ໃຈມາແລ້ວ!! ຮາເມສກຽມໄປຜີ

 

ອີເອສພີເອັນ ສື່ກິລາຊື່ດັງປ່ອຍຂ່າວ ຮາເມສ ໂຣດຣິເກດ ມິດຟິວຈາກ ເຣອັນ ມາດຣິດ ຢາກໄປຢູ່ກັບ ແມນເຊສເຕີ ຢູໄນເຕັດ ຈົນຈະບີບໃຫ້ເກີດການຍ້າຍທີມໃຫ້ໄດ້ເຖິງວ່າ “ລາຊາຊຸດຂາວ” ຈະບໍ່ຢາກປ່ອຍນັກເຕະກໍຕາມ.

 

ຮາເມສ ໂຣດຣິເກດ ກອງກາງຂອງ ເຣອັນ ມາດຣິດ ສະໂມສອນດັງຈາກວົງການ ລາ ລີກາ ສະເປນ ຢາກຍ້າຍໄປຢູ່ກັບ ແມນເຊສເຕີ ຢູໄນເຕັດ ໃນຊ່ວງຊຳເມີນີ້ ຕາມການລາຍງານຂອງ ອີເອສພີເອັນ ສື່ກິລາລະດັບໂລກເມື່ອວັນພະຫັດທີ່ຜ່ານມາ.

ລະດູການນີ້ມິດຟິວເລືອດໂຄລຳເບຍບໍ່ສາມາດຍຶດຕຳແໜ່ງຕົວຈິງໃນທີມໄດ້ໂດຍທີ່ ຊີເນດີນ ຊີດານ ນາຍໃຫຍ່ເລືອດຝຣັ່ງມັກໃຊ້ງານ ລູຄັສ ບາສເກດ, ເຄເຊ ໂຣດຣິເກດ ແລະ ຄາເຊມິໂຣ ຫຼາຍກວ່າຈົນເຮັດໃຫ້ເຂົາມີຂ່າວລືເລື່ອງການຍ້າຍທີມຢ່າງຕໍ່ເນື່ອງ.

 

ທັງນີ້ກ່ອນໜ້ານີ້ມີລາຍງານວ່າ ເຣອັນ ມາດຣິດ ຍັງບໍ່ພ້ອມທີ່ຈະປ່ອຍ ຮາເມສ ອອກຈາກຖິ່ນຫຼັງຈົບລະດູການນີ້ແຕ່ຫຼ້າສຸດ ອີເອສພີເອັນ ປ່ອຍຂ່າວວ່ານັກເຕະພະຍາຍາມບີບໃຫ້ເກີດການຍ້າຍທີມເພື່ອໄປຢູ່ກັບ “ຜີສາດແດງ”.