ໃສ່ຂີ້ໝິ້ນປຸ່ງແຕ່ງອາຫານຕ້ານມະເຮັງ

 ໃສ່​ຂີ້­ໝິ້ນ​ປຸງ​ອາ­ຫານ​ຕ້ານ​ມະ​ເຮັງ ເພາະ​ການ​ຮັບ​ປະ­ທານ​ອາ­ຫານ​ທຸກ​ມື້­ນີ້​ແມ່ນ​ມີ​ຄວາມ​ສ່ຽງ​ຫຼາຍ​ທີ່​ສຸດ​ໂດຍ​ສະ­ເພາະ​ໃນ​ຮ້ານ​ອາ­ຫານ​ຕ່າງໆ​ທີ່​ຈະ​ພາ­ໃຫ້​ເຮົາ​ເກີດ​ໂລກ
​ພະ­ຍາດ​ໄດ້​ຫຼາກ​ຫຼາຍ​ຊະ­ນິດ​ບໍ່​ວ່າ​ຈະ​ເປັນ​ໂລກ​ຕຸ້ຍ​ທີ່​ເປັນ​ສາ­ເຫດ​ຂອງ​ການ​ເກີດ​ໂລກ​ຫົວ­ໃຈ, ຄວາມ­ດັນ, ເບົາ­ຫວານ ເປັນ­ຕົ້ນ ໂດຍ​ອາ­ຫານ​ປະ­ເພດ​ຈືນ ຫາກ​ໃຊ້​ນ້ຳ­ມັນ​ເສື່ອມ​ສະ­ພາບ ຫຼື ບໍ່​ມີ​ຄຸນ​ນະ​ພາບ​ໃນ​ການ​ປຸງ​ແຕ່ງ​ຍິ່ງ​ຈະ​ເຮັດ​ໃຫ້​ເກີດ​ສານ​ໂພ​ລາ​ຂຶ້ນ​ມາ​ໄດ້ ຊຶ່ງ ເປັນ​ຕົວ​ການ​ສຳ­ຄັນ​ເຮັດ​ໃຫ້​ເກີດ​ໂລກ​ມະ​ເຮັງ ດັ່ງ­ນັ້ນ ການ​ນຳ​ຂີ້­ໝິ້ນ​ມາ​ໃຊ້​ໃນ​ການ​ປຸງ​ແຕ່ງ­ອາ­ຫານ​ກໍ​ສາ­ມາດ  ຊ່ວຍ​ປ້ອງ​ກັນ​ຄວາມ​ສ່ຽງ​ດັ່ງ­ກ່າວ​ນັ້ນ​ໄດ້ ເນື່ອງ​ຈາກ​ຂີ້­ໝິ້ນ​ມີ​ສານ​ທີ່​ໄປ​ຈັບ​ໂມ​ເລ​ກຸນ​ຂອງ​ສານ​ໂພ​ລາ​ຫາກ​ໃຊ້  ປຸງ​ອາ­ຫານ​ເລື້ອຍໆ​ຈະ​ຊ່ວຍ​ຈັບ​ສານ​ກໍ​ມະ​ເຮັງ​ນີ້​ໄດ້.

    ນອກ­ຈາກ​ນີ້​ຂີ້­ໝິ້ນ​ຍັງ​ມີ​ລິດ​ຊ່ວຍ​ແກ້​ອາ­ການ​ທ້ອງ​ອືດ, ຂ້າ​ເຊື້ອ​ພະ­ຍາດ​ໃນ​ລະ­ບົບ​ທາງ​ເດີນ​ອາ­ຫານ, ຫຼຸດ​ການ​ອັກ­ເສບ, ມີ​ລິດ​ເຢັນ, ຊ່ວຍ​ຂັບ​ລົມ​ໃນ​ກະ­ເພາະ​ອາ­ຫານ, ມີ​ຄຸນ­ສົມ­ບັດ​ຕ້ານ​ການ​ເກີດ​ອອກ​ຊິ​ເດ​ຊັນ​ສູງ, ຊ່ວຍ​ຂັບ ນ້ຳ­ບີ ທັງ​ມີ​ສັບ­ພະ​ຄຸນ​ບັນ­ເທົາ​ອາ­ການ​ເຈັບ­ທ້ອງ, ທ້ອງ​ຍື່ງ, ແໜ້ນ​ຈຸກ​ສຽດ, ແກ້​ໂລກ​ຜິວ­ໜັງ, ຂັບ​ລົມ, ແກ້​ຝື່ນ​ຄັນ, ແກ້​ຖອກ­ທ້ອງ, ເຫງົ້າ​ຂີ້­ໝິ້ນ​ມີ​ວິ­ຕາ­ມິນ​ເອ, ວິ­ຕາ­ມິນ​ເຊ, ເກືອ​ແຮ່ ໃຊ້​ເປັນ​ເຄື່ອງ­ປຸງ​ອາ­ຫານ, ແຕ່ງ​ສີ​ອາ­ຫານ ແລະ​ປຸງ​ເປັນ​ຢາ​ຮັກ­ສາ​ໂລກ​ກ​ພະ­ຍາດ​ຕ່າງໆ​ໄດ້.

Cr: ເສດຖະກິດ