ໃຜໆ​ກໍ​ງາມ​ໄດ້ ດ້ວຍ​ວິ​ທີ​ພື້ນ​ບ້ານ

ຂຶ້ນຊື່ວ່າຜູ້ຍິງທຸກ​ຄົນຢາກງາມແຕ່ຫຼາຍຄົນ ງາມຜິດວິທີຈຶ່ງຕ້ອງແລກມາດ້ວຍຄວາມເຈັບປວດ

1.ເຊົາກໍາຈັດຂົນດ້ວຍວິທີສຸດໂຫດ

ໃຜໆຕ່າງກໍຢາກມີຜິວກາຍທີ່ງາມ ແລະ ລຽບນຽນຢູ່ສະເໝີຈຶ່ງບໍ່ແມ່ນເລື່ອງແປກທີ່ການກໍາຈັດຂົນຈະເປັນທີ່ນິຍົມຫຼາຍໃນຫມູ່ສາວໆ​ເຊິ່ງຫຼາຍວິທີທີ່ເປັນການທຳຮ້າຍຜິວຢ່າງບໍ່ຮູ້​ໂຕເຊັ່ນ ການແວັກ ທີ່ຈະເຮັດໃຫ້ຜິວຊັ້ນນອກຖືກທຳລາຍ ຫຼື ການໃຊ້ຄີມກໍາຈັດຂົນທີ່ມີສ່ວນປະສົມຂອງສານເຄມີຊະນິດຮຸນແຮງທຽບເທົ່າກັບສານຟອກຂາວສົ່ງຜົນໃຫ້ຜິວເກີດການລະຄາຍເຄືອງ ບອບບາງ ແລະ ແພ້ງ່າຍຍິ່ງຂຶ້ນອີກຫຼາຍເທົ່າທາງທີ່ດີສາວໆຄວນກໍາຈັດຂົນດ້ວຍມີດໂກນ​ເຊິ່ງເປັນວິທີການທໍາມະຊາດ ແລະ ປອດໄພຕໍ່ຜິວຫຼາຍທີ່ສຸດຍິ່ງສະໄໝນີ້ມີມີດໂກນທີ່ອອກແບບມາຢ່າງເຂົ້າໃຈສະລີລະຜູ້ຍິງໃຫ້ສາມາດຮັບກັບສ່ວນຮ່າງກາຍຂອງຜູ້ຍິງໄດ້ເປັນຢ່າງດີຍິ່ງຊ່ວຍໃຫ້ສາວໆງາມ​ເລີດໄດ້ແບບຟິນເວີ້.

2.ຢ່າງາມແບບໃຈຮ້ອນ

ດຽວນີ້ຜູ້ຍິງມີຕົວຊ່ວຍ ແລະ ເທັກນິກຫຼາກຫຼາຍມາຊ່ວຍເບິ່ງແຍງຜິວໜ້າໃຫ້ເບິ່ງເດັກເຕັ່ງຕຶງຢູ່ຕະຫຼອດເວລາ​ເຊິ່ງວິທີຍອດຮິດຂອງສາວໆ ສ່ວນໃຫຍ່ຄືການ​ເພິ່ງເຕັກໂນໂລຊີ ແລະ ສານເຄມີເຂົ້າມາຊ່ວຍຄົງສະພາບຜິວ ​ເຊິ່ງແນ່ນອນວ່າວິທີການເຫຼົ່ານີ້ຕ້ອງແລກດ້ວຍຄວາມເຈັບປວດ ຈະດີກວ່າບໍ່ຫາກສາວໆຫັນມາໃຊ້ວິທີການທໍາມະຊາດ​ເຊັ່ນການຂັດຜິວດ້ວຍສານສະກັດທໍາມະຊາດການນວດ ແລະ ມາກຫນ້າແບບດັ້​ງ​ເດີມ ​ເຊິ່ງແມ້ຈະໃຊ້ເວລາດົນກວ່າແຕ່ໃຫ້ຜົນລັບທີ່ບໍ່ຕ່າງກັນຢ່າງແນ່ນອນ.

3.ຢ່າດູແລແຕ່ຄວາມງາມພາຍນອກ

ອີກໜຶ່ງທາງລັດຄວາມງາມທີ່ສາວໆນິຍົມເຫຼືອເກີນຄືການສີດວິຕາມິນ ຫຼື ສານເສີມຄວາມງາມເຂົ້າຮ່າງກາຍ​ເຊິ່ງນອກຈາກຈະເປັນທາງເລືອກທີ່ສິ້ນເປືອງຍັງມີຄວາມສ່ຽງບໍ່ແມ່ນໜ້ອຍເພື່ອຫຼີກລ່ຽງຄວາມສ່ຽງຂອງຜົນຂ້າງຄຽງໃນການຮັບສານເຄມີໃນປະລິມານຫຼາຍ ການເບິ່ງແຍງຕົນເອງດ້ວຍການອອກກໍາລັງກາຍເພື່ອຂັບຂອງເຫຼວຂອງເສຍອອກຈາກຮ່າງກາຍ ແລະ ການເລືອກກິນອາຫານທີ່ຊ່ວຍຟື້ນບໍາລຸງຜິວເຊັ່ນ:ຜັກໝາກ​ໄມ້ທີ່ມີວິຕາມິນທີ່ຫຼາກຫຼາຍເພື່ອໃຫ້ຜິວພັນເບິ່ງກະຈ່າງໃສເປັ່ງປັ່ງຈາກພາຍໃນແມ້ຈະເປັນທາງເລືອກທີ່ໃຊ້ເວລາ ແລະ ໜ້າເບື່ອແຕ່ກໍໃຫ້ຜົນລັບທີ່ບໍ່ເຄີຍເຮັດຜິດຫວັງ.