ໄພງຽບຈາກການ “ນັ່ງດົນໆ“

ປະ­ຈຸ​ບັນ​ຄົນ​ເປັນ​ໂລກ​ພະຍາດ​ຕ່າງໆ​ຈາກ​ການ​ນັ່ງ​ເປັນ​ຈຳນວນ​ຫຼວງ­ຫຼາຍ​ວິ­ທີ​ແກ້​ບັນ­ຫາງ່າຍໆ​ກໍ່​ຄື​ການ​ລຸກ­ຂຶ້ນ​ຢືນ ແລະການ­ເຄື່ອນ­ໄຫວ​ຮ່າງ­ກາຍ​ນັ້ນເອງ​ເທື່ອ​ນີ້​ມາ​ເບິ່ງ​ກັນ​ວ່າ​ເຮົາຄວນ​ຈະ ​ຢືນ​ດົນ​ເທົ່າ­ໃດ, ເຄື່ອນໄຫວ​ຮ່າງ­ກາຍ​ຫຼາຍ​ພຽງ​ໃດ ຫຼື ຄວນ​ຍ່າງ​ເປັນ​ໄລ­ຍະ​ເວ­ລາ​ດົນເທົ່າ­ໃດ​ກັນ​ດີເພາະ​ມີ​ງານ​ວິ­ໄຈຢ່າງ​ ຫຼວງ­ຫຼາຍ​ເວົ້າ​ກົງ­ກັນ­ຂ້າມວ່າ­ການ​ນັ່ງ​ດົນໆ​ເປັນ​ການ​ຂ້າ​ໂຕຕາຍ​ຢ່າງ​ ຊ້າໆ ແລະ​ ເຮັດ​ໃຫ້​ມີ​ບັນຫາ​ສຸ­ຂະ­ພາບ​ຕາມ​ມາ​ຢ່າງ​ຫຼວງຫຼາຍ​ບໍ່​ວ່າ​ຈະ​ເປັນ​ການ​ ຕຸ້ຍ​ລົງພຸງ​ໄປ​ຈົນ​ເຖິງ​ໂລກ​ຫົວ­ໃຈ ແລະ ລາມ​ໄປ​ເຖິງ​ໂລກ​ມະ​ເຮັງ.

     ແຕ່​ຈະ​ເຮັດ​ແນວ­ໃດ​ດີ​ຫາກເຮົາ​ເປັນ​ຄົນ​ທີ່​ມັກ​ນັ່ງ​ຢູ່​ກັບ​ບ່ອນ ຫຼື ຕ້ອງ​ນັ່ງ​ເຮັດ​ຢູ່​ກັບ​ຄອມ​ພິວ​ເຕີຕະ­ຫຼອດ​ເວ­ລາ​ຄຳ​ຕອບ​ກໍ່​ຄື​ໃຫ້​ ເຮົາປ່ຽນ​ນິ​ໃສ​ໂດຍ​ໃນ​ທຸກໆ 1 ຊົ່ວ­ໂມງໃຫ້​ເຮົາ​ລຸກ­ຂຶ້ນ​ເຄື່ອນ​ໄຫວ​ຮ່າງກາຍ​ປະ­ມານ 2 ນາ­ທີ ຫຼື ດື່ມ­ນ້ຳເລື້ອຍໆເພື່ອ​ໃຫ້​ໃນ​ທຸກໆ​ຊົ່ວ­ໂມງຕ້ອງ​ໄປ​ເຂົ້າ​ຫ້ອງ​ນ້ຳ​ທັງ​ຍັງ​ ຊ່ວຍໃຫ້​ຮ່າງ­ກາຍ​ບໍ່​ຂາດ​ນ້ຳ ແລະ​ ມີ ການ​ໄຫຼ​ວຽນ​ຂອງ​ເລືອດ​ທີ່​ດີ​ອີກດ້ວຍ.