ໝີຂາວຫາເລື່ອງຖືກລົງໂທດຫຼັງແຟນບານຈູດພຸໃນສະໜາມ

 

ຢູຟາ ເຜີຍລັດເຊຍຈະຖືກລົງໂທດຖ້າມີການເຮັດລາຍງານເລື່ອງແຟນບານຈູດພຸໃນສະໜາມໃນເກມທີ່ປລາໄຊ ສະໂລວະເກຍ 1-2 ວັນພຸດທີ່ຜ່ານມາເຂົ້າມາຮອດສະຫະພັນ ແຕ່ບົດລົງໂທດບໍ່ໄດ້ໜັກພໍເຮັດໃຫ້ “ໝີຂາວ” ຖືກຕັດອອກຈາກການແຂ່ງຂັນ ທີ່ຈະເກີດຂຶ້ນຈາກການວິວາດໃນສະໜາມ.

 

ສະຫະພັນບານເຕະເອີຣົບ (ຢູຟາ) ອອກຖະແຫຼງການວ່າທີມຊາດລັດເຊຍຈະຖືກລົງໂທດເພີ່ມຕື່ມຖ້າວ່າມີລາຍງານກ່ຽວກັບການຈູດພຸໄຟໃນສະໜາມຂອງແຟນບານພວກເຂົາໃນເກມທີ່ເສຍໃຫ້ກັບ ສະໂລວະເກຍ 1 – 2 ເສິກບານ ຢູໂຣ 2016 ຮອບທຳອິດຂອງກຸ່ມ ເບ ເມື່ອວັນພຸດທີ່ຜ່ານມາແຕ່ບໍ່ມີຜົນເຮັດໃຫ້ພວກເຂົາຕ້ອງຖືກຕັດສິດອອກຈາກການແຂ່ງຂັນທີ່ຈະເກີດຂຶ້ນຈາກການທະເລາະວິວາດບໍ່ແມ່ນການຈູດພຸ.

 

ລັດເຊຍຖືກ ຢູຟາ ຄາດໂທດໃຫ້ແລ້ວວ່າຈະຖືກຕັດສິດອອກຈາກການແຂ່ງຂັນຖ້າວ່າກໍ່ເຫດວິວາດໃນສະໜາມອີກຈາກກໍລະນີກໍ່ເຫດວິວາດ ແລະ ທຳຮ້າຍກອງເຊຍຂອງອັງກິດລະຫວ່າງເກມ ຢູໂຣ 2016 ນັດທຳອິດຂອງກຸ່ມ ເບ ທີ່ສະເໝີກັນ 1 – 1 ທີ່ສະໜາມ ສະຕາດ ເວໂລໂດຣມ.

 

ຫຼ້າສຸດ ແຟນບານຂອງ “ໝີຂາວ” ກໍ່ເລື່ອງອີກເມື່ອມີແຟນບານຈູດພຸຂຶ້ນມາຕອນທີ່ ເດນິສ ກລູຊາຄອຟ ຍິງປະຕູຕີໄຂ່ແຕກແຕ່ວ່າ ຢູຟາ ກໍບອກວ່າບົດລົງໂທດນັ້ນມັນຄົນລະສ່ວນກັນບໍ່ໄດ້ມີຜົນເຮັດໃຫ້ລັດເຊຍຖືກຕັດສິດອອກຈາກການແຂ່ງຂັນແຕ່ຢ່າງໃດ.

 

“ການລົງໂທດແບນລັດເຊຍກ່ຽວພັນກັບການວິວາດ ສ່ວນວ່າພຸໄຟນັ້ນຖ້າມີການລາຍງານກໍຈະເປັນບົດລົງໂທດທີ່ແຍກຕ່າງອອກໄປ” ໂຄສົກ ຢູຟາ ກ່າວ.