​ຂີ້ແຮ້​ດຳ​ ຕ້ອງສູດນີ້ ງ່າຍຈົນບໍ່ໜ້າເຊື້ອ​​

​ຂີ້ແຮ້​ດຳ​ ຕ້ອງສູດນີ້ ງ່າຍຈົນບໍ່ໜ້າເຊື້ອ​​


     ກ່ອນ​ອື່ນ​ຂໍ​ເວົ້າກ່ອນ​ວ່າ​ ໂຍເກິດ ເປັນ​ຜະລິດຕະພັນ​ທີ່​ອຸດົມ​ໄປ​ດ້ວຍ​ວິ​ຕາ​ມິນ​ລວມ​ເຖິງ​ສານ​ອາຫານ​ທີ່​ຈຳ​ເປັນ​ຕໍ່​ຮ່າງກາຍ​ຫຼາຍ​ຊະນິດ​ ໃນ​ດ້ານ​ຄວາມ​ງາມ​ຊື່​ສຽງ​​ຫຼວງຫຼາຍ​ ຫຼາຍ​ຄົນ​ເອົາ​ໂຍເກິດ​ມາພອກ​ໜ້າ​, ພອກ​ຜິວ,​ ກໍ​ຈະ​ຊ່ວຍ​ໃຫ້​ໜ້າ​ຂາວ​ໃສ​, ສິວ​ຫາຍ​ ແລະ ​ຜິວ​ພັນ​ນຽນ​ນຸ່ມ​ຂຶ້ນ.​
ຈົນກະທັ້ງ​ມີ​ການ​ບອກ​ຕໍ່​ກັນ​ມາ​ວ່າ​ ໂຍເກິດສາມາດ​ຊ່ວຍ​ເຮັດໃຫ້​ຂີ້ແຮ້ຂາວ​ຂຶ້ນ​ໄດ້​ ນອກ​ຈາກ​ຈະ​ບຳ​ລຸງ​ຜິວ​ໃຫ້​ຂີ້ແຮ້ ຂາວ​ຂຶ້ນ​ໄດ້​ແລ້ວຍັງ​ຈະ​ຊ່ວຍ​ໃຫ້​ຜິວ​ໜັງ​ບໍລິເວນນັ້ນ​ ​ນຽນ​ຂຶ້ນ​ໄດ້​ອີກ​ດ້ວຍ​ ​ສ່ວນ​ປະສົມ​ຫຍັງແດ່ ​ທີ່​ຈະ​ຊ່ວຍ​ເສີມ​ປະ​ສິດ​ທິ​ພາບ​ຂອງ​ໂຍເ​ກິດ.​


ນ້ຳ​ສົ້ມ​ສາຍ​ຊູ​
ນຳ​ໂຍເກິດລົດທຳມະຊາດ​ປະ​ມານ​ 2 ບ່ວງໂຕະ​ ມາ​ປະສົມ​ກັບ​ນ້ຳ​ສົ້ມ​ສາຍ​ຊູປະ​ມານ​ 1 ບ່ວງຊາ ຈາກ​ນັ້ນ​ໃຫ້​ນຳ​ມາ ພອກຂີ້ແຮ້​ຖິ້ມ​ປະໄວ້​ປະ​ມານ​ 15-20 ນາ​ທີ​ ແລ້ວ​ລ້າງ​ອອກ​ໃຫ້​ສະ​ອາດ.
ສູດ​ນີ້​ຈະ​ຊ່ວຍ​ເລັ່ງ​ການ​ຜັດ​ເຊລ​ຜິວ​ໃຫ້​ຂາວ​ຂຶ້ນ ​ແລະ ​ຊ່ວຍ​​ຫຼຸດ​ບັນຫາ​ຜິວ​ໜັງ​ໄກ່​ ປັບ​ຜິວ​ໃຫ້​ນຽນ​ນຸ່ມ​ຫຼາຍ​ຂຶ້ນ.​


ໝາກ​ຂາມ​ປຽກ​
ນຳ​ໂຍ​ເ​ກິດ​ລົດ​ທຳມະຊາດ​ມາ​ປະສົມ​ເຂົ້າ​ກັບ​ເນື້ອໝາກ​ຂາມ​ປຽກ​ໃຫ້​ເຂົ້າ​ເປັນ​ເນື້ອດຽວ​ກັນ ຈາກ​ນັ້ນ​ໃຫ້​ນຳ​ມາ​ຂັດ​ຂີ້ແຮ້ໃຫ້​ທົ່ວ​ເລັດ​ແລ້ວ​ພອກ​ຖິ້ມປະ​ໄວ້​ປະ​ມານ​ 30 ນາ​ທີ​ແລ້ວ​ລ້າງ​ອອກ.
ສູດ​ນີ້​ສາມາດ​ເຮັດ​ໄດ້​ອາທິດ​ລະ​ເທື່ອ​ ຂີ້ແຮ້ຈະ​ຂາວ​ ແລະ​ ນຸ່ມ​ຂຶ້ນ​ຢ່າງ​ເປັນ​ທຳມະຊາດ​.


ນ້ຳ​ໝາກ​ນາວ​
ນຳ​ໂຍ​ເ​ກິດ​ມາ​ປະສົມ​ກັບ​ນ້ຳ​ໝາກ​ນາວ​ປະ​ມານເ​ຄິ່ງໜຶ່ງ ແລ້ວ​ນຳ​ມາພອກຂີ້ແຮ້ຖິ້ມ​ປະໄວ້​ປະ​ມານ​ 15-20 ນາ​ທີ ເມື່ອ​ຄົບ​ເວລາ​ແລ້ວ​ໃຫ້​ໃຊ້​ໃຍ​ບວບ​ຂັດ​ຢ່າງ​ເບົາ​ມື​ແລ້ວ​ຄ່ອຍ​ລ້າງ​ອອກ​ໃຫ້​ສະ​ອາດ​.
ສູດ​ນີ້​ສາມາດ​ເຮັດ​ໄດ້​ອາທິດ​ລະ​ 1-2 ເທື່ອ​ ແຖມຍັງ​ຊ່ວຍ​ໃຫ້​ບັນຫາ​ໜັງ​ໄກ່​ດີ​ຂຶ້ນ​ດ້ວຍ.
ສ່ວນ​ປະສົມ​ງ່າຍໆ​ ພຽງ​ສາມ​ຢ່າງ​ນຳ​ມາ​ມິກ​ກັບ​ໂຍ​ເ​ກິດ​ລົດ​ທຳມະຊາດ​ກໍ​ຊ່ວຍ​ເບິ່ງ​ແຍງ​ຜິວ​ຂອງ​ສາວ​ໆ​ ໃຫ້​ຂາວ​ນຽນ​ໄດ້​.