​ເລືອກ​ເຄື່ອງ​ປະດັບ​ເສີມ​ບຸກຄະ​ລິກ

ການເລືອກໃສ່ເຄື່ອງປະດັບຂອງຜູ້ຍິງນັ້ນ ນອກຈາກເພື່ອຄວາມສວຍງາມແລ້ວເຄື່ອງປະດັບຍັງເປັນອີກໜຶ່ງສິ່ງທີ່ສາມາດສະທ້ອນເຖິງຄາ​​ແລັກເຕີ ແລະ ກໍານົດພາບລັກສະນະຂອງຜູ້ສວມໃສ່ໄດ້ເປັນຢ່າງດີ ຄິດ​ອອກ ແນະນໍາວິທີການເລືອກເຄື່ອງປະດັບທີ່ຊ່ວຍເສີມບຸກຄົນໃຫ້ງາມສະຫງ່າ.

ສິ່ງສໍາຄັນໃນການເຮັດທຸລະກິດໃຫ້ປະສົບຄວາມສຳ​ເລັດຕ້ອງເລີ່ມຈາກມີຄວາມຫມັ້ນໃຈບໍ່ສະ​ເພາະຈາກພາຍໃນແຕ່ຕ້ອງລວມເຖິງຄວາມໝັ້ນໃຈພາຍນອກທີ່ສະທ້ອນຜ່ານການແຕ່ງ​ໂຕນຳເພາະເປັນການສະແດງເຖິງຄວາມເອົາໃຈໃສ່ກາລະ​ເທສະໃຫ້ກຽດຕໍ່ຄົນທີ່ຕ້ອງໄປພົບເຈິ.

"ສໍາລັບຜູ້ຍິງໜຶ່ງໃນໄອເທັມທີ່ຈະຊ່ວຍສ້າງພາບລັກ ແລະ ຄວາມໝັ້ນໃຈໄດ້ເປັນຢ່າງດີຄື ເຄື່ອງປະດັບທີ່ດີ​ເຊິ່ງຕ້ອງສາມາດໃສ່ຕິດ​ໂຕໄດ້ຕະຫຼອດບໍ່ວ່າຈະເປັນງານກາງວັນ ຫຼື ກາງຄືນສ່ວນຕົວຈະມັກເພັດທີ່ມີດີໄຊລຽບຫລູນໍ້າງາມແລ້ວກໍຈະເບິ່ງເລືອກຈາກຕົວແບຣນທີ່ມີຊື່ສຽງມາເປັນເວລາດົນເພາະຈະສາມາດກາລັນຕີເຖິງມາດຕະຖານ ແລະ ຄຸນະພາບທີ່ດີຂອງອັນຍະມະນີໄດ້"

ສໍາຫລັບ Working women ທີ່ຕ້ອງເຮັດວຽກໄປພ້ອມກັບລ້ຽງລູກເຄື່ອງປະດັບທີ່ຕອບ​ໂຈດຈະຕ້ອງເປັນອັນທີ່ຄ່ອນຂ້າງລຽບແຕ່ແຝງດ້ວຍຄວາມໂດດເດັ່ນສາມາດເຂົ້າໄດ້ກັບທຸກຊຸດ ແລະໃສ່ໄດ້ດົນເໝາະກັບທຸກຍຸກທຸກສະ​ໄໝທີ່ຂາດບໍ່ໄດ້ຄືຕ້ອງເລືອກແບຣນທີ່ມີຄາແລກເຕີຂອບແບຣນທີ່ຄຸນນະພາບດີ ມີມາດຕະຖານ ຄຸ້ມຄ່າແກ່ການລົງທຶນ ຈະໄດ້ເກັບໄວ້ໃຫ້ລູກສາວໄດ້.

ສິ່ງສໍາຄັນທີ່ຕ້ອງໄປອອກງານສັງຄົມຄື ຕ້ອງໃຫ້ກຽດເຈົ້າຂອງງານ ດັ່ງນັ້ນໃນທຸກໆຄັ້ງເຮົາກໍຈະຕ້ອງກຽມຕົວເລື່ອງເສື້ອຜ້າໜ້າຜົມ ເຄື່ອງປະດັບໃຫ້ເຂົ້າກັບງານ ແລະ ຖືກຕ້ອງຕາມກາລະເທສະ ສ່ວນຕົວຈະມັກໃສ່ແຫວນຕິດນິ້ວຢູ່ແລ້ວເພາະເຮັດໃຫ້ຮູ້ສຶກຊ່ວຍເພີ່ມຄວາມໝັ້ນໃຈເວລາທີ່ຕ້ອງລົມກັບຄົນອື່ນ ແຕ່ຖ້າມື້​ໃດຕ້ອງໄປວຽກອາດຈະເລືອກເຄື່ອງປະດັບອັນອື່ນເພີ່ມເຂົ້າມາໃຫ້ເບິ່ງພິເສດຂຶ້ນເຊັ່ນ ຖ້າໃສ່ຊຸດລຽບໆຈະເລືອກໃສ່ສາຍ​ແຂນທີ່ມີດີໄຊແປກຕາເພື່ອຊ່ວຍເພີ່ມສະເໜ່ ຫຼື ອາດຈະມັດຜົມຕຶງແລ້ວໃສ່ຕຸ້ມຫູ.

ນອກຈາກເສື້ອຜ້າໜ້າຜົມເປັນເລື່ອງທີ່ສໍາຄັນໃນການສ້າງຄວາມປະທັບໃຈໃນການອອກເດດແລ້ວສິ່ງທີ່ຊ່ວຍເສີມບຸກຄົນໃຫ້ສົມບູນແບບຫຼາຍຍິ່ງຂຶ້ນກໍຄືເຄື່ອງປະດັບ.

"ຖ້າ​ມື້ໃດໃສ່ເຄື່ອງປະດັບຈັດເຕັມ ຄົບຕັ້ງແຕ່ ແຫວນ, ຕຸ້ມຫູ, ສາຍຄໍ, ກໍຈະເລືອກອັນທີ່ບໍ່ໃຫຍ່ເກີນໄປ ແລະ ໃຫ້ເຂົ້າກັບເສື້ອຜ້າສໍາລັບການຈັບຄູ່ເຄື່ອງປະດັບກັບຊຸດທີ່ໃສ່ ຖ້າໃສ່ຊຸດສີຂາວບໍ່ຄ່ອຍມີບັນຫາແຕ່ຖ້າໃສ່ສີ​ແສດແຈ້ງຕ້ອງຄຸມໂທນ ເລືອກເຄື່ອງປະດັບທີ່ເປັນສີເງິນແຕ່ຖ້າຢາກເລືອກໃສ່ເຄື່ອງປະດັບແຄ່ອັນດຽວແນະນໍາໃຫ້ເລືອກຕຸ້ມຫູທີ່ມີດີໄຊໂດດເດັ່ນດຶງດູດສາຍຕາໄປເລີຍ ຫຼື ຖ້າຢາກໃສ່ແຫວນກໍອາດຈະເລືອກແຫວນຫຼາຍໆແບບມາໃສ່​ໃຫ້​ເຂົ້າກັນ.

ບົດຄວາມໃຫມ່ໆ