ໄຊຍະບູລີ ມີຍອດທຶນຈົດທະບຽນວິສາຫະກິດເກືອບ 3 ພັນຕື້

ໄຊຍະບູລີເປັນແຂວງທີ່ມີຊາຍ ແດນຕິດຈອດກັບປະເທດເພື່ອນບ້ານອີກ ທັງພື້ນທີ່ດິນກໍ່ອຸດົມສົມບູນດີປະຊາຊົນ ມີເງື່ອນໄຂທຳມາຫາກິນໄດ້ສະດວກຈິ່ງ ສາມາດດຶງດູດເອົານັກທຸລະກິດເຂົ້າມາລົງທຶນຫຼວງຫຼາຍມາຮອດປະຈຸບັນໄດ້ບັນລຸມູນຄ່າທຶນຈົດທະບຽນທັງໝົດເກືອບ 3 ພັນຕື້ກີບ ສະເພາະຂະແໜງອຸດສາຫະກຳ ແລະການຄ້າ.

ຕາມຂໍ້ມູນເປີດເຜີຍໃນກອງປະຊຸມ ແລກປ່ຽນບົດຮຽນໃນຂົງເຂດອຸດສາຫະ ກິດ ແລະການຄ້າ ທ່ານ ວາລະໄຊ ເລັ່ງ ສະຫວັດ ຫົວໜ້າພະແນກອຸດສາຫະກໍາ ແລະການຄ້າແຂວງໄດ້ໃຫ້ຮູ້ວ່າ: ການພັດທະນາວຽກງານອຸດ ສາຫະກໍາ ແລະການຄ້າຂອງແຂວງໄຊຍະ ບູລີ ຍັງມີການຂະຫຍາຍຕົວເພີ່ມຂື້ນຢ່າງ ຕໍ່ເນື່ອງ, ຊຶ່ງສະແດງອອກໃນການຈັດ ຕັ້ງປະຕິບັດ ແລະບັນດາຕົວເລກຄາດໝາຍ ສູ້ຊົນເຊັ່ນ: ທົ່ວແຂວງມີຫົວໜ່ວຍທຸລະກິດ ທັງໝົດ 8.342 ຫົວໜ່ວຍ, ມີທຶນຈົດທະ ບຽນທັງໝົດ 2.941 ຕື້ກີບ, ມີຈໍານວນ 6.739 ຫົວໜ່ວຍ, ຂະບວນຜະລິດເປັນ ສິນຄ້າຂອງປະຊາຊົນກໍ່ໄດ້ຮັບຊຸກຍູ້ສົ່ງ ເສີມເປັນຂະບວນຟົດຟື້ນ ແລະກວ້າງ ຂວາງ, ເຮັດໃຫ້ມີຜະລິດຕະພັນທີ່ເປັນຕົວ ແບບຂອງທ້ອງຖິ່ນເກີດຂຶ້ນ, ຜະລິດຕະພັນໄດ້ຮັບກາໝາຍໂອດ໋ອບແຫ່ງຊາດ ຈໍານວນ 10 ປະເພດສິນຄ້າ ໃນ 5 ເມືອງ, ມີໂຮງງານອຸດສາຫະກໍາທັງໝົດ 2.144 ແຫ່ງ, ສາມາດສ້າງລວມຍອດມູນຄ່າຜະລິດຕະພັນທາງດ້ານອຸດສາຫະກໍາ - ຫັດຖະກໍາ ບັນລຸໄດ້ 88,12 ຕື້ກີບ, ຍອດ ມູນຄ່າການຈໍາໜ່າຍຜົນຜະລິດດ້ານອຸດ ສາຫະກໍາ - ຫັດຖະກໍາ ບັນລຸ 104,11 ຕື້ກີບ, ມູນຄ່າການສົ່ງອອກສິນຄ້າຕ່າງປະເທດ ປະຕິບັດໄດ້ 33,6 ລ້ານໂດລາສະຫະລັດ.

 ສະເພາະ 6 ເດືອນຕົ້ນປີ ມູນຄ່າສິນ ຄ່າ ສົ່ງອອກປະຕິບັດໄດ້ 22,5 ລ້ານ ໂດລາສະຫະລັດ, ທຽບໃສ່ແຜນການປີ ເທົ່າກັບ 63,70%, ພ້ອມດຽວກັນຍັງຄຸ້ມ ຄອງການນໍາເຂົ້າສິນຄ້າຈາກຕ່າງປະ ເທດ ໄດ້ໃນລະດັບ 2,7 ລ້ານໂດລາສະຫະ ລັດ, ສໍາລັບລາຄາສິນຄ້າໃນທ້ອງຕະຫຼາດ ໂດຍສະເພາະສິນຄ້າຍຸດທະສາດທີ່ລັດ ຄຸ້ມຄອງທັງໝົດ 199 ລາຍການ.

ກອງປະຊຸມໄດ້ຈັດຂຶ້ນໃນຕອນເຊົ້າ ວັນທີ 18 ສິງຫາ 2017 ນີ້, ທີ່ຫ້ອງປະ ຊຸມພະແນກອຸດສາຫະກໍາ ແລະການຄ້າ ແຂວງໄຊຍະບູລີ ໂດຍການເປັນກຽດເຂົ້າ ຮ່ວມຂອງ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ, ມີທ່ານ ນາງ ເຂັມ ມະນີ ພົນເສນາ ລັດຖະມົນຕີກະຊວງອຸດ ສາຫະກໍາ ແລະການຄ້າ, ມີບັນດາຫົວໜ້າ ຫ້ອງການອຸດສາຫະກໍາ ແລະການຄ້າ 11 ເມືອງ, ມີພະນັກງານວິຊາການພາຍໃນພະ ແນກດັ່ງກ່າວເຂົ້າຮ່ວມຢ່າງພ້ອມພຽງ.

ຂໍ້ມູນຈາກ: http://www.sedthakid.la