ໃຊ້ຊີວິດໃຫ້ມ່ວນ ເຄັດລັບຕໍ່ອາຍຸຍືນ ເຮັດຕາມໄດ້ຜົນແນ່ນອນ !

 

ຄໍາວ່າຄວາມສຸກສ້າງເມື່ອອາຍຸເທົ່າໃດກໍ່ບໍ່ສວຍ ເຄັດລັບການມີອາຍຸຍືນແບບສະມາດ ແລະ ອາລົມດີ ຕ້ອງມີຫຍັງແດ່?

ແນ່ນອນວ່າບໍ່ມີໃຜຢາກແກ້ ແຕ່ເຮົາຄົງຈະຫ້າມບໍ່ໄດ້ ສິ່ງທີ່ຕ້ອງເຮັດກໍ່ຄື ຄວນວາງແຜນວ່າ ເຮົາຈະແກ່ແບບໃດໃຫ້ສຸຂະພາບດີ

ອາຫານດີ ເປັນປັດໃຈສໍາຄັນຂອງການມີສຸຂະພາບທີ່ດີ ຜູ້ສູງອາຍຸທີ່ແຂງແຮງສ່ວນໃຫຍ່ມັກຕອບຄືກັນວ່າຈະເລືອກກິນອາຫານ ຫຼື ບໍ່ເຮັດອາຫານກິນເອງ ແລະ ປັດຈຸບັນນີ້ໂຣກທີ່ຄົນສ່ວນໃຫຍ່ມັກເປັນສ່ວນໜຶ່ງເກີດຈາກການກິນທັງນັ້ນ ດັ່ງນັ້ນຄໍາກ່ວາທີ່ວ່າ ອາຫານເປັນຢາ ນັ້ນຍັງໃຊ້ໄດ້ຈົນເຖິງທຸກວັນນີ້ ສໍາລັບຄົນທີ່ຢູ່ໃນສັງຄົມໃນເມືອງແລ້ວ ເລື່ອງນີ້ເປັນເລື່ອງທີ່ເຮັດໄດ້ຍາກຫຼາຍ ຢ່າງໃດກໍ່ຕາມ ເບື້ອງຕົ້ນຂອງຈຸດເລີ່ມຕົ້ນຂອງອາຫານດີຄືການກິນອາຫານໃຫ້ຄົບ 5 ໝູ່ ທຸກວັນ ແລະ ດື່ມນໍ້າຢ່າງນ້ອຍມື້ລະ 8 ຈອກຮ່ວມກັບການພັກຜ່ອນໃຫ້ພຽງພໍ

ອອກກໍາລັງກາຍ ຮ່າງກາຍຂອງຄົນເຮົານັ້ນຖືກອອກແບບມາໃຫ້ເຮັດວຽກ ແລະ ຂະຫຍັບຢູ່ສະເໝີ ຖ້າເມື່ອໃດເຮົາຢຸດຂະຫຍັບຮ່າງກາຍຈະຄ່ອຍໆເຊື່ອມຖອບລົງທັນທີ ໂດຍສະເພາະໃນຜູ້ສູງອາຍຸຮ່າງກາຍຈະລີບຕົວລົງຢ່າງໄວວາຫາກບໍ່ໄດ້ໃຊ້ງານ ດັ່ງນັ້ນ ເຮົາຕ້ອງອອກກໍາລັງກາຍ ແລະ ທີ່ສໍາຄັນຕ້ອງອອກກໍາລັງກາຍແຕ່ວັນນີ້ ບໍ່ແມ່ນຖ້າໃຫ້ກະສຽນມາຮອດແລ້ວຈຶ່ງຄ່ອຍຄິດ ຖ້າຍັງຄິດບໍ່ອອກວ່າຈະຫຼິ້ນກິລາປະເພດໃດດີກໍ່ເຖິງເວລາທີ່ຕ້ອງອອກໄປສໍາຫຼວດຕາມສວນສາທາລະນະ ແລະ ການຢູ່ໃນອາກາດທີ່ດີ ຖ່າຍເທສະດວກບວກກັບການຂະຫຍັບຮ່າງກາຍຕະຫຼອດຕໍ່ເນື່ອງຢ່າງນ້ອຍອາທິດລະ 3 ມື້ ມື້ລະ 20 ນາທີຢ່າງຕໍ່ເນື່ອງ ຫາກເຮັດເປັນປະຈໍາຈະເຮັດໃຫ້ຮ່າງກາຍແຂງແຮງ

ອາລົມດີ ຜູ້ສູງອາຍຸທີ່ແຂງແຮງມັກມີອາລົມດີ ມີອາລົມຕະຫຼົກ ບໍ່ຄິດຫຼາຍ ເພາະຄວາມຄຽດເປັນຕົວກໍ່ໂຣກທີ່ສໍາຄັນເຮັດໃຫ້ລະບົບຕ່າງໆ ຂອງເຮົາອ່ອນເພຍລົງ ຖ້າມື້ໃດຮູ້ສຶກວ່າອາລົມບໍ່ດີ ອາດຈະລອງຝືນຍິ້ມລອງເບິ່ງ ເຮັດໃຫ້ຈິດໃຈສະບາຍ ແຈ່ມໃສ ບໍ່ຄຽດ ຫາວຽກອະດີເຣກເຮັດ ເຊັ່ນ ລ້ຽງຫຼານ ຫຼື ໄປຍ່າງຫຼີ້ນກັບກຸ່ມໝູ່ເພື່ອນເປັນຕົ້ນ