ໄຂ​ຂໍ້ສົ​ງໄ​ສ​!! ນ້ຳ​ປະ​ປາ​ເຮັດໃຫ້​ເປັນ​ສິວ​ໄດ້​ແທ້​ ຫຼື ບໍ ​

 ໄຂ​ຂໍ້ສົ​ງໄ​ສ​!! ນ້ຳ​ປະ​ປາ​ເຮັດໃຫ້​ເປັນ​ສິວ​ໄດ້​ແທ້​ ຫຼື ບໍ ​

ຫຼາຍ​ຄົນ​ຄົງ​ເຄີຍ​ໄດ້ຍິນ​ວ່າ​ ນ້ຳ​ປະ​ປາ​ ເຮັດໃຫ້​ເກີດ​ສິວ​ເທິງ​ໃບ​ໜ້າ​ໄດ້​ ຊຶ່ງ​ມັນ​ຄົງ​ເປັນ​ຄວາມ​ຕົກ​ໃຈ​ບໍ່​ນ້ອຍ​ ເພາະ​ຖ້າ​ນ້ຳ​ປະ​ປາ​ເຮັດໃຫ້​ເຮົາ​ເປັນ​ສິວ​ ແລ້ວ​ຈະ​ໃຊ້​ນ້ຳ​ຫຍັງ​ມາ​ລ້າງ​ໜ້າ​ໄດ້​ແດ່​ ຫຼື ​ຈະ​ເປັນ​ນ້ຳ​ພຸ​ຈາກ​ຢອດ​ເຂົາ? ນ້ຳ​ແຫຼ່ບັນ​ຈຸຂວດ​ ?

ຫຼັງ​ຈາກ​ທີ່​ເຮົາ​ລ້າງ​ມື​ສຳເລັດ​ ແລະ​ ເລີ່ມ​ເບິ່ງ​ນ້ຳ​ປະ​ປາ​ຢ່າງ​ສັງ​ກຽດ​ ຈຶ່ງ​ເລີ່​ມຫາ​ຄຳ​ຕອບ​ກັບ​ຄຳ​ຖາມນີ້​ ໂດຍ​ Dr. Julia Tzu ຜູ້​ກໍ່​ຕັ້ງ ​ແລະ ​ຜູ້​ອຳ​ນວຍ​ການ​ສະ​ຖາ​ບັນ​ພະຍາດ​ຜິວ​ໜັງ​ຂອງ​ Wall Street ໄດ້​ໃຫ້​ຄຳ​ຕອບ​ຂອງ​ເລື່ອງ​ນີ້​ 

ນ້ຳ​ປະ​ປາ​ເຮັດໃຫ້​ເກີດ​ສິວ​ໄດ້​ແທ້ຫຼື​ບໍ ?
ເນື່ອງ​ຈາກ​ຍັງ​ບໍ່​ມີ​ຫຼັກ​ຖານ​ທີ່​ຊັດເຈັນ​ກ່ຽວກັບ​ການ​ເກີດ​ສິວ​ຈາກ​ການ​ໃຊ້​ນ້ຳ​​ກະ ດ້າງ ຊຶ່ງ​ອາດຈະ​ເປັນ​ໄປ​ໄດ້​ວ່າ​ ຜູ້​ທີ່​ມີ​ຜິວ​ແພ້​ງ່າຍ​ອາດຈະ​ໃຊ້​ນ້ຳກະດ້າງ​ ແລະ ​ຜະລິດຕະພັນ​ເຮັດ​ຄວາມ​ສະ​ອາດ​ຜິວ​ໜ້າທີ່​ຕ້ອງ​ໃຊ້​ຮ່ວມ​ກັບ​ນ້ຳ​ ແລະ ​ອາດ​ມີ​ຄວາມ​ຮຸນແຮງ​ ຈຶ່ງ​ເຮັດໃຫ້​ລະ​ຄາຍ​ເຄືອງ​ຕໍ່​ຜິວ​ *ໝາຍ​ເຫດ​ຈາກ​ຜູ້​ຂຽນ​* ນ້ຳ​ກະ​ດ້າງ​ຄື​ ນ້ຳ​ທີ່​ບໍ່​ໄດ້​ຜ່ານ​ຂະ​ບວນ​ການ​ທາງ​ຄຸນນະພາບ​ ແລະ ​ມີ​ສ່ວນ​ປະກອບ​ຂອງ​ແຮ່ທາດ​ ແມັກ​ນີ​ຊຽມ​ ແຄລ​ຊຽມ​ ທີ່​ລະ​ລາຍ​ໃນ​ນ້ຳ​ໄດ້​ ສ່ວນ​ນ້ຳ​ອ່ອນ​ຄື​ ນ້ຳ​ທີ່​ຜ່ານ​ຂະ​ບວນ​ການ​ ແລະ ​ມີ​ພຽງ​ໂຊ​ດຽມ​ໄອ​ອອນ​ເທົ່າ​ນັ້ນ​ 

ມີ​ຂໍ້​ມູນ​ສະຫຼຸບ​ ຫຼື​ ການ​ວິໄ​ຈ​ຫຍັງ​ທີ່​ຢືນຢັນ​ວ່າ​ນ້ຳ​ປະ​ປາ​ເຮັດໃຫ້​ເກີດ​ສິວ​ ຫຼື​ ເປັນ​ການ​ສັງເກດ​ຈາກ​ປະສົບການ​ສ່ວນ​ຕົວ​ ?
ບໍ່​ມີ​ ແຕ່​ຈາກ​ປະສົບການ​ສ່ວນ​ຕົວ​ຂອງ​ຂ້ອຍ​ ພົບ​ວ່າ​ເວລາ​ທີ່​ຂ້ອຍ​ເດີນທາງ​ໄປ​ຕ່າງ​ເມືອງ​ ຫຼື ​ຕ່າງ​ປະເທດ​ ໃບ​ໜ້າ​ຂອງ​ຂ້ອຍ​ມີ​ການ​ຕອບສະໜອງ​ຕໍ່​ນ້ຳ​ໃນ​ທ້ອງ​ຖິ່ນ​ນັ້ນ​ໆ​ແຕກ​ຕ່າງ​ກັນ​ອອກ​ໄປ​ (ສັງ ເກດ​ໄດ້​ຈາກ​ຜິວ​ແລະ​ເສັ້ນ​ຜົມ​) ມັນ​ສົ່ງ​ຜົນ​ໃຫ້​ຂ້ອຍ​ຕ້ອງ​ລ້າງ​ໜ້າ​ຫຼາຍ​ຂຶ້ນ ​ຫຼື ​ນ້ອຍ​ລົງ​ ແລະ ​ຈາກ​ປະສົບການ​ຂອງ​ຂ້ອຍ​ ການ​ລ້າງ​ໜ້າ​ຫຼາຍ​ເກີນ​ໄປ​ ເຮັດໃຫ້​ເກີດ​ສິວ​ໄດ້​ 

ແມ່ນຫຍັງ​ທີ່​ເຈົ້າ​ຢືນຢັນ​ໄດ້​ວ່າ​ການ​ເກີດ​ສິວ​ເປັນ​ເພາະ​ນ້ຳ​ປະ​ປາ​ ? 
ເປັນ​ເພາະ​ການ​ດຳ​ເນີນ​ຊີວິດ​ປະຈຳ​ວັນ​ຂອງ​ຂ້ອຍ​ຄືໆ​ກັນ​ໝົດ​ ທັງ​ການ​ຮັບປະ ທານ​ອາຫານ​ ການ​ເບິ່ງ​ແຍງ​ຜິວ​ ແລະ ​ອື່ນ​ໆ​ ແຕ່​ການ​ປ່ຽນ​ນ້ຳ​ລ້າງ​ໜ້າ​ເປັນ​ນ້ຳ​ກອງ ​ແລະ ​ລອງ​ເບິ່ງ​ວ່າ​ມີ​ສິວ​ເພີ່ມ​ຂຶ້ນ​ຫຼື​ບໍ່​ ຖ້າ​ເປັນ​ແບບ​ນັ້ນ​ກໍ​ເປັນ​ໄປ​ໄດ້​ວ່າ​ນ້ຳ​ກະ​ດ້າງ​ມີ​ຜົນ​ເຮັດໃຫ້​ເກີດ​ສິວ​ນັ້ນ​ເອງ​ 

ບາງ​ຄົນ​ມີກ​ຄວາມ​ແພ້​ນ້ຳ​ປະ​ປາ​ຫຼາຍກວ່າ​ຄົນ​ອື່ນ​ ເປັນຫຍັງ​ເຖິງ​ເປັນ​ແບບ​ນັ້ນ​ ?​ ຜູ້​ປ່ວຍ​ທີ່​ມີ​ພະຍາດ​ພູ​ມ​ແພ້​ຜິວ​ໜັງ​ ຫຼື ​ພະຍາດ​ຜິວ​ໜັງ​ອັກ​ເສບ​ ຈະ​ມີ​ຄວາມ​ໄວ​ຕໍ່​ການ​ລະ​ຄາຍ​ເຄືອງ​ຜິວ​ໜັງ​ຈາກ​ນ້ຳ​ປະ​ປາ​ຫຼາຍກວ່າ​ຄົນ​ອື່ນ​ໆ​ ຈາກ​ຫຼັກ​ຖານ​ທາງ​ລະ​ບາດ​ວິທະຍາ​ ຊີ້​ໃຫ້​ເຫັນ​ວ່າ​ ຄວາມ​ສຳພັນ​ຂອງ​ພະຍາດ​ຜິວ​ໜັງ​ອັກ​ເສບ​ກັບ​ການ​ໃຊ້​ນ້ຳ​ກະ​ດ້າງ​ ໂດຍ​ມີ​ການ​ປະ​ເມີນ​ວ່າ​ສະພາບ​ຜິວ​ໜັງ​ມີ​ສະພາບ​ດີ​ຂຶ້ນ​ນ້ອຍໆ​ ເມື່ອ​ປ່ຽນ​ການ​ໃຊ້​ນ້ຳ​ກະ​ດ້າງ​ໄປ​ເປັນ​ນ້ຳ​ອ່ອນ​ 

ຖ້າ​ນ້ຳ​ປະ​ປາ​ເປັນ​ສາ​ເຫດ​ຂອງ​ການ​ເກີດ​ສິວ​ ຄວນ​ເຮັດ​ແນວໃດ​ ມີ​ວິທີ​ແກ້​ໄຂ​ຫຼື​ບໍ່​ ? ກ່ອນ​ຈະ​ປ່ຽນ​ມາ​ໃຊ້​ນ້ຳ​ບໍລິສຸດ​ຫຼື​ນ້ຳ​ກອງ​ ລອງ​ປ່ຽນ​ຜະລິດຕະພັນ​ເຮັດ​ຄວາມ​ສະ​ອາດ​ຜິວ​ໜ້າ​ ເປັນ​ສູດ​ອ່ອນ​ໂຢນ​ສຳລັບ​ຜິວ​ແພ້​ງ່າຍ​ ຫຼື ​ໃຊ້​ຄຮີມ​ບຳ​ລຸງ​ຜິວ​ສຳລັບ​ຄົນ​ເປັນ​ສິວ​ ແລະ ​ຜິວແພ້​ງ່າຍ​ ຫາກ​ບໍ່​ເປັນ​ຜົນ​ໃຫ້​ລອງ​ພິຈາລະນາ​ຊື້​ເຄື່ອງ​ກອງ​ນ້ຳ​ ຫຼື ​ປຶກ​ສາ​ແພດ​ຜິວ​ໜັງ​ຂອງ​ເຈົ້າ​ທີ່​ມີ​ຢາ​ສະເພາະ​ ບໍ່​ວ່າ​ຈະ​ມີ​ສາ​ເຫດ​ມາ​ຈາກ​ນ້ຳ​ກະ​ດ້າງ​ ຫຼື​ ອື່ນ​ໆ​