ໄຂຂໍ້ສົງໃສ ເປັນຫຍັງນ້ອງຊາຍມັກຕື່ນໂຕຕອນເຊົ້າ?

  1. ທໍາມະຊາດຂອງນົກເຂົາຂັນຕອນເຊົ້າ ເປັນເລື່ອງທີ່ໝຸ່ມໆທຸກຄົນຢາກຮູ້? ຂໍ້ສົງໄສທີ່ວ່າເປັນຫຍັງນົກເຂົາເຖິງຂັນໄດ້ເອງໃນຕອນເຊົ້າ ນີ້ເປັນຄໍາຖາມທີ່ຄ້າງຄາໃຈຜູ້ຊາຍທຸກຄົນມາດົນ ແຕ່ມື້ນີ້ ເຮົາມີຄໍາອະທິບາຍເພື່ອໄຂຂໍ້ຂ້ອງໃຈນີ້ມາບອກແລ້ວ​ເດີ້ ເພາະທີມ​ແພດຈາກມະຫາວິທະຍາໄລ ນິວຄາດເຊີນ ໃນປະເທດອັອດເຕເລຍ ເຜີຍວ່າພວກເຂົາໄດ້ຮູ້ເຖິງສາເຫດຂອງການຕື່ນຕົວເອງຂອງອະ​ໄວ​ຍະວະເພດໃນຕອນເຊົ້າ ໂດຍ ດ.ຣ ເຊີຈິໂອ ດິເອຈ ອັນວາເລຊ (Sergio Diez Alvarez)  ໄດ້ອອກມາຟັນທົງເປັນທີ່ຊັດເຈນແລ້ວວ່າການໄກ່ເກ່ຍຕົນເອງຂອງອະໄວວະເພດໃນຕອນເຊົ້ານັ້ນບໍ່ໄດ້ເປັນຄວາມຜິດປົກກະຕິເລື່ອງເພດ ຫຼື ມີສາເຫດມາຈາກຄວາມໝົກມຸ່ນໃນເລື່ອງກາມແຕ່ຍ່າງໃດ ໃນທາງກົງກັນຂ້າມຄືອາການນີ້ເປັນຄວາມປະພຶດສາມາດເກີດຂຶ້ນໄດ້ກັບຜູ້ຊາຍສຸຂະພາບດີທຸກຄົນ.
  2. ຄວາມລັບຢູ່ທີ່ກົນໄກການນອນຫຼັບ ​ເຊິ່ງ ທ່ານໝໍ ເຊີຈິໂອ ເປີດເຜີຍວ່າການ​ແຂງຕົວເອງຂອງອະ​ໄວ​ຍະວະເພດຊາຍນີ້ ສາມາດເກີດຂຶ້ນໄດ້ໃນຊ່ວງເວລາທີ່ເຮົານອນຫຼັບ ໄດ້ຫຼາຍເຖິງ 5 ຄັ້ງໃນໜຶ່ງຄືນ ​ເຊິ່ງຈະເກີດຂຶ້ນໃນຊ່ວງທີ່ເຮົານອນຫຼັບລຶກ ຫຼື ທີ່ເອີ້ນວ່ານອນຫຼັບໃນໂໝດ REM Sleep ​ເຊິ່ງການຫຼັບໃນໂໝດນີ້ເປັນຊ່ວງການຫຼັບທີ່ເຮັດໃຫ້​ເຮົາຝັນເຫັນສິ່ງຕ່າງໆ ແລະ ເມື່ອເຮົາຝັນສະໝອງຈະກະຕຸ້ນການເຮັດວຽກຂອງລະບົບປະສາດໃຫ້ຕື່ນຕົວ ສົ່ງຜົນໃຫ້ອະ​ໄວວະເພດ​ແຂງຕົວເອງ ​ເຖິງວ່າຈະບໍ່ໄດ້ຝັນເຖິງເລື່ອງທາງເພດກໍຕາມ ໂດຍການ​ແຂງຕົວແຕ່ລະຄັ້ງຈະມີໄລຍະເວລາດົນເຖິງ 20-30 ນາທີ ​ເຊິ່ງຈະຫຼາຍ ຫຼື ໜ້ອຍກໍຂຶ້ນຢູ່ກັບສຸຂະພາບຮ່າງກາຍຂອງແຕ່ລະຄົນ.
  3. ນົກ​ເຂົາ​ຂັນເອງຕາມທໍາມະຊາດນັ້ນ ເປັນສັນຍານບົ່ງຊີ້ທີ່ດີວ່າຮ່າງກາຍມີສະມັດ​ຖະພາບທາງເພດທີ່ດີ ເພາະການທີ່ອະໄວຍະວະເພດ​ແຂງ​ໃນຕອນເຊົ້ານັ້ນ ມີສາເຫດມາຈາກການມີຮ່າງກາຍທີ່ເຂັ້ມແຂງສຸຂະພາບດີຂອງເຮົາ ຫຼັ່ງຮໍໂມນເພດຊາຍທີ່ເອີ້ນວ່າ ເທສໂທສ​ເຕີໂລນອອກມາ ໃນຊ່ວງເຊົ້າກ່ອນຕື່ນນອນນັ້ນເອງ  ​ເຊິ່ງນັ້ນຖືໄດ້ວ່າເປັນສັນຍານທີ່ດີທີ່ບົ່ງຊີ້ວ່າເຮົາມີຮ່າງກາຍສົມບູນ​ແຂງ​ແຮງ ສະມັດ​ຖະພາບທາງເພດຢູ່ໃນລະດັບທີ່ຟິດປັງ ທຸກຄົນທີ່ມີອາການເຊັ່ນນີ້ຈົ່ງພູມໃຈ ແລະ ປາບ​ປື້​ມດີກ​ວ່າ.

ຫວັງວ່າບົດຄວາມນີ້ຄົງຈະຊ່ວຍໄຂຂໍ້ຂ້ອງໃຈ ແລະ ເຮັດໃຫ້ທ່ານ​ຊາຍທີ່ນົກຂາມັກຂັນຕອນເຊົ້າໄດ້ຫາຍວິຕົກ​ກັງວົນ​ເດີ້ເມື່ອໄດ້ຮູ້​ແບບນີ້ແລ້ວ ເພາະທີ່​ຈິງແລ້ວມັນເປັນທໍາມະຊາດຂອງຜູ້ຊາຍທຸກຄົນນັ້ນ​ເອງ ແຕ່ຫາກມັນບໍ່ຂັນນີ້ຫັ້ນ​ຕິທີ່​ເຈົ້າຕ້ອງກັງວົນ ເພາະນັ້ນອາດເປັນສັນຍານບົ່ງຊີ້ວ່າ​ເຈົ້າກໍາລັງມີສະມັດຖະພາບທາງເພດຖອດຖອຍ ຫຼື ສຸຂະພາບ​ຮ່າງກາຍ​ທີ່​ອ່ອນ​ແອ​ກໍ​ເປັນ​ໄດ້.