ໄຂ່ມີສານອາຫານເຖິງ 7 ຊະນິດທີ່ຈະຊ່ວຍຫຼຸດນ້ຳໜັກ ໄດ້ໄວຂຶ້ນ!

ໄຂ່​ມີ​ສານ​ອາຫານ​ເຖິງ​ 7 ຊະນິດ​ທີ່​ຈະ​ຊ່ວຍ​ຫຼຸດ​ນ້ຳ​ໜັກ​ ໄດ້​ໄວ​ຂຶ້ນ​!

1. ໂຄ​ລີນ​ (Choline)

ໂຄ​ລີນ​ສາມາດ​ຊ່ວຍ​ຫຼຸດ​ນ້ຳ​ໜັກ​ ແລະ ​ຍັງ​ຊ່ວຍ​ຕໍ່​ຕ້ານ​ມະ​ເຮັງ​ຮ້າຍ​ໃຫ້​ຫ່າງ​ໄກ​ຈາກ​ຮ່າງກາຍ​ຂອງ​ເຈົ້າ​ໄດ້​ດ້ວຍ​ ຊຶ່ງ​ຄວາມ​ຈິງ​ແລ້ວ​ໂຄ​ລີນ​ກໍ​ຄື​ວິ​ຕາ​ມິນ​ບີ​ ທີ່​ຈະ​ເຂົ້າໄປ​ເປີດ​ການ​ເຮັດ​ວຽກ​ຂອງ​ຢີນ​ໃນ​ຮ່າງກາຍ​ທີ່​ຊ່ວຍ​ເຜົາ​ຜານ​ໄຂ​ມັນ​ໃຫ້ເປັນ​ພະລັງ​ງານ​ ແລະ ​ຊ່ວຍ​ຕໍ່​ຕ້ານ​ມະ​ເຮັງ​ເຕົ້າ​ນົມ​ໄດ້​ ອີກ​ທັງ​ຍັງ​ຊ່ວຍຮັກສາຈິດ​ໃຈ​ແລະ​ ຮັກສາ​ສຸຂະພາບ​ສາຍ​ຕາ​ອີກ​ດ້ວຍ​

2. ວິ​ຕາ​ມິນ​ ດີ​ (Vitamin D)

ວິ​ຕາ​ມິນ​ ດີ​ ສາມາດ​ຊ່ວຍ​ເສີມ​ສ້າງ​ແຄລ​ຊຽມ​ບຳ​ລຸງ​ກະດູກ​ຂອງ​ຮ່າງກາຍ​ໃຫ້​ແຂງ​ແຮງ​ເພື່ອ​ເພີ່ມ​ກ້າມ​ເນື້ອ​ ນອກ​ຈາກ​ນີ້​ວິ​ຕາ​ມິນ​ດີ​ໃນ​ໄຂ່​ກໍ​ສາມາດ​ຊ່ວຍ​ຫຼຸດ​ນ້ຳ​ໜັກ​ໄດ້ແລ້ວ​ ອີກ​ທັງ​ຍັງ​ຊ່ວຍ​ບຳ​ລຸງ​ສະໝອງ​ ເສີມ​ສ້າງ​ພະລັງ​ງານ​ ແລະ ​ຫຼຸດ​ຄວາມ​ສ່ຽງ​ທີ່​ຈະ​ເປັນ​ມະ​ເຮັງ​ເຕົ້າ​ນົມ​ອີກ​ດ້ວຍ​

3. ວິ​ຕາ​ມິນ​ບີ​6 (Vitamin B6)

ໃນ​ອາຫານຫຼາຍ​ຊະນິດ​ອຸດົມ​ໄປ​ດ້ວຍ​ວິ​ຕາ​ມິນ​ບີ​6 ລວມ​ທັງ​ໄຂ່​ກໍ​ເປັນ​ແຫຼ່ງ​ອາ ຫານ​ທີ່​ອຸດົມ​ໄປ​ດ້ວຍ​ວິ​ຕາ​ມິນ​ຊະນິດ​ນີ້​ຄືກັນ​ ຊຶ່ງ​ວິ​ຕາ​ມິນ​ບີ​6 ຈະ​ຊ່ວຍ​ເພີ່ມ​ຄວາມ​ໄວ​ໃນ​ການ​ເຜົາ​ຜານ​ອາຫານ​ ແລະ ​ຊ່ວຍ​ໃຫ້​ວົງ​ຈອນການ​ນອນ​ຫຼັບ​ດີ​ຂຶ້ນ​ດ້ວຍ​

4. ໂປຼຣ​ຕິນ​ (Protein)

ໄຂ່​ 1 ໜ່ວຍ​ ອຸດົມ​ໄປ​ດ້ວຍ​ໂປຼຣ​ຕິນ​ເຖິງ​ 6 ກຣາມ​ ທີ່​ສາມາດ​ເຜົາ​ຜານ​ໄຂ​ມັນ​ໃຫ້ເປັນ​ພະລັງ​ງານ​ໄດ້​ໂດຍ​ປາສະຈາກ​ແປ້ງ​ ຫາກ​ຕ້ອງ​ການ​ຄົງ​ສະພາບ​ຄວາມ​ກະ​ຊັບ​ຂອງ​ກ້າມ​ເນື້ອ​ໄວ້​ ໃຫ້​ກິນ​ໄຂ່​ 1 ໜ່ວຍ ​ກັບ​ໄຂ່​ຂາວ​ 2 ໜ່ວຍ​ ວິທີ​ນີ້​ຈະ​ເຮັດໃຫ້​ເຈົ້າ​ໄດ້ຮັບ​ໂປຼຣ​ຕິນ​ຢ່າງ​ເຕັມທີ່​ເພື່ອ​ສ້າງ​ກ້າມ​ເນື້ອ​ຫຼາຍ​ຂຶ້ນ​ ນອກ​ຈາກ​ນີ້​ຍັງ​ຊ່ວຍ​ໃຫ້​ນ້ຳ​ໜັກ​ຫຼຸດລົງ​ໄດ້​ຢ່າງ​ວ່ອງໄວ​ດ້ວຍ​

5. ວິ​ຕາ​ມິນ​ບີ​12 (Vitamin B12)

ຖື​ໄດ້​ວ່າ​ໄຂ່​ເປັນ​ແຫຼ່ງ​ລວມ​ວິ​ຕາ​ມິນ​ບີ​ 12 ທີ່​ດີ​ທີ່ສຸດ​ ຊຶ່ງ​ເປັນ​ສິ່ງ​ທີ່​ດີ​ສຳລັບ​ຄົົນທີ່​ບໍ່​ຢາກ​ກິນ​ເນື້ອ​ສັດ​ຫຼື​ອາຫານ​ເສີມ​ ນອກ​ຈາກ​ນີ້​ວິ​ຕາ​ມິນ​ບີ​12 ຍັງມີ​ສ່ວນ​ກ່ຽວ​ຂ້ອງ​ກັບ​ການ​ເຜົາ​ຜານ​ເກືອບ​ຈະ​ທຸກ​ເຊລ​ໃນ​ຮ່າງກາຍ​ເຮົາ​

6. ກົດ​ໄຂ​ມັນ​ຈຳ​ເປັນ​ (EFA)

ພຽງແຕ່ຟັງ​ຊື່​ກໍ​ສົງໄ​ສ​ແລ້ວ​ວ່າ​ຈະ​ຊ່ວຍ​ເຮັດໃຫ້​ນ້ຳ​ໜັກ​ຫຼຸດ​ໄດ້​ແນວໃດ​ ແຕ່​ຫາກ​ເຈົ້າ​ຮູ້​ຈັກ​ກົດ​ໄຂ​ມັນ​ຈຳ​ເປັນ​ (EFA) ເຈົ້າ​ຈະ​ຫຼົງ​ຮັກ​ມັນ ເພາະ​ຖ້າ​ເຈົ້າ​ກຳ​ລັງ​ຄິດ​ຫຼຸດ​ນ້ຳ​ໜັກ​ ເຈົ້າ​ກົດ​ໄຂ​ມັນ​ນີ້​ແຫຼະ​ຈະ​ເປັນ​ຕົວ​ຊ່ວຍ​ເຜົາ​ຜານ​ໄຂ​ມັນ​ ອີກ​ທັງ​ຍັງ​ເຮັດໃຫ້​ຜິວ​ພັນ​ເບິ່ງ​ສົດຊື່ນ ແລະ ​ສົ່ງ​ຜົນ​ດີີ​ຕໍ່​ລະບົບ​ຫົວ​ໃຈ​ດ້ວຍ​ ແລະ​ ເຖິງວ່າ​ໄຂ່​ຈະ​ມີ​ໄຂ​ມັນ​ອິ່ມ​ຕົວ​ ແຕ່​ໄຂ​ມັນ​ເຫຼົ່າ​ນັ້ນ​ກໍ​ເປັນ​ໄຂ​ມັນ​ຊະນິດ​ທີ່​ດີ​

7. ລິວ​ຊີນ​ (Leucine)

ລິວ​ຊີນ​ ຄື​ກົດ​ອະ​ມິ​ໂນ​ຊະນິດ​ໜຶ່ງ​ ຊຶ່ງ​ຈຳ​ເປັນ​ຫຼາຍ​ຕໍ່​ການ​ຫຼຸດ​ນ້ຳ​ໜັກ​ ເພາະ​ລິວ​ຊີນ​ຈະ​ຊ່ວຍ​ເລັ່ງ​ການ​ເຮັດ​ວຽກ​ຂອງ​ລະບົບ​ເຜົາ​ຜານ​ອາຫານ​ ຊ່ວຍ​ຂັດ​ຂວາງ​ການ​ສະ​ລາຍ​ຕົວ​ຂອງ​ກ້າມ​ເນື້ອ​ ແລະ ​ຊ່ວຍ​ເພີ່ມ​ພະລັງ​ງານ​ໃຫ້​ກ່ອນ​ອອກ​ກຳ​ລັງ​ກາຍ​ ຊຶ່ງ​ແນ່ນອນ​ວ່າ​ ໄຂ່​ ນີ້​ແຫຼະ​ເປັນ​ແຫຼ່ງ​ລວມ​ລິວ​ຊີນ​ຊັ້ນ​ດີ ລອງ​ເລືອກ​ເມ​ນູ​ໄຂ່​ມາ​ເປັນ​ອາຫານ​ ກ່ອນ​ໄປ​ອອກ​ກຳ​ລັງ​ກາຍ​

 

ບົດຄວາມໃຫມ່ໆ