ໃຜ​ບໍ່​ມັກ​ຖູແຂ້ວ​ກ່ອນ​ນອນ​! ຫຼັງ​ຈາກ​ອ່ານ​ບົດ​ຄວາມ​ນີ້ຈົ​ບ​ ເຈົ້າ​ຈະ​ປ່ຽນ​ໃຈ​ໄປ​ຕະຫຼອດ​ຊີວິດ​

ໃຜບໍ່ມັກຖູແຂ້ວກ່ອນນອນ! ຫຼັງຈາກອ່ານບົດຄວາມນີ້ຈົບເຈົ້າຈະປ່ຽນໃຈໄປຕະຫຼອດຊີວິດ

 

ຕັ້ງແຕ່ໄວເດັກເຮົາຈະໄດ້ຮັບການສັ່ງສອນວ່າການຖູແຂ້ວເປັນສຸຂະອະນາໄມທີ່ສຳຄັນທີ່ສຸດໃນແຕ່ລະມື້ແຕ່ການສຶກສາທາງ​ວິທະຍາສາດລ່າສຸດສະແດງໃຫ້ເຫັນວ່າເລື່ອງນີ້ອາດມີຄວາມສຳຄັນຍິ່ງກວ່າສິ່ງທີ່ເຮົາເຄີຍເຊື່ອໃນສະໄໝກ່ອນ.

ການຖູແຂ້ວທີ່ຜິດວິທີເຮັດໃຫ້ແຂ້ວແມງ,ມີກິ່ນປາກ ແລະ ມັນເຮັດໃຫ້ຄົນອ້ອມຂ້າງຮູ້ສຶກອຶດອັດແຕ່ແນວໃດກໍ່ຕາມນີ້​ຢັງບໍ່​ໄດ້ໃກ້ຄຽງກັບອັນຕະລາຍອື່ນໆທີ່ແຝງມາຢູ່ໃກ້ຕົວເຈົ້າຫາກເຈົ້ານອນໂດຍບໍ່ໄດ້ຖູແຂ້ວ.

ການຖູແຂ້ວທີ່ຜິດວິທີ ແລະ ບໍ່ເໝາະສົມອາດເຮັດໃຫ້​ເຫງືອກອັກເສບຊຶ່ງອາການໃນຊ່ວງເລີ່ມຕົ້ນຈະບໍ່ອັນຕະລາຍເທົ່າໃດແຕ່ຫາກບໍ່ໄດ້ຮັບການຮັກສາທີ່ທັນເວລາກໍ່ສາມາດເຮັດໃຫ້ເກີດພະຍາດອັກເສບໄດ້.

ໃນຊ່ວງເວລາບໍ່ຈັກປີທີ່ຜ່ານມາມີການໃຫ້ຄວາມສົນໃຈກັບຜົນກະທົບ ແລະ ການອັກເສບທີ່ຈະເກີດໃນຮ່າງກາຍ ແລະ ຜົນ​ກະທົບທາງລົບຫຼາຍຍິ່ງຂຶ້ນ ຊຶ່ງເປັນການໃຫ້ຄວາມສົນໃຈກັບທຸກສ່ວນໃນຮ່າງກາຍບໍ່ພຽງແຕ່ສ່ວນຂອງຊ່ອງປາກເທົ່ານັ້ນ

ໜຶ່ງໃນການສຶກສາຊິ້ນໃຫຍ່ທີ່ດຳເນີນ​ການໂດຍບີບີຊີໄດ້ສະແດງໃຫ້​ເຫັນວ່າ​ການອັກເສບໃນຊ່ອງປາກຍັງ​ສາມາດສົ່ງຜົນ​ກະທົບຕໍ່ອະໄວຍະວະສຳຄັນອື່ນໆໃນ​ຮ່າງກາຍໄດ້ດ້ວຍອີກທັງການສຶກສາອື່ນໆຍັງພົບຄວາມເຊື່ອມໂຍງໄປເຖິງພະຍາດເອົາໄຊ​ເມີ​.

ຜົນການທົດສອບເຫຼົ່ານີ້ຢັງຄົງຢູ່ໃນຊ່ວງເລີ່ມຕົ້ນແຕ່ມັນຂ້ອນຂ້າງ​ເປັນທີ່ແນ່ນອນແລ້ວວ່າການຖູແຂ້ວທີ່ຜິດວິທີສົ່ງຜົນ​ກະທົບຕໍ່ສຸກຂະພາບແລະບຸກຄະລິກກະພາບຢ່າງມີນັຍສຳຄັນ.

ໃນລະຫວ່າງການສຳຫຼວດກວ່າ 35% ຂອງຜູ້ຕອບແບບສອບຖາມບອກວ່າສິ່ງທຳອິດທີ່ພວກເຂົາເຮັດຄືມອບຮອຍຍິ້ມໃຫ້ກັບ​ຜູ້ອື່ນ ແຕ່ພວກເຂົາຈຳນວນຫຼາຍກັບລະເລີຍສຸຂະອະນາໄມຂອງແຂ້ວ ແລະ ຊ່ອງປາກ.

ທັງກິ່ນປາກ ແລະ ຮອຍຍິ້ມສົ່ງຜົນກະທົບຕໍ່ຄວາມນັບຖືຕົນເອງເຮັດໃຫ້​ອາລົມ​ເສຍ ແລະ ສາມາດຄຸກຄາມຮູບລັກຂອງຕົວ​ເຈົ້າເອງໄດ້ດ້ວຍ ດັ່ງນັ້ນທາງອອກດຽວທີ່​ມີຄືການຖູແຂ້ວຢ່າງສ​ະໝໍ່າສະເໝີ ແລະ ໄປຫາໝໍແຂ້ວເປັນປະຈຳເຮົາບໍ່ຄວນຖ້າເວລາທີ່ຈະໄປພົບໝໍກໍຕໍ່ເມື່ອມີອາການເຈັບປວດເກີດຂຶ້ນ ແນວໃດກໍ່ຕາມໜ້າເສຍດາຍທີ່ເຮົາບໍ່ຄ່ອຍໄປພົບທັນຕະແພດ​ໂດຍບໍ່ມີສາເຫດ.


ວິທີການຖູແຂ້ວຢ່າງຖືກຕ້ອງ.


ໃຊ້ແປງຖູແຂ້ວ ຖູແຂ້ວເທິງ ແລະ ແຂ້ວລຸ່ມສະລັບກັນໄປມາຢ່າຖູຈາກຊ້າຍໄປຂວາ ແລະ ສະລັບໄປມາຫາກເປັນໄປໄດ້ໃຊ້​ໄຫມຂັດແຂ້ວ ເພື່ອເອົາເສດອາຫານທີ່ຕິດຢູ່ລະຫວ່າງແຂ້ວຂອງເຈົ້າອອກໄດ້ສະອາດໝົດ.

ຂໍ້ແນະນຳ : ເພື່ອແຂ້ວຂາວຮອຍຍິ້ມທີ່ງົດງາມ ແລະ ສຸຂະພາບຊ່ອງປາກທີ່ດີຄວນໄປພົບໝໍແຂ້ວເປັນປະຈຳເພື່ອຈັດການ​ກັບບັນຫາໃຫ້ທັນທີ.