​ເຄັດ​ລັບ​ເຮັດ​​ໃຫ້​ຜົມ​ເງົາ​ງາມ

ນອກຈາກໃບໜ້າທີ່ເປັນຈຸດເດັ່ນທີ່ທຸກຄົນຕ້ອງພົບ ແລະ ເຮັດໃຫ້ເຈົ້າຂອງໃບໜ້ານັ້ນໄດ້ພາກພູມໃຈ ອີກສິ່ງໜຶ່ງທີ່ບົ່ງບອກຄວາມເປັນຜູ້ຍິງ ແລະ ເຮັດໃຫ້ຜູ້ຍິງເບິ່ງງາມຂຶ້ນກໍຄືການມີ ຜົມທີ່ດົກດໍາເງົາງາມ ຖ້າຫາກຜົມແຫ້ງກະດ້າງ ແຕກປາຍ​ ລີບມັນ ຫຼື ຟູບໍ່ເຂົ້າຮູບເຂົ້າຊົງກໍສ້າງບັນຫາໃຫ້ໝົດຄວາມພາກພູມໃຈລົງ​ໄດ້.

ໂດຍສະເພາະຖ້າຜູ້ຍິງທີ່ລ່ວງເລີຍໄວ 40 ຂຶ້ນໄປບັນຫາຜົມເລີ່ມມີຫຼາຍຂຶ້ນທັງຜົມຫຼົ່ນຜົມບາງຜົມຫງອກ ແລະ ຜົມລີບແບນເບິ່ງບໍ່ມີຊີວິດຊີວາ ດັ່ງນັ້ນການເບິ່ງແຍງເສັ້ນຜົມຕ້ອງມີຫຼາຍຂຶ້ນກວ່າຕອນສາວໆນອກຈາກບໍາລຸງດ້ວຍຄີມເຊລໍ່າຕ່າງໆແລ້ວອາດຈະຕ້ອງກິນວິຕາມິນຊ່ວຍເພື່ອໃຫ້ຜົນລັບທີ່ດີຂຶ້ນ ຄິດອອກ ມີເຄັດລັບດັ່ງນີ້:

1.ເລືອກກິນໃຫ້ຫຼາຍຂຶ້ນດ້ວຍການເລືອກກິນອາຫານໃຫ້ຄົບ 5 ໝູ່ແນະນໍາໃຫ້ທານອາຫານຈໍາພວກຖົ່ວ ແລະ ເມັດທັນຍາພືດ ຜັກໂຫມ ປາແຊລມອນ ນໍ້າມັນໝາກອຶ ແລະ ໝາກໄມ້ທີ່ມີ Anti Oxidant ສູງເປັນຕົ້ນຈະຊ່ວຍບໍາລຸງຮາກຜົມລົດຜົມຫຼົ່ນ ແລະ ຊ່ວຍເລັ່ງຜົມເກີດໃຫມ່ໄດ້ດີຂຶ້ນ.

2.ເຮັດຄວາມສະອາດເມື່ອເລືອກສານອາຫານທີ່ບໍາລຸງຜົມແລ້ວການເບິ່ງແຍງເຮັດຄວາມສະອາດເສັ້ນຜົມກໍເປັນເລື່ອງຫຼັກເຊັ່ນດຽວກັນໂດຍປົກກະຕິເສັ້ນຜົມຈະມີການຂັບນໍ້າມັນອອກມາລ້ຽງຮາກຜົມຢູ່ແລ້ວຈຶ່ງບໍ່ຈໍາເປັນຕ້ອງສະຜົມທຸກມື້ອາດຈະສະຜົມ ອາທິດລະ 2-3 ຄັ້ງເພື່ອໃຫ້ນ້ຳມັນເທິງເສັ້ນຜົມຮັກສາຮາກຜົມໃຫ້ແຂງແຮງ.

3.ເຊັດໃຫ້ແຫ້ງທຸກຄັ້ງຫຼັງສະຜົມຕ້ອງເຊັດຜົມໃຫ້ແຫ້ງຢ່າປະໄວ້ແລ້ວມັດ ຫຼື ໄປນອນບໍ່ຊັ້ນ ຄວາມອັບຊື້ນຈະເຮັດໃຫ້ເສັ້ນຜົມ ແລະ ໜັງ​ຫົວຂອງສາວໆເກີດເຊື້ອລາຈົນເຮັດໃຫ້ເສັ້ນຜົມຫຼຸດຫຼົ່ນໄດ້ງ່າຍ.

4.ຮັກສາສຸຂະພາບຜົມຫຼົ່ນເກີດໄດ້ຈາກຫຼາຍສາເຫດໂດຍສະ​ເພາະຈາກຄວາມຄຽດການພັກຜ່ອນບໍ່ພຽງພໍ ຫຼືພະຍາດບາງຊະນິດກໍເຮັດໃຫ້ຜົມຫຼົ່ນໄດ້ງ່າຍຫາກບໍ່ຢາກໃຫ້ເສັ້ນຜົມຫຼຸດຫຼົ່ນຈຶ່ງຄວນພັກຜ່ອນນອນຫຼັບໃຫ້ພຽງພໍ ຫຼີກລ່ຽງຄວາມຄຽດ.

5.ຫຼີກລ່ຽງການພົບແສງແດດຕະຫຼອດວັນໃນການເບິ່ງແຍງເສັ້ນຜົມ ແລະ ໜັງສີສະສິ່ງໜຶ່ງທີ່ຄວນຫຼີກລ່ຽງຄື ແສງແດດພະຍາຍາມຫຼີກລ່ຽງໃຫ້ໄດ້ຫຼາຍທີ່ສຸດເພາະແສງແດດ ຖືເປັນໄພອັນຕະລາຍທີ່ສຸດເລີຍກໍວ່າໄດ້ເພາະວ່າມັນຈະທຳລາຍເສັ້ນຜົມ ແລະ ໜັງ​ຫົວຂອງທ່ານໄປ​ເທື່ອລະເລັກ​ເທື່ອລະນ້ອຍ ບາງຄົນເລີ່ມຈາກຜົມແຕກປາຍກ່ອນ ແລະ ຜົມຄ່ອຍໆຫລຸດລົ່ນໄປ​ເທື່ອລະໜ້ອຍ ບາງລາຍຫຼຸດທີດຽວ​ເທື່ອລະຫຼາຍໆ ເພາະສະນັ້ນຖ້າຫຼີກລ່ຽງແສງແດດໄດ້ຄວນຫຼີກລ່ຽງຫາກຈໍາເປັນຕ້ອງເຈີແດດຈັດໃຫ້ໃສ່ໝວກ ຫຼື ຫາຜ້າຄຸມຜົມງາມໆ ເປັນຕົວຊ່ວຍລວມທັງໃຫ້ເຊລໍ່າເພື່ອປ້ອງກັນແສງແດດໂດຍສະ​ເພາະ.

6.ແຊມພູ ແລະ ເຊລໍ່າການເຮັດຄວາມສະອາດເປັນເລື່ອງທີ່ຕ້ອງເຮັດຢູ່ເປັນປະຈໍາແຕ່ ສໍາລັບໃຜທີ່ມີບັນຫາເສັ້ນຜົມຫຼຸດຫຼົ່ນເກີນວັນລະ 100 ເສັ້ນຕ້ອງເບິ່ງແຍງເປັນພິເສດດ້ວຍການເລືອກໃຊ້ແຊມພູຄວບຄູ່ກັບການໃຊ້ເຊລໍ່າທີ່ໄດ້ ຈາກທໍາມະຊາດເພື່ອບໍາລຸງຮາກຜົມລຸດຜົມຫຼົ່ນ ແລະ ຟື້ນຟູໃຫ້ຜົມງາມໄປພ້ອມກັນຮາກຜົມທີ່ໄດ້ຮັບການບໍາລຸງຈະລົດການຫຼຸດຫຼົ່ນ ແລະ ເຮັດໃຫ້ເກີດຜົມຂຶ້ນໃຫມ່ໄດ້ດີຂຶ້ນ.

7.ບໍາລຸງຈາກພາຍໃນ ຜົມທີ່ເສຍຜ່ານການເຮັດສີຫຼຸດຫຼົ່ນງ່າຍແຫ້ງ ແລະ ຫຍາບກະດ້າງ ຫຼື ​ແມ້​ແຕ່ຜົມຂາວມີຕົວຊ່ວຍທີ່ງ່າຍດາຍພຽງ​ແຕ່​ກິນວິຕາມິນທີ່ສາມາດຕອບໂຈດການຮັກສາໄດ້ກົງຈຸດຈາກພາຍໃນສູ່ພາຍນອກກິນໄປຈັກໄລຍະໜຶ່ງຜົມຂາດຫຼຸດຫຼົ່ນນ້ອຍລົງ ໜາຂຶ້ນ ດໍາເງົາ ແລະມີນໍ້າໜັກລົດຜົມຂາວ.