ໃກ້ແລ້ວ!!ຮິກວາອິນກຽມເຂົ້າກວດຮ່າງກາຍກັບມ້າລາຍ

 

ກອນຊາໂລ ຮິກວາອິນ ດາວຍິງຂອງ ນາໂປລີ ຈໍ່ກາຍເປັນສະມາຊິກໃໝ່ຂອງ ຢູເວັນຕຸດ ແລ້ວເມື່ອຫຼ້າສຸດເຂົາກຽມຕົວເຂົ້າຮັບການກວດຮ່າງກາຍກັບ “ມ້າລາຍ” ແລ້ວ.

 

ກອນຊາໂລ ຮິກວາອິນ ກອງໜ້າຄົນເກັ່ງຂອງ ນາໂປລີ ສະໂມສອນດັງຂອງ ກັນໂຊ ຊີຣີ ອາ ຕົກເປັນຂ່າວເມື່ອວັນເສົາທີ່ຜ່ານມາວ່າກຳລັງຈະເຂົ້າຮັບການກວດຮ່າງກາຍກັບ ຢູເວັນຕຸດ ສະໂມສອນຄູ່ແຂ່ງຮ່ວມລີກ ຫຼັງຈາກທີ່ທັງສອງສະໂມສອນຕົກລົງຄ່າໂຕຂອງນັກເຕະກັນໄດ້ຮຽບຮ້ອຍ.

 

ກ່ອນໜ້ານີ້ ສະກາຍ ສະປອດ ອີຕາເລຍ ສື່ກິລາຊັ້ນນຳຂອງອີຕາລີລະບຸວ່າ ຢູເວັນຕຸດ ຕົກລົງທີ່ຈະຈ່າຍເງິນກ້ອນໃຫຍ່ 94 ລ້ານເອີໂຣໄປໃຫ້ກັບ ນາໂປລີ ເພື່ອແລກກັບການດຶງຫົວຫອກທີມຊາດອາເຈັນຕິນາມາຮ່ວມທີມ ໂດຍຈະເປັນການຈ່າຍໃຫ້ເທື່ອລະໜ້ອຍເປັນເວລາ 2 ປີ.

 

ທັງນີ້ ຮິກວາອິນ ເຊິ່ງເຄີຍມີຂ່າວກັບ ອາເຊນອນ ລົງຫຼິ້ນໃຫ້ກັບ ນາໂປລີ ທັງໝົດ 146 ນັດຍິງໄດ້ 91 ລູກຕະຫຼອດໄລຍະເວລາ 3 ປີທີ່ຢູ່ໃນຖິ່ນ ສະຕາດິໂອ ຊານ ເປົາໂລ.