ໃກ້ແລ້ວ!! ຫົງຈໍ່ລົມຊັກຕາໄດ້ສຳເລັດ

 

ເອເອັສພີເອັນ ບາຊິວ ສື່ຂອງ ບາຊິວ ຕີຂ່າວ ລີເວີພູໃຫ້ທີ່ຈະໄດ້ສົນທະນາເລື່ອງຊື້ ອະເລັກ ເຕເຊລາ ມິດຟິວເລືອດແຊມບາກັບທາງ ຊັກຕາ ໂດເນັດ ແລ້ວໂດຍເຊື່ອວ່າ “ຫົງແດງ” ຈະພ້ອມທີ່ຈະໃຫ້ຄ່າໂຕໃກ້ກັບ 50 ລ້ານຢູໂຣ ຕາມທີ່ຕົ້ນສັງກັດຂອງ ເຕເຊລາ ຕ້ອງການ.

 

ລີເວີພູ ສະໂມສອນຊັ້ນນຳຈາກ ພຣີເມຍລີກ ອັງກິດ ໃກ້ທີ່ຈະເສັດສິ້ນການເຈລະຈາກັບ ຊັກຕາ ໂດເນັດ ທີມດັງໃນລີກສູງສຸດຂອງປະເທດຢູເຄນ ເຖິງເລື່ອງການຂໍຊື້ ອະເລັກ ເຕເຊລາ ກອງກາງບາຊິວລຽນແລ້ວຕາມການລາຍງານຂອງ ອີເອສພີເອັນ ບາຊິວ ສື່ທີ່ມີຄວາມໜ້າເຊື່ອຖືສູງສຸດຂອງປະເທດບາຊິວ.

ຕະຫຼອດຫຼາຍມື້ທີ່ຜ່ານມາ ເຕເຊລາ ຕົກເປັນຂ່າວກັບທັງ ລີເວີພູ ແລະ ເຊວຊີ ເຊິ່ງຊ່ວງຫຼັງລືກັນວ່າ “ຫົງແດງ” ຄືທີມທີ່ເດີນເລື່ອງຈິງຈັງຫຼາຍທີ່ສຸດ ແລະ ຢາກໄດ້ກອງກາງຄົນເກັ່ງຂອງ ຊັກຕາ ໂດເນັດ ມາຮ່ວມທີມໃນຕະຫຼາດຊື້ຂາຍນັກເຕະຮອບສອງຊ່ວງເດືອນມັງກອນນີ້.

 

ທັງນີ້ ກ່ອນໜ້ານີ້ມີລາຍງານວ່າ ຊັກຕາ ປະຕິເສດຂໍ້ສະເໜີຮອບສອງຂອງ ລີເວີພູ ໄປແລ້ວແຕ່ວ່າການເຈລະຈາໂດຍລວມຍັງບໍ່ລົ້ມ ໂດຍກ່ອນໜ້ານີ້ “ຫົງແດງ” ຍື່ນຂໍ້ສະເໜີໄປທີ່ 32 ລ້ານຢູໂຣແຕ່ຕົ້ນສັງກັດກຳລັງຢືດເວລາເພື່ອໃຫ້ໄດ້ເງິນ 50 ລ້ານຢູໂຣເຊິ່ງ ອີເອສພີເອັນ ບາຊິວ ຕີຂ່າວວ່າທີມຂອງນາຍໃຫຍ່ ເຈີເກັນ ຄັອບ ຈະຍອມໃຫ້ເງິນໃກ້ຄຽງກັບລະດັບນັ້ນ.