ໄອເອັສວາງລະເບີດກາງເມືອງຫລວງອີຣັກ ດັບ143 ເຈັບກວ່າ 200ຄົນ

ໃນວັນທີ 3 ກໍລະກົດທີ່ຜ່ານມາ ໄດ້ມີເຫດລະເບີດຄາບອມກາງຕົວເມືອງແບກແດດ ເມືອງຫລວງຂອງປະເທດອີຣັກ ເຮັດໃຫ້ມີຜູ້ເສຍຊີວິດໃນເບື້ອງຕົ້ນ 143ຄົນ ແລະບາດເຈັບ 200ຄົນ. ເຊິ່ງກຸ່ມໄອເອັສກໍອ້າງວ່າເປັນຝີມືຂອງພວກຕົນ. ເຫດການຄັ້ງນີ້ໄດ້ເກີດຂຶ້ນຫລັງຈາກຫນຶ່ງອາທິດທີ່ກອງທະຫານອີຣັກບຸກຍຶດເມືອງຟັລລູຈາ ທີ່ກຸ່ມໄອເອັສໃຊ້ເປັນຖານທີ່ຫມັ້ນປະຕິບັດການໂຈມຕີລັດຖະບານອີຣັກ. ທາງດ້ານສະຫະຣັດອາເມຣິກາກໍອອກມາຢືນຢັນວ່າເຫດການທີ່ເກີດຂຶ້ນຄັ້ງນີ້ຍິ່ງເຮັດໃຫ້ອາເມຣິກາສະຫນັບສະຫນູນອີຣັກຈັດການປາບປາມໄອເອັສຢ່າງຈິງຈັງ. Cr.CNN