ໃນທີ່ສຸດກໍ່ພົບສົບນັກປີນເຂົາຊາວຝຣັ່ງທີ່ຫາຍໄປກວ່າ 20 ປີກ່ອນ !!!

ສຳນັກ​ຂ່າວ​ຕ່າງປະ​ເທດ​ຮາ​ຍງານ​ວ່າ ຄົນ​ແນະນຳ​ທາງ​ປີນ​ພູ​ເຂົາ​ໃນ​ປະ​ເທດ ​ເອກົວ​ດຼໍ ພົບ​ສົບນັກ​ປີນ​ເຂົາ 3 ສົບ ຖືກ​ແຊ່​​ແຂງ​ຢູ່​ເທິງ​ພູ​ເຂົາ​ໄຟ ຊິ​ມ​ໂບຮາ​ໂຊ ​ເຊິ່ງ​​ເປັນ​ພູ​ເຂົາ​ທີ່​ສູງ​ທີ່​ສຸດ​ໃນ​ປະ​ເທດ​ເມື່ອ ວັນ​ທີ 22 ທີ່​ຜ່ານ​ມາ​ນີ້ ​ໂດຍ​ເຈົ້າຫນ້າ​ທີ່​ ​ເອກົວ​ດຼໍ ກຳ​ລັງ​ພິສູດ​ວ່າ ສົບ​ທີ່​ພົບ​ແມ່ນ​ນັກ​ປີນ​ເຂົາ​ຊາວ​ຝຣັ່ງທີ່​ເສຍ​ຊີວິດ​​ໃນ​ເຫດການ​ຫິມະ​ຖະລົ່​ມ​ເມື່ອ 20 ປີ​ກ່ອນ.

ຂ່າວ​ລະບຸ​ວ່າ ພູ​ເຂົາ​ໄຟ ຊິ​ມ​ໂບຮາ​ໂຊ ມີ​ຄວາ​ມສູງ 6,268 ມ. ຂະນະ​ທີ່​ສົບ​ຖືກ​ພົບ​ເທິງ​ພູ​ເຂົາ​ໄຟ​ທີ່​ຄວາມ​ສູງ 5,650 ມ. ​ໂດຍສະພາບ​ສົບ​ຍັງ​ສວມ​ກະ​ເປົ໋າ​ເປ້ ​ແລະ ​ເຈົ້າ​ຫນ້າ​ທີ່​ຫວັງ​ວ່າ​ກ້ອງ​ຖ່າຍ​​ເຈີທີ່​ພົບ​ໃນ​ສຳພາລະ​ຂອງ​ພວກ​ເຂົາ​ຈະ​ຊ່ວຍ​ລະບຸ​ຕົວ​ຕົນ​ຂອງ​ສົບ​ເ​ຫລົ່ານັ້ນ ລວມ​ເຖິງ​ບອກ​ໄດ້​ວ່າ​ເກິ​ດຫຍັງ​ຂຶ້ນ​ກັບ​ພວກ​​ເຂົາ​ໄດ້.

ທັງ​ນີ້​ເມື່ອ​ປີ 1994 ນັກ​ປີນ​ເຂົາ​ຊາວ​ຝຣັ່ງ 7 ຄົນ ​ແລະ ຄົນ​ແນະ​ນຳ​ທາງ​ຊາວ​ເອກົວ​ດຼໍອີກ 3 ຄົ​ນ ຫາຍ​ຕົວເທິງ​ພູ​ເຂົາ​ໄຟ ຊິ​ມ​ໂບຮາ​ໂຊ ຫລົງ​ປະສົບ​ເຫດ​ຫິມະ​ຖະລົ່​ມ ​ແລະ ຮອດ​ຕອນ​ນີ້​ກໍ່​ສາມ​ມາດ​ຫາ​ສົບ​ພວກ​ເຂົາ​​​ເຫັນ.

...................................................................................................................................................................................................................