​ຊາຍບໍ່​ມັກ​ຜູ້ຍິງ​​ເກັ່ງ​ແທ້​ຫວາ???

​ເປັນຫຍັງຜູ້ຍິງເກັ່ງບາງຄົນເຖິງບໍ່ປະສົບຄວາມສໍາເລັດເລື່ອງຄວາມຮັກ ຄໍາຕອບອາດຢູ່ທີ່ການວາງຕົວ ແລະ ການຮູ້ໜ້າທີ່ເປັນໄດ້.

ຫຼາຍຄົນມັກຈະເຊື່ອວ່າຜູ້ຊາຍບໍ່ມັກຜູ້ຍິງເຮັດວຽກເກັ່ງ ມີຄວາມເປັນຜູ້ນໍາສູງ ເພາະຜູ້ຊາຍບໍ່ມັກໃຫ້ແຟນມີຖານະການງານການເງິນທີ່ດີກວ່າ ຫາກເປັນສະໄໝກ່ອນຄ່ອນຂ້າງຈະ​​ເປັນຄວາມ​ຈິງ ເພາະຍັງຢູ່ໃນຍຸກສະໄໝທີ່ຜູ້ຊາຍເປັນຊ້າງຕີນໜ້າຜູ້ຍິງຍັງຖືກກົດກົດຂີ່ວ່າໄຮ້ຄວາມສາມາດ.

ແຕ່ໃນຍຸກສະໄໝແຫ່ງດິຈິຕອນແນວຄວາມຄິດແບບນີ້ຄ່ອນຂ້າງເຫຼືອໜ້ອຍເພາະ​ເກືອບຈະບໍ່ມີໃຜມາໃສ່ໃຈໃນເລື່ອງນີ້ແລ້ວທຸກຢ່າງຢູ່ທີ່ທັດສະນະຄະຕິທີ່ກົງກັນລ້ວນໆຂ້ອຍເຄີຍສອບຖາມໝູ່​ທີ່​ແຕ່ງງານມີຄອບຄົວແລ້ວ​ເມຍມີໜ້າທີ່ການງານ ແລະ ເງິນເດືອນທີ່ສູງກວ່າພວກເຂົາຄິດ​ແນວ​ໃດ ທຸກຄົນລ້ວນຕອບໄປໃນທິດທາງດຽວກັນວ່າບໍ່ໄດ້ຮູ້ສຶກວ່າບໍ່ມັກທີ່ມີ​ເມ​ຍເຮັດວຽກເກັ່ງແຖມຍັງຮູ້ສຶກດີທີ່​ເມຍມີໜ້າທີ່ການວຽກທີ່ດີມີເງິນເດືອນສູງ ແລະ ພ້ອມສະໜັບສະໜຸນເຈົ້າຢ່າງເຕັມທີ່.

ຖ້າສິ່ງທີ່ພວກເຂົາກັງວົນໃຈນັ້ນເປັນເລື່ອງຂອງການວາງ​ໂຕ ເມື່ອຢູ່ຮ່ວມກັນຫຼາຍກວ່າ ເພາະຜູ້ຊາຍມັກຄາດຫວັງວ່າຈະໄດ້​ເມຍ ທີ່ຊ່າງເອົາອົກ​ເອົາໃຈ ແຕ່​ເມຍຂອງພວກເຂົານັ້ນມັກຈະເອົາໃຈຜົວ ບໍ່ເກັ່ງຈົນເຖິງຂັ້ນລະເລີຍໜ້າທີ່​ເມຍໃນຈຸດນີ້ໄປ ການເອົາໃຈສາມີບໍ່ແມ່ນ​ແຕ່ເລື່ອງເທິງຕຽງ ແຕ່ໝາຍເຖິງຄໍາເວົ້າທີ່ສະແດງຄວາມຫ່ວງໃຍການ​ເຮັດ​ກິນ ການເຮັດໃຫ້ສາມີຍັງຮູ້ສຶກວ່າເຂົາຍັງເປັນຄົນສໍາຄັນໃນຊີວິດຂອງເຮົາ.

ຍ້ອນມາຮອດຄັ້ງທີ່ອອກເດດ ຫຼື ຄົບຫາກັນໃໝ່ໆ ສາວໆບໍ່ຕ້ອງຢ້ານວ່າຜູ້ຊາຍຈະຄິດຫຼາຍເລື່ອງຄວາມເກັ່ງໃນເລື່ອງວຽກສິ່ງທີ່ຜູ້ຊາຍຍຸກໃໝ່ຕ້ອງການຄືຜູ້ຍິງທີ່ມີທັດສະນະຄະຕິໃກ້ຄຽງກັນ ແລະ ບໍ່ລືມທີ່ຈະໃສ່ໃຈເບິ່ງແຍງ​ໂຕເຂົາໃຫ້ເປັນຄົນສໍາຄັນສະເໝີ ແລະ ເຮັດໃຫ້ເຂົາຮູ້ສຶກວ່າຢູ່ນຳກັນແລ້ວມີຄວາມສຸກ ບໍ່ແມ່ນມີເລື່ອງໃຫ້ຜິດ​ຖຽງ​ກັນ ເພາະຄວາມເອົາແຕ່ໃຈຕົນເອງຄິດວ່າຖ້າຮັກຂ້ອຍ​ແທ້ ກໍຕ້ອງມາງໍ້ກັນຕະຫຼອດ ແຕ່ຄວາມຮັກກໍສ່ວນຄວາມຮັກ ຄວາມສຸກໃນການດໍາເນີນຊີວິດກໍເປັນອີກເລື່ອງໜຶ່ງ ຖ້າທັງສອງຍ່າງໄປນໍາກັນບໍ່ໄດ້ ຜູ້ຊາຍກໍຍ່ອມຈະຫາຜູ້ຍິງຄົນໃໝ່ທີ່ໃຫ້ຄວາມສະບາຍໃຈກັບເຂົາໄດ້ຫຼາຍກວ່າບໍ່ຕ້ອງມານັ່ງຄຽດວ່າມື້ນີ້ຈະຕ້ອງມານັ່ງຜິດ​ຖຽງກັນດ້ວຍເລື່ອງບໍ່ເປັນເລື່ອງອີກ.