ໄລ່​ຍຸງ​ແບບ​ງ່າຍໆ​ ວິທີ​ທຳມະຊາດ​ ບໍ່ເ​ພີ່ງ​ສານ​ເຄ​ມີ​

“ຍຸງ​” ສັດຕູ​ຕົວ​ນ້ອຍ​ ທີ່ຄົນເຮົາພົບ​ເຫັນ​ຢູ່​ຫຼາຍ​ເທື່ອ​ ຊຶ່ງ​ຄົງ​ບໍ່​ມີ​ໃຜຄົນ​ໃດ​ມັກ​ກັນ​ຢ່າງ​ແນ່ນອນ​  ເພາະ​ອາດ​ສົ່ງ​ຜົນ​ຕໍ່​ສຸຂະພາບ​ຂອງ​ເຮົາ​ ໄດ້​ນັ້ນ​ເອງ​  ມື້​ນີ້​ເຮົາ​ຈຶ່ງ​ມີ​ເຄັດ​ລັບ​ດີ​ໆ​ ໃນ​ການ​ໄລ່​ຍຸງ​ ບໍ່​ໃຫ້​ເຂົ້າ​ພາຍ​ໃນ​ບ້ານ​ ດ້ວຍ​ວິທີ​ທຳໝາກຊາດ​ ໂດຍ​ການ​ໃຊ້​ສະຫ​ມຸນ​ໄພ​ມາ​ຝາກ​ເພື່ອນ​ໆ.​
“ຍຸງ​ລາຍ​” ພາ​ຫະ​ຂອງ​ພະຍາດ​ໄຂ້​ເລືອດ​ອອກ​

ເປັນ​ອີກ​ໜຶ່ງ​ພະຍາດ​ທີ່​ບໍ່​ຄວນເບີ່ງ​ຂ້າມ​ເລີຍ​ ສຳລັບ​ພະຍາດ​ໄຂ້​ເລືອດ​ອອກ​ ຊຶ່ງ​ເປັນ​ພະຍາດ​ທີ່​ເກີດ​ຈາກ​ຍຸງ​ລາຍ​ເປັນ​ພາ​ຫະ​ຂອງ​ພະຍາດ​ ໂດຍ​ພະຍາດ​ໄຂ້​ເລືອດ​ອອກ​ນັ້ນ​ ມີ​ໂອ​ກາດ​ເປັນ​ໄດ້​ທັງ​ເດັກ​ນ້ອຍແລະ​ຜູ້ໃຫຍ່​   ສະ​ນັ້ນ​ຄວນ​ຫຼີກ​ລ້ຽງ​ບໍລິເວນ​ນ້ຳ​ຂັງ​ຫຼືບໍລິເວນ​ທີ່​ເປັນ​ແຫຼ່ງ​ຊຸກ​ຊຸມ​ຂອງ​ຍຸງ​ຕົວ​ຮ້າຍ​ ເພື່ອລົດ​ຄວາມ​ສ່ຽງ​ຕໍ່​ການ​ເປັນ​ພະຍາດ​ໄຂ້​ເລືອດ​ອອກ.​

ບາດນີ້​ມາ​ຮູ້​ຈັກ​ “ສະຫ​ມຸນ​ໄພ​ປ້ອງ​ກັນ​ຍຸງ​” ກັນດີກວ່າ.​

ກະ​ທຽມ​
ຂຶ້ນ​ຊື່​ວ່າ​ເປັນ​ສະຫ​ມຸນ​ໄພ​ທີ່​ມີກິ່ນ​ຄ່ອນ​ຂ້າງ​ແຮງ​ແລະ​ສຸນ​ ຊຶ່ງ​ຖື​ເປັນ​ອີກ​ໜຶ່ງ​ປະ ໂຫຍດ​ທີ່​ຊ່ວຍ​ໄລ່​ຍຸງ​ໄດ້​ເປັນ​ຢ່າງ​ດີ​ ເນື່ອງ​ຈາກ​ຍຸງ​ບໍ່​ມັກ​ກິ່ນ​ສຸນ​ຂອງ​ກະ​ທຽມ​ນັ້ນ​ເອງ​
ວິທີ​ການເຮັດ​ ພຽງ​ນຳ​ກະ​ທຽມ​ໄປ​ທຸບ​ໃຫ້​ພໍ​ແຕກ​ ເພື່ອ​ທີ່​ໃຫ້​ມີ​ນ້ຳ​ອອກ​ມາ​ ຈາກ​ນັ້ນ​ ນຳ​ໃສ່​ພາ​ຊະນະ​ແລ້ວ​ໄປ​ວາງ​ຕາມ​ຈຸດ​ຕ່າງ​ໆ​ ບໍລິເວນ​ບ້ານ​  ຊຶ່ງ​ນ້ຳ​ມັນ​ທີ່​ລະ​ເຫີຍ​ອອກມາ​ນັ້ນ​ຈະ​ສົ່ງ​ກິ່ນ​ ເຮັດໃຫ້​ຍຸງ​ບໍ່​ກ້າ​ເຂົ້າ​ມາ​ໃກ້​ ທັງໝົດ​ໄປ​ເຖິງ​ມົດ​ແລະ​ແມງ​ຕໍ່​ໆ​ ອີກ​ດ້ວຍ.​
ກະ​ເພົາ​
ເປັນ​ສ​ະໝຸນ​ໄພ​ທີ່​ຄົນເຮັາ​ ຕ້ອງ​ຄຸ້ນ​ເຄີຍ​ກັນ​ຢ່າງ​ແນ່ນອນ​ ເພາະ​ມັກ​ຈະ​ນຳ​ມາ​ເປັນ​ສ່ວນ​ປະກອບ​ຂອງ​ອາຫານ​ຕ່າງ​ໆ​ຢ່າງ​ຫລວງ​ຫຼາຍ​ ຊຶ່ງ​ກໍ​ເປັນ​ສະຫ​ມຸນ​ໄພ​ອີກ​ໜຶ່ງ​ຊະນິດ​ທີ່​ສາມາດ​ໄລ່​ຍຸງ​ໄດ້​ຄືກັນ​.​
ວິທີ​ການເຮັດ​ ນຳ​ກະ​ເພົາ​ບໍ່​ວ່າ​ຈະ​ເປັນ​ໃບ​ຫຼື​ຍອດ​ຈຳນວນ​ໜຶ່ງ​  ມາຢອງໃຫ້​ເກີດ​ກິ່ນ​ ແລ້ວ​ນຳ​ໄປ​ວາງ​ຕາມ​ຈຸດ​ຕ່າງ​ໆ​ ບໍລິເວນ​ບ້ານ​ ຊຶ່ງ​ຂໍ້​ເສຍ​ຂອງ​ກະ​ເພົາ​ນັ້ນ​ ກິ່ນ​ຈະ​ລະ​ເຫີຍໝົດ​ໄວ​ ຈຶ່ງ​ຕ້ອງ​ຄອຍ​ຖ້າ​ປ່ຽນ​ກະ​ເພົາ​ຢູ່​ຕະຫລອດ​.​
ພິກ​ໄທ​ດຳ​
ເມື່ອ​ເວົ້າ​ເຖິງ​ພິກ​ໄທ​ດຳ​ ຫຼາຍ​ຄົນ​ອາດຈະ​ຄິດເຖິງ​ຄວາມ​ເຜັດ​ຮ້ອນ​ ທັງໝົດ​ໄປ​ເຖິງ​ກິ່ນ​ທີ່​ສຸນ​ແສບ​ດັງ​ດ້ວຍ​ເຊັ່ນ​ກັນ​ ຊຶ່ງ​ຄວາມ​ສຸນ​ຂອງ​​ພິກ​ໄທ​ດຳ​ນີ້​ແຫຼະ​ ທີ່​ສາ ມາດ​ໄລ່​ຍຸງ​ໄດ້​ດີ​ເລີຍ.
ວິທີ​ການເຮັດ​ ຊຶ່ງ​ກໍ​ບໍ່​ຕ່າງ​ຈາກ​ຂໍ້​ອື່ນ​ໆ​ເລີຍ​ ພຽງ​ນຳ​ພິກ​ໄທ​ດຳ​ມາ​ທຸບ​ໃຫ້​ພໍ​ຢາບ​ ຈາກ​ນັ້ນ​ເທ​ໃສ່​ພາ​ຊະນະ​ແລ້ວ​ນຳ​ໄປ​ວາງ​ຕາມ​ຈຸດ​ຕ່າງ​ໆ​ ຂອງ​ບ້ານ​.​
ໜ່ວຍ​ໝາກ​ກູດ​
ເປັນ​ອີກ​ໜຶ່ງ​ສິ່ງ​ ທີ່​ມີ​ປະໂຫຍດ​ສາລະພັດ​ແທ້ໆ​ ສຳລັບ​ໜ່ວຍ​ໝາກ​ກູດ​ ບໍ່​ວ່າ​ຈະ​ເປັນ​ດ້ານ​ອາຫານ​ ຫຼື​ ຄວາມ​ງາມ​ ອີກ​ທັງ​ກິ່ນ​ສຸນ​ຂອງ​ໜ່ວຍ​ໝາກ​ກູດ​ນັ້ນ​ ຍັງ​ສາມາດ​ນຳ​ມາ​ໄລ່​ຍຸງ​ໄດ້​ອີກ​ດ້ວຍ.​
ວິທີ​ການເຮັດ​ ນຳ​ໜ່ວຍ​ໝາກ​ກູດ​ໄປ​ຫັ່ນ​ເປັນ​ຊິ້ນ​ໆ​ ເພື່ອ​ໃຫ້​ໄດ້​ນ້ຳ​ມັນ​ລະ​ເຫີຍ ທີ່​ມີກິ່ນ​ສຸນ​ ຈາກ​ນັ້ນ​ນຳ​ໃສ່​ພາ​ຊະນະ​ແລະ​ໄປ​ວາງ​ຕາມ​ຈຸດ​ຕ່າງ​ໆ​ ຂອງ​ບ້ານ​ໄດ້​ຕາມ​ຕ້ອງ​ການ.​
ຕົ້ນ​ກະ​ເດົາ​
ໄມ້​ຢືນ​ຕົ້ນ​ຂະໜາດ​ກາງ​ ທີ່​ສາມາດ​ຈະເລີນ​ເຕີບໃຫຍ່​ໄດ້​ຢ່າງ​ວ່ອງໄວ​ແລະ​ນຳ​ໄປ​ໃຊ້​ປະໂຫຍດ​ໄດ້​ຢ່າງ​ຫລວງ​ຫຼາຍ​ ບໍ່​ວ່າ​ຈະ​ເປັນ​ໃນ​ສ່ວນ​ຂອງ​ຕົ້ນ​ກະ​ເດົາ​ສົດ​ຫຼື​ເມັດ​ແລະ​ທີ່​ສຳຄັນ​ນ້ຳ​ທີ່ສະ​ກັດ​ຈາກ​ຕົ້ນ​ກະ​ເດົາ​ນັ້ນ​ ຍັງ​ສາມາດ​ນຳ​ໄປ​ໃຊ້​ໄລ່​ຍຸງ​ ໄດ້​ເຊັ່ນ​ກັນ.​
ວິທີ​ການເຮັດ​ ສາມາດ​ເຮັດ​ໄດ້​ງ່າຍໆ​ ນຳ​ຕົ້ນ​ກະ​ເດົາ​ມາດສະກັດ​ນ້ຳ​ ໂດຍ​ການ​ທຸບ​ຫຼື​ຢອງ​ໃຫ້​ເກີດ​ເປັນ​ນ້ຳ​ ຈາກ​ນັ້ນ​ນຳ​ໃສ່​ພາຊະ​ນະ​ໄປ​ວາງ​ບໍລິເວນ​ຕ່າງ​ໆ​ ພາຍ​ໃນ​ບ້ານ​ໄດ້​ເລີຍ.
ຜັກຫອມລາບ
ຖື​ເປັນ​ສະຫ​ມຸນ​ໄພ​ ທີ່​ຄົນເຮົາຕ້ອງ​ຮູ້​ຈັກ​ກັນ​ເປັນ​ຢ່າງ​ດີ​ແນ່ນອນ​ ດ້ວຍ​ກິ່ນ​ທີ່​ໂດດ​ເດັ່ນ​ແລະ​ເປັນ​ເອກກະ​ລັກມາພ້ອມ​ສັບ​ພະຄຸນຫລວງ​ຫຼາຍ​ເຊັ່ນ ຊ່ວຍ​ບັນ​ເທົາ​ອາ ການ​ຄຽດ,​ ເປັນ​ຢາ​ເຢັນ,​ ດັບ​ຮ້ອນ​ແລະ​ຂັບ​ເຫື່ອ​ໃນ​ຮ່າງກາຍ​ ທັງໝົດ​ໄປ​ເຖິງ​ການ​ໃຊ້​ໄລ່​ຍຸງ​ດ້ວຍ​ນັ້ນ​ເອງ​.
ວິທີ​ການເຮັດ​ ຢ່າງ​ທີ່​ບອກ​ໄປ​ໃນ​ຂ້າງ​ຕົ້ນ​ ວ່າຫອມລາບ​ນັ້ນ​ ມີກິ່ນ​ທີ່​ເປັນ​ເອກກະ​ລັກ​​ ຊຶ່ງ​ນັ້ນ​ກໍ​ເປັນ​ສິ່ງ​ທີ່​ໄລ່​ຍຸງ​ໄດ້​ເປັນ​ຢ່າງ​ດີ​​ ພຽງ​ຢອງຫອມລາບ​ ແລະ​ ນຳ​ໄປ​ວາງ​ຕາມ​ຈຸດ​ຕ່າງ​ໆ​ ພຽງ​ເທົ່າ​ນີ້​ຍຸງ​ກໍ​ບໍ່​ກ້າ​ເຂົ້າ​ມາ​ໃກ້​ແລ້ວ.​
ຫົວສີໄຄ​ຫອມ​
ຖື​ເປັນ​ສິ່ງ​ທີ່​ຂຶ້ນ​ຊື່​ກ່ຽວກັບ​ສ​ະໝຸນ​ໄພ​ໄລ່​ຍຸງ​ເລີຍ​ກໍ​ວ່າ​ໄດ້​ ສຳລັບ​ຫົວສິໄຄ​ຫອມ​ ເພາະ​ມັກ​ມີ​ການ​ສະ​ກັດ​ນຳ​ນ້ຳ​ມັນ​ມາ​ເຮັດ​ຜະລິດຕະພັນ​ຕ່າງ​ໆ​ ທີ່​ໃຊ້​ສຳລັບ​ໄລ່​ຍຸງ​ຫຼື​ປ້ອງ​ກັນ​ຍຸງ​ ຊຶ່ງ​ໄດ້​ຜົນ​ດີີ​ເປັນ​ຢາກ​ຫຼາຍ​.
ວິທີ​ການເຮັດ​ ສາມາດ​ເຮັດ​ໄດ້​ງ່າຍ​ຫຼາຍ​ໆ​ຄື​ກັບ​ຂໍ້​ອື່ນ​ໆ ພຽງ​ທຸບ​ຫົວສີໄຄຫອມ​ໃຫ້​ພໍ​ແຕກ​ ແລ້ວ​ນຳ​ໄປ​ວາງ​ຕາມ​ຈຸດ​ຕ່າງ​ໆ​ບໍລິເວນ​ບ້ານ​ ພຽງ​ເທົ່າ​ນີ້​ກໍ​ສາມາດ​ໄລ່​ຍຸງ​ໄດ້​ແລ້ວ.​