ໜ້າໃສບໍ່ມີສິວດ້ວຍສູດຂີ້ໝິ້ນຟອກໜ້າ

 

 ຂີ້ໝິ້ນພຶດສະໝຸນໄພທີ່ມີສັບພະຄຸນທາງຢາຢ່າງຫຼວງຫຼາຍບໍ່ວ່າຈະເປັນການຮັກສາໂລກກະເພາະບັນເທົາອາການຈຸກສຽບບຳລຸງຜິວພັນຫຼຸດການອັກເສບແກ້ຜືນຄັນຕະຫຼອດຈົນເຮັດໃຫ້ບາດແຜເຊົາໄວຂຶ້ນ

ດັ່ງນັ້ນ ມື້ນີ້​ເຮົາມີສູດເຄັດລັບການຟອກ ໜ້າດ້ວຍຂີ້ໝິ້ນມາບອກເພື່ອໃຫ້ສາວໆມີໃບໜ້າທີ່ສວຍງາມປາສະຈາກສິວສາມາດໄປ-ມາໄດ້ຢ່າງມີຄວາມ ໝັ້ນໃຈພຽງແຕ່ມີສ່ວນປະສົມຂີ້ໝິ້ນ 1-2 ຫົວໃຫຍ່, ດິນສໍຟອງ 2-3 ເມັດ ແລະໝາກນາວ 2 ໜ່ວຍ.

   ວິທີປຸງ: ນຳຂີ້ໝິ້ນສົດລ້າງນໍ້າໃຫ້ສະອາດແລ້ວບົດ ຫຼື ຊອຍເປັນຕ່ອນນ້ອຍໆ, ຄັ້ນນໍ້າໝາກນາວແລ້ວນຳມາປັ່ນລວມກັນກັບດິນສໍຟອງຈະໄດ້ຄຣີມໜຽວໆຂຸ້ນໆອອກມາຈາກນັ້ນນຳໄປຟອກໜ້າທີ່ລ້າງສະອາດຮຽບຮ້ອຍປະໄວ້ປະມານ 15 ນາທີ ແລ້ວ ລ້າງອອກດ້ວຍນໍ້າສະອາດເຮັດເປັນປະຈຳອາທິດລະ 3 ຄັ້ງ ພາຍໃນໜຶ່ງເດືອນຈະມີໃບໜ້າທີ່ເຄັ່ງຕຶງຂາວໃສເບິ່ງດູດີຂຶ້ນຢ່າງຈະແຈ້ງ.

 

 

ບົດຄວາມໃຫມ່ໆ