ໃຜສົນແນ່? ຫົງກຽມເລຊາໂກອອກທີມ

 

ມາມາດູ ຊາໂກ ກອງຫຼັງເລືອດນຳ້ຫອມໝົດອະນາຄົດກັບ ລີເວີພູ ເກືອບຈະແນ່ນອນແລ້ວເມື່ອຫຼ້າສຸດມີຂ່າວວ່າກຽມຖືກຕົ້ນສັງກັດຂາຍຖິ້ມໃນຊ່ວງຕະຫຼາດນັກເຕະເດືອນມັງກອນ.

 

ລີເວີພູ ສະໂມສອນຍັກໃຫຍ່ຂອງ ພຣີເມຍລີກ ຕົກເປັນຂ່າວເມື່ອວັນພຸດທີ່ຜ່ານມາວ່າພ້ອມທີ່ຈະພິຈາລະນາປ່ອຍຕົວ ມາມາດູ ຊາໂກ ເຊັນເຕີແບັກເລືອດຝຣັ່ງອອກຈາກທີມໃນຊ່ວງຕະຫຼາດຊື້ຂາຍນັກເຕະຮອບສອງເດືອນມັງກອນນີ້.

 

ຊ່ວງ ປຣີ-ຊີຊັນ ທີ່ຜ່ານມານັກເຕະຖືກສົ່ງກັບບ້ານກາງຄັນເນື່ອງຈາກວ່າມີບັນຫາກ່ຽວກັບເລື່ອງຄວາມປະພຶດ ແລະ ດ້ວຍການທີ່ບັນຫາເລື່ອງຄວາມຟິດ ຟອມກໍບໍ່ດີເຮັດໃຫ້ເຂົາຫຼຸດຈາກທີມໃນລະດູການນີ້ ແລະ ເຮັດໄດ້ພຽງແຕ່ຊ້ອມຮ່ວມກັບທີມ ຢູ-23 ເທົ່ານັ້ນ ເຊິ່ງຫຼ້າສຸດ ເລກິບ ສື່ຊັ້ນນຳຂອງຝຣັ່ງລາຍງານວ່າ ຫົງແດງ ຍິນດີຮັບຟງທຸກຂໍ້ສະເໜີທີ່ຍື່ນເຂົ້າມາຂໍຊື້ ຊາໂກ ໃນຊ່ວງເດືອນມັງກອນນີ້.

 

ທັງນີ້ ຊາໂກ ທີ່ຍ້າຍມາຈາກ ປາຣີ ແຊັງ-ແຊັກແມັງ ເມື່ອຊ່ວງຊຳເມີປີ 2013 ລົງຫຼິ້ນໃຫ້ ລີເວີພູ ທັງໝົດ 79 ນັດຍິງໄດ້ 3 ປະຕູ.