ໄປໃສກະໄດ້ແຕ່ຢ່າກັບມາ ດອດມຸນ

 

ແຟນບານ ດອດມູນ ກຸ່ມໜຶ່ງຍົກປ້າຍຜ້າຕໍ່ຕ້ານການທີ່ ມາຣິໂອ ເກິດເຊ ກອງກາງ ບາເຢິນ ຈະຍ້າຍມາຢູ່ກັບທີມຫຼັງຈາກທີ່ ເກິດເຊ ຕົກເປັນຂ່າວວ່າຈະຍ້າຍອອກຈາກທີມຫຼັງຈາກຈົບລະດູການນີ້.

 

ແຟນບານກຸ່ມໜຶ່ງຂອງ ດອດມຸນ ສະໂມສອນດັງຈາກ ບຸນເດສລີກາ ຍົກປ້າຍອອກແນວໄລ່ ມາຣິໂອ ເກິດເຊ ກອງກາງຂອງ ບາເຢິນ ມິວນິກ ຄູ່ແຂ່ງຮ່ວມລີກ ກ່ອນໜ້າເກມລີກນັດທີ່ “ເສືອເຫຼືອງ” ຈະເປີດບ້ານເອົາຊະນະ ແວເດີ ເບຣເມນ 3-2 ເມື່ອວັນເສົາທີ່ຜ່ານມາ.

 

ເກິດເຊ ກຳລັງຕົກເປັນຂ່າວກ່ຽວກັບການຍ້າຍທີມຢ່າງໜັກ ຫຼັງປະສົບບັນຫາກັບການຍາດຕຳແໜ່ງຕົວຈິງໃນທັບ “ເສືອໃຕ້” ເຊິ່ງມີຫຼາຍທີມທີ່ສົນໃນໂຕເຂົາເຊັ່ນ ດອດມຸນ, ລີເວີພູ ແລະ ເຣອັນ ມາດຣິດ ເປັນຕົ້ນ.

 

ຢ່າງໃດກໍຕາມເບິ່ງຄືວ່າແຟນບານ “ເສືອເຫຼືອງ” ກຸ່ມໜຶ່ງຍັງແຄ້ນບໍ່ເຊົາທີ່ດາວເຕະທີມຊາດອິນຊີເຫຼັກຖິ້ມ ດອດມຸນ ແລ້ວໄປຢູ່ກັບ ບາເຢິນ ໃນປີ 2013 ເມື່ອມີການຍົກປ້າຍທີ່ມີຂໍ້ຄວາມວ່າ “ຈະເປັນ ມິລານ ຫຼື ມາດຣິດ ກໍໄດ້ ຂໍແຕ່ບໍ່ແມ່ນ ດອດມຸນ ກະພໍ ຮີບໜີ!!! ເກິດເຊ” ເທິງອັດສະຈັນ.

 

ທັງນີ້ ເຈີເກັນ ຄັອບ ຜູ້ຈັດການທີມ ລີເວີພູ ໝັ້ນໃຈວ່າທີມຂອງຕົນເອງເປັນເຕັງໜຶ່ງທີ່ຈະໄດ້ ເກິດເຊ ມາຮ່ວມທີມເຖິງວ່າຈະມີຄູ່ແຂ່ງຫຼາຍທີມກໍຕາມ ໂດຍ ຄັອບ ເປັນຄົນຊ່ວຍໃຫ້ເຂົາໂດ່ງດັງທົ່ວທະວີບເອີຣົບສະໄໝຢູ່ນຳກັນທີ່ ດອດມຸນ.