ໃກ້ແລ້ວ!!ຊານໂດຣໂອເຄເງື່ອນໄຂສິງ

 

ກັນໂຊແມັກຄາໂຕ້ ສື່ຂອງອີຕາລີຕີຂ່າວວ່າ ອະເລັກ ຊານໂດຣ ຟູແບັກຂອງ ຢູເວັນຕຸດ ຕົກລົງເງື່ອນໄຂຕ່າງໆກັບ ເຊວຊີ ໄດ້ແລ້ວຫຼັງຈາກທີ່ຈະໄດ້ຄ່າເມື່ອຍເຖິງ 6 ລ້ານປອນຕໍ່ປີ.

ອະເລັກ ຊານໂດຣ ແບັກຊ້າຍເລືອດແຊມບາຂອງ ຢູເວັນຕຸດ ສະໂມສອນຍັກໃຫຍ່ຂອງ ກັນໂຊ ຊີຣີ ອາ ອີຕາລີບັນລຸຂໍ້ຕົກລົງສ່ວນຕົວກັບ ເຊວຊີ ທີມດັງໃນ ພຣີເມຍລີກ ໄດ້ແລ້ວຕາມການລາຍງານຂອງ ກັນໂຊແມັກຄາໂຕ້ ສື່ຂອງແດນກະໂລນີ.

ເຊວຊີ ໃຫ້ຄວາມສົນໃຈ ຊານໂດຣ ມາໄດ້ດົນພໍປະມານແລ້ວໂດຍພວກເຂົາເຄີຍຍື່ນຂໍ້ສະເໜີໄປທີ່ 45 ລ້ານປອນແຕ່ກໍຖືກປະຕິເສດຢ່າງທັນຄວັນ ຢ່າງໃດກໍຕາມ ເຊວຊີ ກໍຍອມເພາະມີຂ່າວອອກມາວ່າພວກເຂົາກຽມຍື່ນຂໍ້ສະເໜີອີກຄັ້ງ.

ທັງນີ້ ກັນໂຊແມັກຄາໂຕ້ ເຜີຍວ່າມັນມີການເຈລະຈາລະຫວ່າງ ເຊວຊີ ກັບ ຊານໂດຣ ໄປແລ້ວ ແລະ ຕົວນັກເຕະກໍຖືກໃຈແລ້ວເພາະທີມດັງຈາກ ສະແຕມຝອດ ບຣິດ ສະເໜີທີ່ຈະໃຫ້ຄ່າເມື່ອຍເຂົາເຖິງ 6 ລ້ານປອນຕໍ່ປີ ໂດຍຕອນນີ້ເຂົາກໍປະຕິເສດສັນຍາສະບັບໃໝ່ທີ່ ຢູເວ ຍື່ນໃຫ້ແລ້ວ.