ໄຟຟ້ານະຄອນຫຼວງເລັ່ງປົວແປງລະບົບໄຟເຍືອງທາງຄຳນັບຮັບຕ້ອນວັນຊາດທີ 2 ທັນວາ

ຫົວໜ້າຄຸ້ມຄອງໄຟເຍືອງທາງ ແລະ ໄຟອຳນາດ, ໄຟຟ້ານະຄອນຫຼວງວຽງຈັນ, ໄດ້ແຈ້ງໃຫ້ຮູ້ວ່າ: ປັດຈຸບັນໄຟຟ້ານະຄອນຫຼວງວຽງຈັນພວມເລັ່ງໃສ່ປົວແປງລະບົບໄຟເຍືອງທາງຢູ່ 35 ເສັ້ນ ທາງຫຼັກ ແລະ ເສັ້ນທາງຊອຍຕ່າງໆ, ໃນນະຄອນຫຼວງວຽງຈັນ, ເພື່ອກະກຽມສະເຫຼີມສະຫອງວັນຊາດທີ 2 ທັນວາຄົບຮອບ 40 ປີ ແລະ ວັນສຳຄັນອື່ນໆຂອງຊາດໃຫ້ມີບັນຍາກາດຟົດຟື້ນຄື: ການປົວແປງ, ປ່ຽນຖ່າຍດອກໄຟເຍືອງທາງທີ່ເກົ່າແກ່ຊຸດໂຊມ ແລະ ປ່ຽນໄປນຳໃຊ້ດອກທີ່ປະຢັດພະລັງງານ ແລະ ສາມາດໃຊ້ງານໄດ້ເປັນປົກກະຕິ ແລະ ມາຮອດດຽວນີ້ໄດ້ເຮັດສຳເລັດແລ້ວຫຼາຍຈຸດຄື: ຢູ່ຖະໜົນສາມແສນໄທ, ເສດຖາທິລາດ,ຫຼວງພະບາງ, ສຸພານຸວົງ, ທ່າເດື່ອຊ່ວງ1, ລ້ານຊ້າງ, ໄກສອນພົບວິຫານ23 ສິງຫາ, ໜອງບອນ, ມະຫະສົດ, ຟ້າງຸ່ມ, ກຳແພງເມືອງ, ໂກໂຊໂມ, ດົງປ່າລານ, ຄູວຽງ, ຂຸນບູລົມ, ອາຊຽນ(T2), ເຈົ້າອານຸວົງ (P2), ຖະໜົນP3, ມິດຕະພາບລາວ-ໄທ, ຄຸ້ມວັດຈັນ-ຊຽງຍືນ, 13 ໃຕ້, ດ້ານ
ຫຼັງກິລາຫຼັກ 16, ດົງໂດກ, ທາງເຂົ້າບ້ານພັກຊີເກມ, ສີໄຄ-ເກົ້າລ້ຽວ, ຖະໜົນ 450 ປີ, ເດີນສະໜາມຫຼວງ (ເດີນພະທາດຫຼວງ) ,ຖະໜົນຫຼັກ 21 - ນາຄວາຍ, ເຂດຕາຝັ່ງເຈື່ອນ (ແຄມຂອງ), ດອນດູ່, ຫ້ອງຄ້າ, ສະຖາບັນທະນາຄານບ້ານຄຳຮຸ່ງ ແລະ ເສັ້ນທາງຊອຍອື່ນໆອີກຈຳນວນໜຶ່ງ, ຫົວໜ້າພະແນກຄຸ້ມຄອງເຄື່ອງຈັກໄຟເຍືອງທາງໃຫ້ຮູ້ອີກວ່າ: ນອກຈາກການປົວແປງລະບົບໄຟເຍືອງທາງແລ້ວ,ຍັງເລັ່ງໃຫ້ສ້ອມແປງໄຟຟ້າອຳນາດທີ່ເກົ່າແກ່ເປ່ເພ, ໂດຍສະເພາະແມ່ນຈະໄດ້ປ່ຽນຈາກລະບົບໄຟຟ້າໄປເປັນລະບົບພະລັງງານແສງຕາເວັນເພື່ອການປະຢັດພະລັງງານ.

ບົດຄວາມໃຫມ່ໆ