”ວິທີ​ກຳຈັດ​ຖົງ​ຢາງພລາສຕິກ”

ຄົງຈະປະຕິເສດບໍ່ໄດ້ວ່າບັນຫາຂີ້​ເຫຍື້ອຖົງພລາສ໌ຕິກໃນປັດຈຸບັນກໍາລັງເປັນເລື່ອງວິກິດທີ່ຫຼາຍຝ່າຍອອກມາ​ເຊີນຊວນໃຫ້ມີການຈັດການຢ່າງຖືກວິທີເພາະນັ້ນເປັນສາເຫດສໍາຄັນຂອງການເກີດພາວະໂລກຮ້ອນ (Global Warming) ແລະ ບັນຫາແກ໊ສເຮືອນ​ແກ້ວ (Green house effect) ເມື່ອເກີດການເຜົາໄຫມ້.

ຖົງພລາສ໌ຕິກເປັນວັດສະດຸພໍລິເມີຊະນິດ Polyethylene (PE) ມີຄຸນສົມບັດໃນການຂຶ້ນເປັນຮູບຊົງຕ່າງໆຕາມຕ້ອງການໄດ້ງ່າຍລວມທັງມີນໍ້າຫນັກເບົາຄົງທົນ ແລະ ກັນນໍ້າລວມເຖິງມີຕົ້ນທຶນໃນການຜະລິດທີ່ຕໍ່າຈຶ່ງເປັນເຫດຜົນຫຼັກທີ່ຖົງພລາດສະຕິກຖືກນໍາໄປໃຊ້ຢ່າງກວ້າງຂວາງເຖິງແມ້ວ້າຈະເປັນທີ່ຮູ້ກັນວ່າຖົງພລາສ໌ຕິກນັ້ນບໍ່ເປັນມິດຕໍ່ສິ່ງແວດລ້ອມປານໃດກໍຕາມ.

​ເຊິ່ງຫາກຈະເວົ້າເຖິງວິທີການກໍາຈັດຖົງພລາສຕິກໃນຄົວເຮືອນນັ້ນຍ່ອມຟັງເບິ່ງເປັນເລື່ອງທີ່ເກີນຄວາມສາມາດໄປໜ້ອຍ​ໜຶ່ງເນື່ອງຈາກການນໍາຖົງພລາສຕິກໄປຫລອມຂຶ້ນຮູບໃຫມ່ (Recycle) ຈໍາເປັນຕ້ອງໃຊ້ເຄື່ອງຈັກທີ່ມີລາຄາແພງ ແລະ ມັກຖືກໃຊ້ຢູ່ໃນໂຮງງານ ອຸດສາຫະກໍາເທົ່ານັ້ນ ສະນັ້ນ ວິທີກໍາຈັດຖົງພລາສຕິກໃນຄົວເຮືອນທີ່ເຮັດໄດ້ຄືການນໍາຖົງພາດສະຕິກກັບມາ REUSE ຫຼື ໃຊ້ຊໍ້າໃຫ້ເກີດປະໂຫຍດສູງສຸດກ່ອນນໍາໄປທິ້ມເພື່ອເຂົ້າສູ່ຂະບວນການຝັງຕໍ່ໄປ.

ຈະສັງເກດວ່າຖົງພາດສະຕິກເປັນສິ່ງທີ່ບໍ່ສາມາດຍ່ອຍສະຫຼາຍເອງໄດ້ຕາມທໍາມະຊາດ ຫຼື ອາດຈະຕ້ອງໃຊ້ເວລາດົນກວ່າ 500-1,000 ປີຈຶ່ງຈະສະຫຼາຍຫມົດ ແລະ ເຖິງແມ້ວ່າວິທີການກໍາຈັດຖົງພລາສຕິກທີ່ນິຍົມໃຊ້ໃນປັດຈຸບັນຄືການຝັງແຕ່ກໍຍັງຄົງເປັນອັນຕະລາຍຕໍ່ມົນ​ລະພາວະສິ່ງແວດລ້ອມຢູ່ດີ ແລະ ຄົງມີແນວໂນ້ມວ່າຄວາມຕ້ອງການໃຊ້ຖົງພາດສະຕິກໃນອຸດສາຫະກໍາຕ່າງໆຍັງເພີ່ມຂຶ້ນຢ່າງຕໍ່ເນື່ອງດ້ວຍອັນເປັນຜົນມາຈາກຂໍ້ດີດັ່ງກ່າວວ່າໄດ້ກ່າວໄວ້ຂ້າງຕົ້ນ.

ເຖິງຕອນນີ້ເຮົາຄົງເຮັດໄດ້ພຽງແຕ່ຊ່ວຍກັນ​ເຊີນຊວນໃຫ້ທຸກຄົນລົດການໃຊ້ຖົງພລາສຕິກລົງໂດຍການໃຊ້ຖົງຜ້າ ຫຼື ຖົງ​ເຈ້ຍ ​ໃນກິດຈະກໍາຕ່າງໆແທນເຊັ່ນ ການຈັບຈ່າຍໃຊ້ສອຍການບໍລິໂພກສິນຄ້າ ແລະ ບໍລິການອື່ນໆ ລວມເຖິງອາດມີການຈັດກິດຈະກໍາສົ່ງເສີມການຕະຫຼາດຂອງຫ້າງຮ້ານທີ່ຈະເປັນນະໂຍບາຍໃນການລົດໃຊ້ຖົງພລາສຕິກກໍຖືເປັນການໂຫນກະແສທີ່ດີຂອງເຫລົ່າບັນດາທຸລະກິດແຕ່ຫາກບໍ່ສາມາດຫລີກຫຼ່ຽງໄດ້​ແທ້ກໍຄວນນໍາຖົງພລາສຕິກນັ້ນກັບມາໃຊ້ຊໍ້າ (Reuse) ໃຫ້ຄຸ້ມຄ່າທີ່ສຸດກ່ອນນໍາໄປທິ້ມ.

ບົດຄວາມໃຫມ່ໆ