ໃຜ​ທີ່​ຂັບລົດ​ຄວນ​ເບິ່ງ​ 3 ຂັ້ນ​ຕອນ​ຮອດ​ຕາຍ​ ເມື່ອ​ຄັນ​ເລັ່ງ​ຄ້າງ​

ໃຜ​ທີ່​ຂັບລົດ​ຄວນ​ເບິ່ງ​ 3 ຂັ້ນ​ຕອນ​ຮອດ​ຕາຍ​ ເມື່ອ​ຄັນ​ເລັ່ງ​ຄ້າງ​

ເມື່ອ​ຜູ້​ຂັບ​ຂີ່​ຕ້ອງ​ພົບ​ກັບ​ບັນຫາ​ຄັນ​ເລັ່ງ​ຄ້າງ​ໃນ​ຂະນະ​ຂັບລົດ​ ແລະ ​ບໍ່​ສາມາດ​ຊະ​ລໍ​ຄວາມ​ໄວ​ຂອງ​ລົດ​ໄດ້​ ຜູ້​ຂັບ​ຂີ່​ຄວນ​ປະຕິບັດ​ດັ່ງ​ນີ້:​
1. ຕັ້ງ​ສະຕິ​ໃຫ້​ໝັ່ນ​ ຢ່າ​ຕົກ​ໃຈ​ຈົນ​ເກີນ​ເຫດ​ເພາະ​ເຖິງ​ແມ້ວ່າ​ຈະ​ຫຼຸດ​ຄວາມ​ໄວ​ບໍ່​ໄດ້​ແຕ່​ເຈົ້າ​ຍັງ​ຄວບ​ຄຸມ​ພວງ​ມາໄ​ລ ​ແລະ ​ທິດ​ທາງລົດ​ໄດ້​ທັງໝົດ​ເຖິງ​ເບ​ກ.​
2. ໃຫ້​ເຂົ້າ​ເກຍວ່າງ​ໂດຍ​ທັນ​ທີ​ເພື່ອ​ຕັດ​ກຳ​ລັງ​ການ​ຂັບ​ເຄື່ອນ​ຂອງ​ລົດ​ລະ ຫວ່າງ​ເກຍ​ ແລະ​ ເຄື່ອງຈັກ ຫາກ​ເປັນລົດ​ເກຍທຳມະດາ​ຕ້ອງ​ຢຽບ​ຄາດ​​ປ່ຽນ​ໄປ​ເກຍ​ວ່າງ.​
3. ຢຽບ​ເບກ​ຄ້າງ​ໄວ້​ເພື່ອ​ຊະ​ລໍ​ຄວາມ​ໄວ​ ສະເພາະ​ລົດ​ທີ່​ມີ​ລະບົບ​ເບ​ກ​ ABS ຫາກ​ລົດ​ທີ່​ມີ​ລະບົບ​ເບ​ກ​ທຳມະດາ​ໃຫ້​ຢຽບ​ແລ້ວ​ປ່ອຍ​ເພື່ອ​ຫຼີກ​ລ້ຽງ​ການ​ລ໋ອກ​ຂອງ​ລໍ້.​
4. ຄວບ​ຄຸມ​ລົດ​ອອກຈາກ​ການ​ຈະລາຈອນ​ແລ້ວ​ດັບ​ເຄື່ອງ​ ແຕ່​ຫ້າມ​ຖອດ​ກະ​ແຈ​ ຫລື ​ບິດ​ໄປ​ທີ່​ຕຳ ແໜ່ງ​ lock ເພາະ​ພວງ​ມາໄ​ລ​ຈະ​ລ໋ອກ​.
5. ຫ້າມ​ດັບ​ເຄື່ອງ​ກ່ອນ​ຍົກ​ເວັ້ນ​ບໍ່​ສາມາດ​ເຂົ້າ​ເກຍ​ວ່າງ​ໄດ້​.
6. ຫາກ​ຕ້ອງ​ດັບ​ເຄື່ອງ​ ຫ້າມ​ຖອດ​ກະ​ແຈ​ ຫລື​ ບິດ​ໄປ​ທີ່​ຕຳແໜ່ງ​ lock ເພາະ​ພວງ​ມາໄ​ລ​ຈະ​ລ໋ອກ​ລະ ບົບ​ຊ່ວຍ​ເຫຼືອ​ຕ່າງ​ໆ​ຈະ​ບໍ່​ເຮັດວຽກ​ຊຶ່ງ​ຈະ​ເຮັດໃຫ້​ການ​ຄວບ​ຄຸມລົດ​ເຮັດ​ໄດ້​ຢາກ​ຂຶ້ນ.​

7. ຫາກ​ເປັນ​ລົດ​ທີ່​ໃຊ້​ປຸ່ມ​ Start on/off ໃຫ້​ກົດ​ປຸ່ມ​ແຊ່​ໄວ້​ 3 ວິ​ນາ​ທີ​ ຫ້າມ​ກົດ​ແລ້ວ​ປ່ອຍ​.
8. ນຳ​ລົດ​ຈອດ​ໃນ​ທີ່ປອດ​ໄພ​ຂ້າງ​ທາງ​ ແລະ ​ໂທຂໍ​ຄວາມ​ຊ່ວຍ​ເຫຼືອ.​
ສິ່ງ​ທີ່​ຕ້ອງ​ຄຳ​ນຶງ​ເຖິງ​ເມື່ອ​ມີ​ເຫດ​ສຸກ​ເສີນ​ຄື​ສະຕິ​ ຕ້ອງ​ລວບລວມ​ສະຕິ​ໃຫ້​ໄດ້​ເພາະ​ຫາກ​ຕົກ​ໃຈ​ຈົນ​ເກີນ​ເຫດ​ຈະ​ເຮັດໃຫ້​ເຮົາຄິດ​ຫຍັງ​ບໍ່​ອອກ​ ແລະ​ ຕັດ​ສິນ​ໃຈ​ຜິດ​ພາດ​ໄດ້​ ສະ​ນັ້ນ​ໃນ​ການ​ໃຊ້​ລົດ​ໃຊ້​ຖະ ໜົນ​ຕ້ອງ​ມີ​ສະຕິ​ຢູ່​ຕະຫຼອດ​ເວລາ​ ບໍ່​ປະ​ມາດ​ ຄອຍ​ຖ້າ​ລະ​ມັດ​ລະ​ວັງ​ ແລະ ​ກຽມ​ພ້ອມ​ກັບ​ເຫດການ​ຕ່າງ​ໆ​ ຢູ່​ສະ ເໝີ​ ໃສ່​ໃຈ​ໃນ​ການ​ດູແລຮັກສາລົດ​​ຕາມໄລຍະ​ເພື່ອ​ປ້ອງ​ກັນ​ຄວາມ​ຜິດ​ພາດ​ທີ່​ອາດຈະ​ເກີດ​ຈາກ​ການ​ເຮັດ​ວຽກ​ຂອງລົດ ​ແລະ ​ລະບົບ​ຕ່າງ​ໆ​.