ໃກ້ມາຜີແລ້ວ!!ມາຕິດກຽມເຂົ້າກວດຮ່າງກາຍໃນອີກ 48 ຊົ່ວໂມງ

 

ເດິ ຊັນ ສື່ຂອງອັງກິດຕີຂ່າວ ເນມານຢາ ມາຕິດ ມິດຟິວຂອງ ເຊວຊີ ຈະເຂົ້າຮັບການກວດຮ່າງກາຍກັບ ແມນ ຢູໄນເຕັດ ພາຍໃນ 48 ຊົ່ວໂມງຕໍ່ຈາກນີ້ ສ່ວນຄ່າຕົວຢູ່ທີ່ 40 ລ້ານປອນ.

ເນມານຢາ ມາຕິດ ກອງກາງເລືອດເຊີບຂອງ ເຊວຊີ ສະໂມສອນຍັກໃຫຍ່ຂອງ ພຣີເມຍລີກ ຈະເດີນທາງໄປຮັບການກວດຮ່າງກາຍກັບ “ຜີສາດແດງ” ແມນເຊສເຕີ ຢູໄນເຕັດ ໃນອີກ 48 ຊົ່ວໂມງຕໍ່ຈາກນີ້ ຕາມການລາຍງານຂອງ ເດິ ຊັນ ສື່ຊື່ດັງຂອງເມືອງຜູ່ດີ.

ແມນ ຢູໄນເຕັດ ຕົກເປັນຂ່າວໃຫ້ຄວາມສົນໃຈໃນຕົວ ມາຕິດ ມາໄດ້ໄລຍະໜຶ່ງແລ້ວ ຫຼັງຈາກທີ່ແຊມລີກສູງສຸດເມືອງຜູ່ດີ 20 ສະໄໝ ຕ້ອງການເຂົາມາເປັນທາຍາດຂອງ ໄມເຄິນ ຄາຣິກ ມິດຟິວຈອມເກົ໋າທີ່ຈະມີອາຍຸ 36 ປີໃນວັນທີ 28 ກໍລະກົດນີ້ ເຊິ່ງລືກັນວ່າ ເຊວຊີ ກໍກຳນົດໃຫ້ ຕິເອມູເອ ບາກາໂຢໂກ ກອງກາງ ອາແອສ ໂມນາໂກ ເປັນຕົວຕາຍຕົວແທນຂອງດາວເຕະດີກຣີທີມຊາດເຊີເບຍແລ້ວ.

ຈົນຫຼ້າສຸດ ເດິຊັນ ເຜີຍຂ່າວວ່າ ມາຕິດ ໃກ້ທີ່ຈະໄດ້ກັບມາຮ່ວມງານກັບ ມູຣິນໂຢ ຜູ່ຈັດການທີມ ແມນ ຢູໄນເຕັດ ອີກຄັ້ງແລ້ວ ໂດຍຄ່າຕົວຈະຢູ່ທີ່ 40 ລ້ານປອນ ຂະນະທີ່ແຄ່ງອາຍຸ 28 ປີຈະໄດ້ຄ່າເມື່ອຍ 155,000 ປອນຕໍ່ອາທິດ ຢ່າງໃດກໍຕາມຄາດກັນວ່າການເຮັດຂໍ້ຕົກລົງຈະສຳເລັດຊ້າກວ່າທີ່ຄາດກັນໄວ້ ເພາະວ່າຕອນນີ້ ມູຣິນໂຢ ຍັງຢູ່ທີ່ປະເທດປັອກຕຸຍການຫຼັງຈາກທີ່ະພໍ່ຂອງເຂົາຫາກໍເສຍຊີວິດເມື່ອວັນອາທິດທີ່ຜ່ານມາ.