”ປະຫວັດ ​ແລະ ຄວາມ​ເປັນ​ມາ​ຂອງ​ອາ​ຊຽນ”

ອາຊຽນ (ASEAN) ຫຼື ສະມາຄົມປະຊາຊາດແຫ່ງເອເຊຍຕະ​ເວັນອອກສຽງໃຕ້ (Association of Southeast Asian Nations, ອັກສອນຫຍໍ້ ASEAN) ກໍ່ຕັ້ງຂຶ້ນເມື່ອວັນທີ່ 8 ສ.ຄ 2510 ສະມາຊິກຜູ້ຮ່ວມກໍ່ຕັ້ງທັງ 5 ປະເທດໄດ້ແກ່: ໄທ, ສິງກະໂປ, ອິນໂດ​ເນເຊຍ, ຟີ​ລິບ​ປິນ.

  • ຜູ້ແທນທັງ 5 ປະເທດຜູ້ຮ່ວມກໍ່ຕັ້ງອາຊຽນທີ່ຮ່ວມລົງນາມປະກາດກຸງເທບປະກອບໄປດ້ວຍ:
  1. ທ່ານ ອາ​ດຳ ມາລິກ ນາຍົກລັດຖະມົນຕີຕ່າງປະເທດອິນໂດນີເຊຍ.
  2. ທ່ານ ຕຸນ ອັບດຸນ ​ແລະ ທ່ານ ລາຊັກ ບິນຮຸດເຊນ ຮອງ​ເລຂາທິການປ້ອງ​ກັນຊາ​ດ ແລະ ລັດມົນຕີກະຊວງພັດທະນາການແຫ່ງຊາດມາເລເຊຍ.
  3. ທ່ານ ນາຊິໂຊ ຮາມອສ ນາຍົກລັດຖະມົນຕີປະເທດຟິລິບປິນ.
  4. ທ່ານ ເອດ ລາຊາລັດນຳ ນາຍົກລັດຖະມົນຕີປະເທດສິງຄະໂປ.
  5. ພັນເອກ (ພິເສດ) ດຣ. ຖະຫນັດ ຄໍມັນ ນາຍົກລັດຖະມົນຕີວ່າການກະຊວງການຕ່າງປະເທດຂອງໄທ.

ພາຍຫລັງຈາກການຈັດຕັ້ງປະຊາຄົມອາຊຽນເມື່ອ 8 ສ.ຄ 2510 ແລ້ວໄດ້ມີປະເທດໃນແຖບເອເຊຍຕະວັນອອກສຽງໃຕ້ອີກ 5 ປະເທດທີ່ເຫຼືອໄດ້ຂໍເຂົ້າຮ່ວມເປັນສະມາຊິກກຸ່ມອາຊຽນນຳ​ອີກ ​ເຊິ່ງປະເທດອາຊຽນທັງ 5 ໄດ້ເຂົ້າຮ່ວມເປັນສະມາຊິກອາຊຽນໃນເວລາຕ່າງກັນດັ່ງນີ້​:

- ລໍາດັບທີ່ 6 ປະເທດ ບຣູໄນດາຣຸສຊາລາມ ໄດ້ເຂົ້າເປັນສະມາຊິກອາຊຽນເມື່ອ ວັນທີ 8 ມັງກອນ ພ.ສ 2527.

- ລໍາດັບທີ່ 7 ປະເທດສາທາລະນະລັດສັງຄົມນິຍົມຫວຽດນາມໄດ້ເຂົ້າເປັນສະມາຊິກອາຊຽນ ເມື່ອ ວັນທີ 28 ກໍລະກົດ ພ.ສ 2538.

- ລໍາດັບທີ່ 8 ປະເທດສາທາລະນະລັດປະຊາທິປະໄຕປະຊາຊົນລາວໄດ້ເຂົ້າເປັນສະມາຊິກເມື່ອ ວັນທີ 23 ກໍລະກົດ ພ.ສ 2540.

- ລໍາດັບທີ່ 9 ປະເທດສະຫະພາບມຽນມາ ໄດ້ເຂົ້າເປັນສະມາຊິກເມື່ອວັນທີ 23 ກໍລະກົດ ພ.ສ 2540 (ພ້ອມກັບປະ​ເທດລາວ).

- ລໍາດັບທີ່ 10 ລາຊະອານາຈັກກໍາປູ​ເຈຍ ໄດ້ເຂົ້າເປັນສະມາຊິກເມື່ອວັນທີ 30 ເມສາ ພ.ສ 2542.