10ເຕັກນິກຊ່ວຍໃຫ້ວຽກສຳເລັດກ່ອນເວລາ

1.ສ້າງ​ພະລັງ​ກະຕືລືລົ້ນພະລັງ​ທີ່​ເວົ້າມາ​ນີ້​ສ້າງ​ໄດ້​ບໍ່​ຍາກພຽງແຕ່​​ໃສ່​ຄວາມ​ຮູ້ສຶກ​ກະ​ຕື​ລື​ລົ້ນຫລື​ຕື່ນ​ເຕັ້ນ​ທີ່​ຈະ​ໄດ້​ເຮັດວຽກ​ນັ້ນພຽງ​ເທົ່າ​ນີ້​ພະລັງ​ກະຕືລືລົ້ນກໍ​ຈະ​ສົ່ງ​ຜົນໃຫ້​​ຢາກ​ເລີ່ມ​ຕົ້ນ​ລົງ​ມື​ເຮັດ​ກ່ອນກໍ​ໝາຍ​ເຖິງ​ໂອ​ກາດ​ທີ່​ວຽກນັ້ນ​ຈະ​ສຳ​ເລັດ​ກໍ​ມີ​ຫລາຍກວ່າ​ຄົົນທີ່​ຍັງ​ບໍ່​ລົງ​ມື​ເຮັດ​

2.ເວົ້າກັບ​ຕົວ​ເອງ​ກ່ອນວຽກຈະ​ສຳເລັດ​ໄວ​ໄດ້​ຕ້ອງ​ມີ​ການ​ວາງ​ແຜນ​ທີ່​ດີຈຶ່ງ​ຄວນ​ເຮັດTo-do list ຈັດ​ລຳ​ດັບ​ສິ່ງ​ທີ່​ຕ້ອງ​ເຮັດເພື່ອ​ທີ່​ຈະ​ບໍ່​ຕ້ອງ​ເຮັດວຽກ​ຊ້ຳ​ໄປ​ຊ້ຳ​ມາຫລື​ຜິດ​ພາດ​ເພາະ​ຫລົງ​ລືມ​ຫຍັງ​ໄປ

3.ບໍ່ຢູ່ລ້າເຖິງແມ່ນວ່າ​ຈະ​ມີ​ເວລາ​ຫລາຍ​ພໍ​ທີ່​ຈະ​ເຮັດວຽກ​ໂດຍ​ບໍ່​ຟ້າວແຕ່​ກໍ​ບໍ່​ຄວນ​ເຮັດ​ໂຕ​ເລິ້ງເຄີຍປ່ອຍ​ເວລາ​ຜ່ານ​ໄປຈົນ​ສຸດ​ທ້າຍ​ກໍ​ຕ້ອງ​ເຮັດ​ຢ່າງ​ຟ້າວຢ່າ​ລືມ​ວ່າ​ທຸກ​ຄົນ​ມີ​ເວລາ​ເທົ່າ​ກັນຢູ່​ທີ່​ວ່າ​ຈະ​ບໍລິຫານ​ມັນ​ແບບໃດ

4.ກຳນົດ​ເສັ້ນ​ຕາຍກະຕຸ້ນ​ໂຕເອງ​ດ້ວຍ​ການ​ກຳນົດDeadlineຂອງ​ແຕ່​ລະ​ຂັ້ນ​ຕອນແລະ​ເຮັດໃຫ້​ໄດ້​ຕາມ​ນັ້ນສຸດ​ທ້າຍ​ກໍ​ຈະ​ເຮັດວຽກ​ສຳເລັດ​ສົມບູນ​ຕາມ​ເວລາ​ທີ່​ຕັ້ງ​ໃຈ​ໄວ້

5.ຮູ້​ຈັກ​ກະ​ຈາຍ​ວຽກຄົນ​ເກັ່ງ​ບໍ່ແມ່ນ​ຄົນ​ເຮັດ​ທຸກ​ຢ່າງ​ໄດ້​ດ້ວຍ​ໂຕ​ຄົນ​ດຽວແຕ່​ເປັນ​ຄົົນທີ່​ຮູ້​ຈັກ​ກະ​ຈາຍ​ວຽກງານ​ໄປ​ຫາຄົົນທີ່​ເກັ່ງ​ໃນ​ແຕ່​ລະ​ສ່ວນເມື່ອ​ວຽກແຕ່​ລະ​ສ່ວນ​ສາມາດ​ເຮັດ​ໄດ້​ພ້ອມ​ກັນວຽກຍ່ອມ​ສຳເລັດ​ໄວ​ກວ່າ​ການ​ລໍຖ້າ​ໃຫ້​ຄົນ​ພຽງ​ຄົນ​ດຽວ​ເຮັດ

6.ຄວານ​ຫາ​ທາງ​ລັດຜົນ​ລັບແບບ​ດຽວ​ກັນສາມາດ​ອອກ​ມາ​ໄດ້​ຈາກ​ຫລາກ​ຫລາຍ​ວິທີດັ່ງ​ນັ້ນຕ້ອງ​ເລືອກ​ວິທີ​ທີ່​ມີ​ປະ​ສິດ​ທິ​ພາບ​ດ້ວຍມີ​ເຄື່ອງ​ມື​ຫລື​ຫົນ​ທາງ​ໃດ​ແນ່ທີ່​ຊ່ວຍ​ໃຫ້​ເຮັດວຽກ​ໄດ້​ໄວ​ຂຶ້ນຕ້ອງ​ຮູ້​ຈັກ​ນຳ​ມາ​ໃຊ້​ໃຫ້ເປັນ​ປະໂຫຍດ

7.ແຜນສໍາຮອງ​ເພື່ອແກ້​ໄຂຖ້າມີ​ຫຍັງ​ບໍ່​ເປັນ​ໄປ​ຕາມ​ທີ່​ຄິດ​ໄວ້ຢ່າ​ຝືນ​ເຮັດ​ແບບ​ເກົ່າເພາະ​ຍັງມີ​ວິທີ​ອີກ​​ຫລວງຫລາຍ​ທີ່​ເປັນ​ໄປ​ໄດ້ກັບ​ໂຕ​ໃຫ້​ໄວແລ້ວ​ໄປ​ທາງ​ອື່ນ​ໂດຍ​ໄວ

8.ກຳຈັດ​ສິ່ງ​ລົບກວນສິ່ງ​ທີ່​ເຮັດໃຫ້​ບໍ່ມີສະມາທິ​ໄດ້​ງ່າຍ​ທີ່ສຸດ​ຄື:ໂທລະສັບ,ອີ​ເມວແລະ​ວົງ​ສົນທະນາຄວນ​ຈັດ​ສະພາບ​ແວດ​ລ້ອມ​ໃນ​ການເຮັດວຽກງານ​ໃຫ້​ປາສະຈາກ​ສິ່ງເຫລົ້ານີ້ ເພື່ອ​ໃຫ້​ມີສະມາ​ທິ​ກັບ​ງານ​ຢ່າງ​ເຕັມ​ທີ່

9.ຢາກ​ສະຫມອງ​ໄວ​ຕ້ອງ​ພັກຄົົນທີ່​ເຮັດວຽກ​​ຈົນ​ບໍ່​ໄດ້​ພັກ​ຜ່ອນ​ນັ້ນແທນ​ທີ່​ວຽກ​ຈະ​ສຳເລັດ​ໄວ​ພັດຜິດ​ພາດເພາະ​ຮ່າງກາຍ​ບໍ່​ພ້ອມການ​ພັກ​ຜ່ອນ​ຢ່າງ​ພຽງ​ພໍ​ຈະ​ຊ່ວຍ​ໃຫ້​ສະຫມອງ​ແລ່ນຄິດ​ວຽກໄວເຮັດວຽກ​ໄດ້​ຢ່າງ​ມີ​ປະ​ສິດ​ທິ​ພາບ

10.ມີຄວາມຝັນໃນ​ຄວາມ​ສຳ​ເລັດໝັ່ນ​ສ້າງ​ແຮງ​ຈູງ​ໃຈ​ໃຫ້​ກັບ​ຕົນ​ເອງແມ່ນ​ວຽກ​ຈະ​ມີ​ອຸປະສັກແຕ່​ຖ້າ​​ຄິດ​ບວກແລະ​ຝັນ​ເຖິງ​ຄວາມ​ສຳ​ເລັດ​ແລ້ວຈະ​ມີ​ພະລັງ​ແລະ​ເຮັດ​ມັນ​ໃຫ້​ສຳ​ເລັດ​ຈົນ​ໄດ້