” Pocket Wifi ​ແມ່ນຫຍັງ?

ໃນປັດຈຸບັນໂລກຂອງເຮົາເປັນໂລກຂອງອິນເຕີເນັດອິນເຕີເນັດເຂົ້າມາມີສ່ວນປະກອບສໍາຄັນໃນການໃຊ້ຊີວິດປະຈໍາວັນຂອງເຮົາຫຼາຍນຶກຫຍັງບໍ່ອອກກໍຄົ້ນຫາໃນອິນເຕີເນັດ ເຮັດວຽກ ປະຊຸມ ສາມາດເຮັດໄດ້ຜ່ານອິນເຕີເນັດຕິດຕໍ່ສື່ສານກັນໄດ້ຢ່າງງ່າຍດາຍຈາກຄົນລະມຸມໂລກກໍເຮັດໄດ້ຜ່ານໂລກອິນເຕີເນັດແລະ ໃນປັດຈຸບັນໃນປະເທດໄທກໍມີຄື້ນລະບົບ 3G ມາໃຫ້ທຸກຄົນໄດ້ໃຊ້ງານກັນແລ້ວວັນນີ້ຈຶ່ງຈະນໍາຂໍ້ມູນກ່ຽວກັບ Pocket WiFi ອຸປະກອນສໍາລັບຊ່ວຍໃນການແຊຣ໌ອິນເຕີເນັດມາໃຫ້ທຸກຄົນໄດ້ຮູ້ຈັກກັນ.

Pocket Wifi ແມ່ນຫຍັງມາຮູ້ຈັກກັນ Pocket Wifi ກັນກ່ອນ.

ໃນອະດີດອິນເຕີເນັດທີ່ຫຼິ້ນຜ່ານໂທລະສັບນັ້ນເປັນພຽງເຄືອຂ່າຍໄຮ້ສາຍ ຫຼື EDGE ​ເຊິ່ງຊ້າບໍ່ຄ່ອຍຕອບສະໜອງຄວາມຕ້ອງການຂອງຜູ້ໃຊ້ງານເທົ່າທີ່ຄວນແຕ່ໃນປັດຈຸບັນເມື່ອປະເທດລາວ​ມີການນໍາເຕັກໂນໂລຢີຄື້ນຄວາມຖີ່ 3G ເຂົ້າມາໃຊ້ງານເຮັດໃຫ້ຄວາມໄວຂອງອິນເທີເນັດທີ່ ໃຊ້ງານໃນໂທລະສັບມືຖືມີຄວາມວ່ອງໄວຕອບສະໜອງຕໍ່ຄວາມຕ້ອງການຂອງຜູ້ໃຊ້ງານຫຼາຍຍິ່ງຂຶ້ນເພາະຂໍ້ມູນຕ່າງໆທີ່ສົ່ງຕິດຕໍ່ສື່ສານກັນກໍມີຂະໜາດໃຫຍ່ຫຼາຍຍິ່ງຂຶ້ນອິນເ​ເຕີເນັດກໍຄວນທີ່ຈະຕ້ອງມີຄວາມສາມາດທີ່ໄວຂຶ້ນຕາມຈຶ່ງເຮັດໃຫ້ຜູ້ໃຊ້ງານຈໍານວນຫຼາຍມີການສະໝັກໃຊ້ງານແພັກເກັດອິນ​ເຕີເນັດຕາມທີ່ຄ້າຍເຄືອຂ່າຍໂທລະສັບໄດ້ມີການ ຈັດອອກມາໃຫ້ລູກຄ້າໄດ້ເລືອກໃຊ້ບໍລິການໂທລະສັບສະມາດໂຟນຈຶ່ງເປັນອຸປະກອນທີ່ໃຊ້ອິນເຕີເນັດຢູ່ຫຼາຍພໍທີ່ ແລະ ມີການແຊຣ໌ອິນເຕີເນັດແບ່ງໃຫ້ກັນໃຊ້ໃນກຸ່ມຄົນຮູ້ຈັກໄດ້ແຕ່ຖ້າຫາກ ຜູ້ໃຊ້ງານຄົນໃດທີ່ບໍ່ຕ້ອງການໃຊ້ໂທລະສັບໃນການແຊຣ໌ອິນເຕີເນັດ Pocket Wifi ເປັນອຸປະກອນ ຊິ້ນໜຶ່ງທີ່ສາມາດແກ້ໄຂບັນຫາບ່ອນຂໍ້ນີ້ໄດ້ເພາະ Pocket WiFi ຄືອຸປະກອນທີ່ປ່ຽນສັນຍານ 3G ເປັນສັນຍານ Wifi ເພື່ອໃຫ້ອຸປະກອນຊິ້ນອື່ນໆເຊັ່ນ: ແທັບເລັດ ຄອມພິວເຕີ ໂນ໊ດບຸ໊ກ ໂທລະສັບສະມາດໂຟນ ສາມາດໃຊ້ອິນເຕີເນັດໄປພ້ອມໆກັນໄດ້ປະມານ 5-10 ເຄື່ອງ.

Pocket WiFi ເໝາະກັບການໃຊ້ງານປະເພດໃດ?

Pocket WiFi ເໝາະສໍາລັບການໃຊ້ງານນອກສະຖານທີ່ບໍ່ມີບໍລິການອິນເຕີເນັດໄຮ້ສາຍເພາະຜູ້ໃຊ້ພຽງແຄ່ນໍາຊິມກາດລະບົບ 3G ມາໃສ່ໃນຕົວເຄື່ອງ ແລະ ເຄື່ອງ Pocket WiFi ກໍຈະທຳການແປງສັນຍານ 3G ມາເປັນສັນຍານອິນເຕິເນັດໃຫ້ທຸກຄົນ ໄດ້ໃຊ້ກັນ ແລະ ຂະໜາດຂອງຕົວເຄື່ອງກໍມີຂະໜາດບໍ່ໃຫຍ່ເກີນໄປຈຶ່ງສະດວກຕໍ່ການພົກພາໄປຍັງສະຖານທີ່ຕ່າງໆປັດຈຸບັນຮ້ານຄ້າຕ່າງໆເຊັ່ນ: ຮ້ານກາ​ເຟອາດມີບໍລິການອິນເຕີເນັດໃນຮູບແບບລັກສະນະນີ້ກັນແຕ່ຄຸນະພາບຂອງສັນຍານອິນເຕີເນັດຈະໄວ​ແຮງຕາມຄວາມຕ້ອງການ ຫຼື ບໍ່ນັ້ນມີຫຼາຍປັດໄຈເຂົ້າມາກ່ຽວຂ້ອງດ້ວຍເຊັ່ນ​: ສະຖານທີ່ໃຊ້ມີຄວາມແຮງຂອງສັນຍານ 3G ຫຼາຍປານໃດ, ຈໍານວນຂອງເຄື່ອງຜູ້ໃຊ້ງານເປັນຕົ້ນ.

ປະໂຫຍດຂອງ Pocket WiFi

ຈາກຂໍ້ມູນທີ່ກ່າວມາຂ້າງຕົ້ນຈະເຫັນວ່າ Pocket WiFi ເປັນຕົວຊ່ວຍໃນການແຊຣ໌ອິນເຕີເນັດກັນບໍ່ຕ້ອງໃຊ້ໂທລະສັບສະມາດໂຟນໃນການແຊອິນເຕີເນັດກັນໂດຍກົງກໍຈະຊ່ວຍແກ້ບັນຫາໃນເລື່ອງການເປືອງແບດເຕີລີ ໂທລະສັບໄດ້ເພາະ Pocket WiFi ສາມາດໃຊ້ງານໄດ້ຕໍ່ເນື່ອງເຖິງ 17 ຊົ່ວໂມງອີກທັງບາງຍີ່ຫໍ້ຍັງສາມາດໃຊ້ເປັນ USB ແລະ Power bank ໄດ້ເຊັ່ນກັນ.

ອຸປະກອນເສີມໃນການໃຊ້ວຽກເຕັກໂນໂລຍີໃນປັດຈຸບັນນີ້ມີຫຼາກ​ຫຼາຍເຫລືອເກີນ Pocket WiFi ກໍເປັນອຸປະກອນອີກອັນໜຶ່ງທີ່ມີຄວາມຫນ້າສົນໃຈສໍາລັບຄົນໃດທີ່ສົນໃຈຈະຫາຊື້ມາໃຊ້ວຽກກໍສາມາດຕິດຕໍ່ສອບຖາມໄດ້ຈາກສູນບໍລິການເຄືອຂ່າຍ ແລະ ເລືອກໃຊ້ງານໄດ້ຕາມຄວາມ​ເໝາະສົມ.