ໄຟ​ໜ້າລົດມົວ​ມີ​ສີ​ເຫຼືອງ​ ສິ່ງ​ນີ້​ຊ່ວຍ​ໄດ້ອີກທັ້ງ​ປະ​ຫຍັດ​!!


ໄຟ​ໜ້າລົດມົວ​ມີ​ສີ​ເຫຼືອງ​ ສິ່ງ​ນີ້​ຊ່ວຍ​ໄດ້ອີກທັ້ງ​ປະ​ຫຍັດ​!!


     ທ່ານ​ຜູ້​ອ່ານ​ຫຼາຍ​ໆ​ທ່ານ​ເຄີຍ​ສັງເກດ​ໄຟ​ໜ້າລົດຕົວ​ເອງ​ບໍ​ວ່າ​ ນັບ​ມື້​ມັນຍິ່ງເຫຼືອງ​ ​ ບໍ່​ໃສເງົາຄືຊື້​ມາ​ຕອນທຳອິດ​ ບໍ່​ວ່າ​ຈະ​ໃຊ້​ຜະລິດຕະພັນ​ເຮັດ​ຄວາມ​ສະ​ອາດ​ແພງ​ຊ້ຳ​ໃດ​ກໍຍັງ​ບໍ່​ໃສ​ສະ​ອາດ​ເທົ່າ​ທີ່ຄວນ ມື້​ນີ້​ເຮົາ​ຈະ​ມາ​ແນະ​ນຳ​ວິທີ​ການເຮັດ​ຄວາມ​ສະ​ອາດ​ໄຟ​ໜ້າລົດໃຫ້​ທ່ານ​ຜູ້​ອ່ານ​ ດ້ວຍ​"ຢາ​ຖູ​ແຂ້ວ​" ທ່ານ​ອ່ານ​ບໍ່​ຜິດ​ "ຢາ​ຖູ​ແຂ້ວ​" ຊຶ່ງລາ​ຄາ​ບໍ່​ແພງອີກທັ້ງ​ມີປະ​ສິດ​ທິ​ພາບ​ ເຮົາ​ມາ​ເບິ່ງ​ວ່າ​ມີ​ວິທີ​ການແນວໃດ.​

ອຸປະກອນ​ມີ​ດັ່ງ​ນີ້

1. ຢາຖູ​ແຂ້ວ​ຢີ່​ຫໍ້​ໃດ​ກໍ​ໄດ້​
2. ຜ້າ​ແຫ້ງ​ສະ​ອາດ​ 2 ຜື່ນ​
3. ນ້ຳ​ສະ​ອາດ​

ວິທີ​ການເຮັດ​ຄວາມ​ສະ​ອາດ​ມີ​ດັ່ງ​ນີ້​
1. ໃຊ້​ນ້ຳ​ລ້າງ​ໄຟ​ໜ້າລົດ​ໃຫ້​ສະ​ອາດ​ ເພື່ອລ້າງຄາບດິນ ແລະ ຊາຍ​ທີ່​ຕິດ​ມາ​ກັບລົດ​ ແລ້ວ​ໃຊ້​ຜ້າ​ແຫ້ງ​ (ຜືນ​ທີ່​1)ສະ​ອາດ​ເຊັດ​ໃຫ້​ໝົດ
2.ທາ​ຢາຖູ​ແຂ້ວ​ເທິງ​ໄຟ​ໜ້າລົດ​ເປັນ​ວົງມົນ ແລ້ວ​ຖ້າໃຫ້​ຢາ​ຖູແຂ້ວ​ແຫ້ງ​
3. ໃຊ້​ນ້ຳ​ສະ​ອາດ​ລ້າງ​ຄາບ​ຢາ​ຖູ​ແຂ້ວ​ ໃຫ້​ໝົດ​ແລ້ວ​ໃຊ້​ຜ້າ​ແຫ້ງ​(ຜືນ​ທີ່​2)ເຊັດ​ໃຫ້​ສະ​ອາດ​ ພຽງ​ເທົ່າ​ນີ້​ກໍ​ຈະ​ໄດ້​ໄຟ​ຫນ້າທີ່​ເງົາ ແລະ ລົດ​ກໍ​ຈະ​​ງາມ​​ຂຶ້ນ​ມາ​ທັນ​ທີ