​ກິນ​ແນວໃດ​ໃຫ້​ຂາ​ຮຽວ​ງາມ​ ສູດ​ຂາ​ນ້ອຍ​ແບບ​ອິ່ມ​ທ້ອງ​

​ກິນ​ແນວໃດ​ໃຫ້​ຂາ​ຮຽວ​ງາມ​ ສູດ​ຂາ​ນ້ອຍ​ແບບ​ອິ່ມ​ທ້ອງ​

“ຂາ​” ເປັນ​ອະໄວຍະວະ​ທີ່​ສາມາດ​ເຮັດໃຫ້​ກະ​ຊັບ​ໄດ້​ງ່າຍ​ທີ່ສຸດ​ ເພາະ​ເປັນ​ສ່ວນ​ທີ່​ຕ້ອງ​ອອກ​ກຳ​ລັງ​ກາຍ​ຢູ່​ແລ້ວ​ໃນ​ຊີວິດ​ປະຈຳ​ວັນ​ ນອກ​ຈາກ​ນີ້​ ຖ້າ​ເຈົ້າ​ເປັນ​ຄົົນທີ່​​ນ້ຳ​ໜັກ​ຂຶ້ນ​ແລ້ວ​ ຂາ​ຈະ​ໃຫຍ່​ກ່ອນ​ສ່ວນ​ອື່ນ​ ການ​ໃຊ້​ເທັກ​ນິກ​ນີ້​ຈະ​ເຮັດໃຫ້​ຂາ​ນ້ອຍ​ລົງ​ກ່ອນ​ສ່ວນ​ອື່ນ​ໆ​.​
4 ກົດ​ສຳລັບ​ ຂາສວຍ​ງາມ ຂາ​ຮຽວ​

1 ເນັ້ນ​ການກິນ “ໂປຼຣ​ຕິນ​” ແຄລໍຮີ​ຕ່ຳ​ – ບໍ່ມີ​ໄຂ​ມັນ​ ເພື່ອ​ຊ່ວຍ​ເສີມ​ສ້າງ​ກ້າມເນື້ອ.

2 ກິນ “ໄຂ​ມັນ​” ທີ່​ຈຳ​ເປັນ​ຕໍ່​ຮ່າງກາຍ​ ເພື່ອ​ຊ່ວຍ​ໃຫ້​ຜິວ​ມີ​ຄວາມ​ສົດຊື່ນ ແລະ ​ບໍ່​ແຫ້ງ​ແຕກ.​

3 ເນັ້ນການກິນ​ອາຫານ​ທີ່​ມີ​ “ໂປ​ເຕັກ​ຊຽມ​” ແລະ​ “ມີ​ນ້ຳ​” ຫຼາຍໆ​ ຊຶ່ງ​ຈະ​ຊ່ວຍ​ໃຫ້​ຍ່ຽວ​ດຸໆ​ຂຶ້ນ​ ເປັນ​ການ ຫຼຸດ​ການ​ຄັ່ງ​ນ້ຳ​ໃນ​ຮ່າງກາຍ​ ອາການ​ບວມ​ ແລະ ​ເຊວ​ລູ​ໄລ.​

4 ເນັ້ນ​ການກິນໝາກໄມ້​ປະ​ເພດ​ “ໝາກກ້ຽງ​ຫຼືໝາກນາວ​” ເພື່ອ​ຊ່ວຍ​ໃຫ້​ການ​ເຜົາ​ຜານ​ຂອງ​ຮ່າງ ກາຍ​ດີ​ຂຶ້ນ​ ນອກ​ຈາກ​ນີ້​ ຍັງ​ຊ່ວຍ​ໃຫ້​ຮ່າງກາຍ​ດູດ​ຊືມ​ທາດ​ເຫຼັກ​ໄດ້​ດີຫຼາຍຂຶ້ນ​ອີກ​ດ້ວຍ.​

 

ອາຫານ​ 5 ປະ​ເພດ​ທີ່​ແນະ​ນຳ​

1 ກ້ວຍ​
2 ໄຂ່​
3 ປາ​ແຊລມ​ອນ​ – ຊີ້ນ​ໄກ່​
4 ໝາກໄມ້​ປະ​ເພດໝາກກ້ຽງແລະໝາກ​ນາວ​
5 ອາ​ໂວ​ຄາ​ໂດ້​

ການ​ ​ກິນອາຫານ​ຕາມ​ແຜນ​ນີ້​ ຕ້ອງ​ກິນ​ “ສະ​ລັດ​ຜັກ​” ທຸກ​ມື້​ແທນ​ອາຫານຫຼັກ​ 1 ມື້ຫຼື​ແທນ​ຂອງ​ວ່າງ​ ຄວນ​ຕື່ມ​ຜັກ​ຈຳ​ພວກ​ “ໜໍ່​ໄມ້​ຝ​ຮັ່ງ​” ເຂົ້າໄປ​ດ້ວຍ​ກໍເປັນການ​ດີ​ ສ່ວນ​ອາຫານ​ມື້​ອື່ນ​ໆ​ ຄວນ​ເນັ້ນກິນ​ສ່ວນ​ປະສົມ​ອາຫານ​ 5 ປະ​ເພດ​ຂ້າງ​ຕົ້ນ​ເປັນ​ຫຼັກ​ ນອກ​ຈາກ​ນີ້​ ຍັງ​ສາມາດ​ດື່ມ​ກາເຟ​ ຊາປະ​ເພດ​ຕ່າງ​ໆ​ ແລະ​ນ້ຳ​ໄດ້​ຕາມ​ປົກກະຕິ​ ແຕ່​ພວກ​ນ້ຳ​ຫວານ​ ນ້ຳ​ອັດ​ລົມ​ຄວນ​ງົດ.​