ໄກ່ທຸ່ມເຕັມທີ່ຫວັງດຶງກອງຫຼັງອາແຈັກຮ່ວມທັບກ່ອນຕະຫຼາດນັກເຕະປິດ

 

“ອີບວີນິງ ສະແຕນດາດ” ສື່ດັງຂອງອັງກິດເຜີຍ “ໄກ່ເດືອຍທອງ” ທັອດແນມ ຮັອດສະເປີ ພ້ອມທຸ່ມເງິນບວກກັບໂບນັດເພີ່ມຕື່ມຮວມກັນ 40 ລ້ານປອນຫວັງດຶງ ດາວິນສັນ ຊານເຊດ ເຊັນເຕີແບັກດາວລຸ້ງຂອງ ອາແຈັກ ອຳສະເຕີດາມ ມາເສີມທັບກ່ອນຕະຫຼາດຊື້ຂາຍນັກເຕະຈະປິດຕົວລົງ.

ລາຍງານລະບຸວ່າ ສະເປີ ພ້ອມຈົກເງິນໃນຂັ້ນຕົ້ນລາຄາ 27 ລ້ານປອນບວກກັບໂບນັດທີ່ອາດຈະເພີ່ມຂຶ້ນເປັນ 40 ລ້ານປອນຫວັງໃຫ້ ອາແຈັກ ຍອມຂາຍກອງຫຼັງທີມຊາດໂຄລຳບີອາຍຸ 21 ປີກ່ອນຕະຫຼາດຊຳເມີຈະປິດຕົວລົງ ຂະນະທີ່ ເມົາຣິຊີໂອ ໂປເຊັດຕິໂນ ນາຍໃຫຍ່ຂອງທີມເບິ່ງວ່າ ຊານເຊດ ເປັນນັກເຕະທີ່ສາມາດລົງຫຼິ້ນໄດ້ທັງລະບົບການຫຼິ້ນ 4-2-3-1 ແລະ 3-4-3 ໄດ້ ຫຼັງໝົດຄວາມເຊື່ອໝັ້ນໃນຕົວ ເຄວິນ ວິມເມີ ກອງຫຼັງອອສເຕຣຍແລ້ວ.

ສຳລັບ ຊານເຊດ ໂຊຟອມໄດ້ຢ່າງໂດດເດັ່ນເມື່ອລະດູການທີ່ຜ່ານມາ ຈົນຊ່ວຍໃຫ້ຕົ້ນສັງກັດຄວ້າແຊມລີກໂຮນລັງ ແລະ ເສິກ ຢູຟາ ຢູໂຣປາ ລີກ ທີ່ປລາໄຊໃຫ້ກັບ ແມນເຊສເຕີ ຢູໄນເຕັດ 0-2 ໃນຮອບຊິງຊະນະເລີດ.

 

ບົດຄວາມໃຫມ່ໆ