ໝາປ່າເມືອງເບຍສັ່ງປັບເງິນແດຣັກສ໌ເລີຂໍຂຶ້ນບັນຊີຍ້າຍທັບ

 

ຢູລຽນ ດຣັກສ໌ເລີ ກອງກາງທີມຊາດເຢຍລະມັນຫວັງບີບໃຫ້ ໂວບບວກ ຍອມປ່ອຍໂຕອອກຈາກສະໂມສອນຮ້ອງຂໍຂຶ້ນບັນຊີຍ້າຍທີມຫຼັງຈາກມີ “ປືນໃຫຍ່” ແລະ “ທັອບຟີ” ຈ້ອງດຶງໂຕ ຂະນະທີ່ “ໝາປ່າເມືອງເບຍ” ກຽມລົງດາບປັບເງິນເຂົາກ້ອນໃຫຍ່ສຳລັບການກະທຳດັ່ງກ່າວ.

 

ຢູລຽນ ດຣັກສ໌ເລີ ເພເມກເກີໂຕເກັ່ງຂອງ ໂວບບວກ ກຽມຖືກຕົ້ນສັງກັດສັ່ງປັບເງິນປະມານ 85,000 ປອນກໍລະນີທີ່ຮ້ອງຂໍຂຶ້ນບັນຊີຍ້າຍທີມກັບກະແສຂ່າວວ່າໄດ້ຮັບຄວາມສົນໃຈຈາກ ອາເຊນອນ ແລະ ເອເວີຕັນ ຈາກການລາຍງານຂອງ ບິວ ສື່ດັງຂອງເຢຍລະມັນເມື່ອວັນເສົາທີ່ຜ່ານມາ.

 

ກ່ອນໜ້ານີ້ນັກເຕະທັບອິນຊີເຫຼັກອອກມາເປີດເຜີຍວ່າ “ໝາປ່າເມືອງເບຍ” ເຄີຍຮັບປາກຈະໃຫ້ຍ້າຍທີມໃນຊ່ວງຊຳເມີນີ້ ຂະນະທີ່ຕົນໄດ້ແຈ້ງກັບ ດີເຕີ ເຮັກກິງ ຜູ້ຈັດການທີມຕັ້ງແຕ່ຫຼັງຈົບ ຢູໂຣ 2016 ແລ້ວວ່າຕ້ອງການຊອກຫາຕົ້ນສັງກັດໃໝ່.

 

ຢ່າງໃດກໍຕາມ ໂວບບວກ ຢືນຢັນຍັງບໍ່ມີການບັນລຸຂໍ້ຕົກລົງສຳລັບເລື່ອງການປ່ອຍໂຕ ດຣັກສ໌ເລີ ແລະ ແຈ້ງກັບສະໂມສອນຈາກ ພຣີເມຍລີກ ທີ່ໃຫ້ຄວາມສົນໃຈວ່າຕ້ອງທຸ່ມເງິນຈຳນວນ 50 ລ້ານປອນຖ້າຫວັງຢາກໄດ້ນັກເຕະໄປຮ່ວມທັບ ຂະນະທີ່ຫຼ້າສຸດກຽມສັ່ງປັບໄໝເງິນນັກເຕະຫຼັງຈາກທີ່ຮ້ອງຂໍຂຶ້ນບັນຊີຍ້າຍທີມເພື່ອບີບໃຫ້ສະໂມສອນປ່ອຍໂຕ.

 

ບົດຄວາມໃຫມ່ໆ