້​ຈັກ​ກັນ​ດີ​ແລະ​ຫຼາຍ​ຄົນ​ກໍ​ມັກ​ລົດ​ຊາດ​ຂອງ​ຫມາກ ໄມ້​ເຫຼົ່າ​ນີ້​ເປັນ​ພິເສດ​ ຕ້ອງ​ຊື້​ຕິດ​ບ້ານ​ໄວ້​ກິນແລະ​ໃຊ້​ປຸງ​ອາຫານ​ເປັນ​ປະຈຳ​
ແຕ່​ຈະ​ມີ​ໃຜ​ຮູ້​ບໍວ່າ ​ເປືອກ​ຂອງ​ຫມາກໄມ້​ຕະກູນ​ໄຊ​ຕັດ​ເຫຼົ່າ​ນີ້​ ມີ​ປະໂຫຍດ​ເກີນ​ກວ່າ​ທີ່​ເຮົາ​ຈະ​​ຖິ້ມ​ລົງ​ຖັງຂີ້ເຫຍື້ອໂດຍບໍ່ເຫັນ ຄຸນຄ່າ​ ຊຶ່ງ​ຫາກ​ໃຜ​ຍັງ​ບໍ່​ເຄີຍ​​ກັບ​ປະໂຫຍດ​ຂອງ​ເປືອກ​ໝາກ​ນາວ​ ໝາກກ້ຽງແລະ​ເລມ​ອນ​ມາ​ກ່ອນ​ ກໍ​ສາມາດ​ສຶກ​ສາ​ໄດ້​ຈາກ​ຂໍ້​ມູນ​ຕໍ່ໄປ​ນີ້​​
1. ດັບ​ກິ່ນ​ນ້ຳ​ສົ້ມ​ສາຍ​ຊູ​ ນ້ຳ​ສົ້ມ​ສາຍ​ຊູ​ຈັດ​ເປັນ​ນ້ຳ​ຢາ​ເຮັດຄວາມ​ອະ​ເນກ​ປະສົງ​ທີ່​ປະ​ສິດ​ທິ​ພາບ​ຫລາຍ​ໆ​ ແຕ່​ຫຼາຍ​ຄົນ​ກໍ​ບໍ່​ຄ່ອຍ​ຢາກ​ໃຊ້​ນ້ຳ​ສົ້ມ​ສາຍ​ຊູ​ເຮັດ​ຄວາມ​ສະ​ອາດ​ບ້ານເທົ່າໃດ​ ເນື່ອງ​ຈາກ​ນ້ຳ​ສົ້ມ​ສາຍ​ຊູ​ມີກິ່ນ​ທີ່​ສຸນ​ຂຶ້ນ​ດັງ​ ເຮັດໃຫ້​ຫຼາຍ​ຄົນ​ບໍ່​ຄ່ອຍ​ມັກ​ ແຕ່​ເຮົາ​ສາມາດ​ແກ້​ຂໍ້​ເສຍ​ຂອງ​ກິ່ນ​ນ້ຳ​ສົ້ມ​ສາຍ​ຊູ​ໄດ້​ ດ້ວຍ​ການ​ໃສ່​ເປືອກ​ໝາກ​ນາວ​ ເປືອກ​ໝາກກ້ຽງ​ຫລື​ເປືອກ​ເລມ​ອນ​ລົງ​ໄປ​ ພຽງ​ເທົ່າ​ນີ້​ກໍ​ສາມາດ​ຫຼຸດ​ກິ່ນ​ສຸນ​ຂອງ​ນ້ຳ​ສົ້ມ​ສາຍ​ຊູລົ​ງ​ໄປ​ໄດ້​ແລ້ວ​
2. ຫຼຸດ​ກິ່ນ​ເໝັນ​ໃນ​ຂີ້ເຫຍື້ອ​ ຖັງ​ຂີ້ເຫຍື້ອ​ໃນ​ບ້ານ​ທີ່​ເລີ່ມ​ມີກິ່ນ​ເໝັນ​ໂຊຍ​ອອກ​ມາ​ ໃຫ້​ເຈົ້າ​ຖິ້ມເປືອກ​ຫມາກໄມ້​ໄຊ​ຕັດ​ ເຊັ່ນ​ ເປືອກ​ໝາກ​ນາວ​ ເປືອກ​ໝາກກ້ຽງ​ ເປືອກ​ເລມ​ອນ​ ຫລື​ເປືອກ​ເກບ​ຟຸດ​ລົງ​ໄປ​ໃນ​ຖັງ​ຂີ້ເຫຍື້ອ​ ເພື່ອ​ອາໄສ​ກົດ​ແລະ​ກິ່ນ​ຂອງ​ເປືອກ​ຫມາກໄມ້​ເຫຼົ່າ​ນີ້​ ໃຫ້​ຊ່ວຍ​ກຳຈັດ​ເຊື້ອ​ພະຍາດ​ ທັງຫມົດ​ທັງ​ດັບ​ກິ່ນ​ບໍ່​ພຶງ​ປະສົງ​ໃນ​ຖັງ​ຂີ້ເຫຍື້ອ​ໄປ​ໃ​ນຄາວ​ດຽວ
3. ກຳຈັດ​ກິ່ນ​ທໍ່​ລະບາຍ​ຂອງ​ເສຍ​ ທໍ່​ລະບາຍ​ຂອງ​ເສຍ​ຫລື​ທໍ່​ລະບາຍ​ນ້ຳ​ທີ່​ສົ່ງ​ກິ່ນ​ເໝັນ​ອອກ​ມາ​ຢູ່​ເລື່ອຍ​ໆ​ ສາມາດ​ຈັດການ​ກິ່ນ​ເໝັນ​ເຫຼົ່າ​ນີ້​ດ້ວຍ​ເປືອກ​ໝາກ​ນາວ​ແລະ​ເປືອກ​ຫມາກໄມ້​ໄຊ​ຕັດອື່ນ​ໆ​ໄດ້​ເລີຍ​ ໂດຍ​ວາງ​ເປືອກ​ໝາກ​ນາວ​ຖິ້ມ​ໄວ້​ບ່ອນປາກ​ທໍ່​ ຕໍ່ໄປ​ນີ້ກິ່ນທໍ່​ກໍ​ຈະ​ຫຼຸດລົງ​ແລ້ວ​​
4. ຂັດ​ເງົາ​ສ​ະເເຕນ​ເລດ​ ເຄື່ອງ​ໃຊ້​ຫລື​ເຄື່ອງຄົວ​ສະ​ແຕນ​ເລດ​ທີ່​ເລີ່ມ​ດຳ ກໍ​ບໍ່​ຈຳ​ເປັນ​ຕ້ອງ​ຊື້​ນ້ຳ​ຢາ​ຂັດ​ເງົາ​ມາ​ໃຊ້​ໃຫ້​ເປືອງ​ ເພາະ​ພຽງ​ແຕ່​ໂຮຍ​ເກືອ​ປົ່ນ​ລົງ​ໄປ​ ຈາກ​ນັ້ນ​ກໍ​ໃຊ້​ເປືອກ​ໝາກ​ນາວ​ຫລື​ເປືອກ​ໝາກກ້ຽງ​ຂັດ​ຖູ​ໃຫ້​ທົ່ວ​ ພຽງ​ເທົ່າ​ນີ້​ກໍ​ສາມາດ​ຄືນ​ຄວາມ​ເງົາ​ວັບ​ໃຫ້​ວັດຖຸ​ສະແຕນເລດ​ໄດ້​ງ່າຍ​ໆ​
5.ເຮັດ​ຄວາມ​ສະ​ອາດ​ໄມ​ໂຄ​ເວັ​ບ​ ຫາກ​ໄມ​ໂຄເວັບ​ຂອງ​ເຈົ້າ​ມີ​ທັງ​ກິ່ນ​ອາຫານແລະ​ຄາບ​ສົກກະປົກ​ຢູ່​ຕາມ​ຈຸດ​ຕ່າງ​ໆ​ ກໍ​ເຖິງ​ເວລາ​ຕ້ອງ​ເຮັດ​ຄວາມ​ສະ​ອາດ​ໄມ​ໂຄ​ເວັບ​ແລ້ວ​ ເລີ່ມ​ທຳອິດກໍ​ກຽມ​ນ້ຳ​ໃສ່​ຖ້ວຍ​ທີ່​ສາມາດ​ໃຊ້​ກັບ​ໄມ​ໂຄເວັບໄດ້​ຈາກ​ນັ້ນ​ກໍ​ຫັ່ນ​ໝາກ​ນາວ​ເຄິ່ງໜ່ວຍ​ ບີບ​ນ້ຳ​ລົງ​ໄປ​ຕາມ​ດ້ວຍ​ໃສ່​ເປືອກ​ໝາກ​ນາວ​ລົງ​ໄປ​ດ້ວຍ​ ແລ້ວ​ກໍ​ນຳ​ໄປ​ອຸ່ນ​ໃນ​ໄມ​ໂຄ​ເວັບຈັກ 2 ນາ​ທີ​ ປ່ອຍ​ຖິ້ມ​ໄວ້​ບຶດໜຶ່ງ​ໃນ​ໄມ​ໂຄ​ເວັບ​ໃຫ້ມັນຄາຍ​ອຸນຫະ​ພູ​ມກ່ອນ​ຈະ​ເປີດ​ຝາ​ໄມ​ໂຄ​ເວັບ​ແລ້ວ​ໃຊ້​ຜ້າ​ເຊັດ​ສິ່ງ​ສົກກະປົກ​ອອກ​ໃຫ້​ໝົດ​
6. ກຳຈັດ​ຄາບ​ຊາ​ ກາ​ເຟ​ ແກ້ວ​ກາ​ເຟ​ທີ່​ຖືກ​ໃຊ້​ງານ​ເປັນ​ປະຈຳ​ ຄວນ​ຕ້ອງ​ມີຄາບ​ຊາ​ ແລະ​ກາ​ເຟ​ຕິດ​ຢູ່​ ດັ່ງ​ນັ້ນ​ເຮົາ​ກໍ​ຄວນ​ກຳຈັດ​ຄາບ​ເຫຼົ່າ​ນີ້​ ເພື່ອ​ແກ້ວ​ກາ​ເຟ​ໃຫ້ເປັນຕາ​ໃຊ້​ຫລາຍ​ຂຶ້ນ​ ວິທີ​ເຮັດ​ຄວາມ​ສະ​ອາດ​ກໍ​ງ່າຍ​ໆ​ ພຽງ​ແຕ່​ໃສ່​ເປືອກ​ໝາກ​ນາວ​ຫລື​ເລມ​ອນ​ລົງ​ໄປ​ ແລ້ວ​ເທ​ນ້ຳ​ຮ້ອນ​ຕາມ​ລົງ​ໄປ​ ແຊ່​ຖິ້ມ​ໄວ້​ປະ​ມານ​ 2 ຊົ່ວ​ໂມງ​ ເລັດ​ແລ້ວ​ກໍ​ເທ​ນ້ຳ​ຖິ້ມ​ ແລະ​ເຮັດ​ຄວາມ​ສະ​ອາດ​ແກ້ວ​ກາ​ເຟ​ຕາມ​ປົກກະຕິ​ອີກ​ເທື່ອ​ ແລ້ວ​​ສັງເກດ​ໄດ້​ເລີຍ​ວ່າ​ ຄາບ​ຊາ​ກາ​ເຟ​ໄດ້​ຫາຍ​ໄປ​ໂດຍບໍ່ມີ​ຮ່ອງ​ຮອຍ​ເລີຍ​
7. ໄລ່​ມົດ​ ບ້ານ​ໃດ​ທີ່​ມີມົ​ດ​ຍ່າງ​ຕາມບ້ານ​ ກໍ​ສາມາດ​ໃຊ້​ເປືອກ​ເລມ​ອນ​ຫລື​ເປືອກ​ໝາກກ້ຽງ​ມາ​ວາງ​ດັກ​ທາງ​ມົດ​ຕາມ​ປ່ອງ ຢ້ຽມແລະ​ຮອຍ​ແຢກ​ເທິງ​ພື້ນ​ເພື່ອ​ກັນ​ມົດ​ໄດ້​ດ້ວຍ​ເຊັ່ນ​ກັນ​ ເນື່ອງ​ຈາກ​ມົດ​ຕົວ​ນ້ອຍມັນ​ບໍ່​ມັກ​ກິ່ນຂອງ​ຫມາກໄມ້​ໄຊ​ຕັດ​
8.ປ້ອງ​ກັນ​ຄວາມ​ດື້ຂອງ​ນ້ອງ​ໝຽວ​ ບໍລິເວນ​ຕ້ອງ​ຫ້າມ​ທີ່​ບໍ່​ຢາກ​ໃຫ້​ນ້ອງ​ໝຽວ​ທີ່ຂີ້ດື້​ມາ​ວຸ້ນ ວາຍ​ ເຊັ່ນ​ ກະ​ຖາງ​ຕົ້ນ​ໄມ້​ຫລື​ຫ້ອງ​ເກັບ​ຂອງ​ ໃຫ້​​ນຳ​ເປືອກ​ໝາກກ້ຽງ​ມາ​ວາງ​ດັກ​ໄວ້​ທີ່​ບໍ ລິເວນ​ນັ້ນ​ໆ​ ໃຫ້​ທົ່ວ​ ເທົ່າ​ນີ້​ນ້ອງ​ໝຽວ​ກໍ​ບໍ່​ກ້າ​ຍ່າງ​​ມາ​ໃກ້​ແລ້ວ
9. ເພີ່ມ​ກິ່ນ​ອະ​ໂຮ​ມາ​ໃຫ້​ບ້ານ​ ຖ້າ​ໃຜ​ຕ້ອງ​ການ​ໃຫ້​ບ້ານ​ທັງ​ຫຼັງ​ມີກິ່ນ​ຫອ​ມອົບ​ອວນ​ຄືກັບ​ສະ​ປາ​ຫລູໆ​ ແນະ​ນຳ​ໃຫ້​ຕັ້ງ​ໝໍ້​ກັບ​ເຕົາ​ ແລ້ວ​ຕັ້ງ​ຊາມ​ແກ້ວ​ອີກ​ໜ່ວຍ​ໄວ້​ເທິງ​ໝໍ້​ ເຕີມ​ນ້ຳ​ແລະ​ເປືອກ​ໝາກກ້ຽງ​ ອົບ​ເຊີຍ​ແລະ​ການ​ພູລົ​ງ​ໄປ​ຕົ້ມ​ໃຫ້​ຫອມອົບ​ອວນ​ ເພີ່ມ​ສ​ະເໜ່​ໃຫ້​ບ້ານ​ໄດ້​ອີກຫຼາຍ
10. ເຮັດ​ເຄື່ອງ​ຫອມ​ປະ​ດັບ​ບ້ານ​ ເປືອກ​ໝາກກ້ຽງ​ ເປືອກ​ໝາກ​ນາວ​ແລະ​ເປືອກ​ເລມ​ອນ​ ເມື່ອ​ນຳ​ທັງຫມົດ​ກັບ​ສະຫ​ມຸນ​ໄພ​ກິ່ນ​ຫອມ​ ເຊັ່ນ​ ການ​ພູ​ແລະ​ເຄື່ອງ​ຫອມ​ຊະນິດ​ອື່ນ​ໆ​ ແລ້ວ​ທັບ​ກັນ​ໃນ​ພາ​ຊະນະ​ຝາ​ປິດ​ໃຫ້​ແຫ້ງ​ ປ່ອຍ​ຖິ້ມ​ໄວ້​ໄລຍະໜຶ່ງ​ກໍ​ຈະ​ໄດ້​ເຄື່ອງ​ຫອມ​ສຳລັບ​ວາງ​ຕາມ​ຈຸດ​ຕ່າງ​ໆ​ ໃນ​ບ້ານ​ວາງ​ໃນ​ຫ້ອງ​ນ້ຳ​ແລະ​ບໍລິເວນ​ອື່ນ​ໄດ້​ຫອມ​ແລະ​ງາມ​ຫລາຍ​ໆ​
ຕ້ອງ​ບອກ​ວ່າ​ ໝາກກ້ຽງ ໝາກ​ນາວ​ແລະ​ເລມ​ອນ​ ມີ​ປະໂຫຍດ​ເຕັມ​ໆໜ່ວຍ​ເລີຍ​ກໍ​ວ່າ​ໄດ້​ ເພາະ​ກິນ​ໄດ້​ທັງ​ເນື້ອ​ແລະ​ນ້ຳ​ ແຖມ​ເປືອກ​ຍັງ​ເກັບ​ມາ​ໃຊ້​ງານ​ໄດ້​ອີກ​ຄຸ້ມແທ້ໆ​ ເລີຍ​ໄດ້​ຮູ້​ແບບ​ນີ້​ແລ້ວ​ຢ່າ​ລືມ​ລອງ​ນຳ​​ໄປ​ໃຊ້​ເບິ່ງ