ໂອໂຊນ ແມ່ນຫຍັງ?

ໂອໂຊນ (Ozone ຫຼື O3) ຄືກ໊າສທີ່ປະກອບໄປດ້ວຍອອກຊິ​ແຊນ 3 ອະຕອມ​ເຊິ່ງທຸກໆ 10 ລ້ານໂມເລກຸນໃນບັນຍາກາດທີ່ຄວາມສູງລະດັບ 10-50 ກິໂລ​ແມັດຈະພົບວ່າມີໂອໂຊນຢູ່ທີ່ປະມານ 3 ໂມເລກຸນເທົ່ານັ້ນ ແລະ ໂອໂຊນນີ້ເອີ້ນວ່າເປັນກ໊າສອອກຊິ​ແຊນທີ່ ມີພະລັງ​ເຊິ່ງມີລິດໃນການຄ່າເຊື້ອໂລກທີ່ລຸນແຮງໄດ້ດີກວ່າຄໍລີນຫຼາຍເຖິງ 3,125 ເທົ່າເລີຍທີດຽວໂດຍໂອໂຊນນີ້ຈະເຮັດການແຍກຍ່ອຍສະຫຼາຍຂອງໂມເລກຸນໃນສານປົນເປື້ອນຕ່າງໆ ແລະ ແມ້ວ່າໂອໂຊນຈະເປັນກ໊າສທີ່ມີໂຄງສ້າງບໍ່ສະຖຽນແຕ່ເມື່ອແປສະພາບກັບໄປເປັນກ໊າຈອອກຊິເຈນແລ້ວກໍບໍ່ເປັນອັນຕະລາຍໃດໆ ບໍ່ວ່າຈະທັງກັບຄົນ, ສັດ ຫຼື ທໍາມະຊາດສິ່ງແວດລ້ອມຕ່າງໆເຮັດໃຫ້ ມີການນໍາໂອໂຊນມາໃຊ້ກັນຢ່າງຫຼາກຫຼາຍບໍ່ວ່າຈະເປັນເຄື່ອງປັບອາກາດ ຫຼື ເຄື່ອງຟອກອາກາດເປັນຕົ້ນ.

ໂອໂຊນເກີດຂຶ້ນໄດ້​ແນວ​ໃດແດ່?

-ເກີດຈາກກະແສໄຟຟ້າແຮງສູງໃນອາກາດຢ່າງແສງອາທິດ, ຟ້າແມບ ຫຼື ຟ້າຜ່າເປັນຕົ້ນໂດຍຈະມີຮັງສີຍູວີທີ່ຄອຍປ່ຽນໂຄງສ້າງຂອງອອກຊິເຈນໃຫ້ເປັນ O3

-ຄວາມເຂັ້ມຂົ້ນຂອງໂອໂຊນສູງຈາກການໃຊ້ສະຫນາມແມ່ເຫລໍກໄຟຟ້າທີ່ມີຄວາມຖີ່ສູງ

-ການໃຊ້ຮັງສີຍູວີຈະສ້າງກ໊າສໂອໂຊນໃຫ້ມີຄວາມເຂັ້ມຂຸ້ນທີ່ບໍ່ສູງຫຼາຍນັກ ຫຼື ໃນຊ່ວງຄື້ນ 185 ນາໂນ​ແມັດ

-ເຮົາສາມາດຜະລິດໂອໂຊນຂຶ້ນເອງໄດ້ຈາກອາກາດທົ່ວໄປ ແລະ ໄຟຟ້າ.

ປະໂຫຍດຂອງໂອໂຊນມີຫຍັງແດ່?

-ຊ່ວຍກໍາຈັດກິ່ນ​ເໝັນ​ອັບບໍ່ພຶງປະສົງໄດ້ຢ່າງວ່ອງໄວ ແລະ ດີຫຼາຍ.

-ຊ່ວຍຍັບຍັ້ງ ແລະ ທຳລາຍການຈະເລີນເຕີບໂຕຂອງເຊື້ອໂລກຕ່າງໆໄດ້ຢ່າງວ່ອງໄວໂດຍສະ​ເພາະກັບເຊື້ອແບັກທີເລຍ.

-ຊ່ວຍໃຫ້ອາກາດບໍລິສຸດສະຫຼາຍກ໊າສພິດຕ່າງໆອອກໄປໄດ້ດີ.

-ຊ່ວຍໃນການຟອກສີ ແລະ ບໍາບັດນໍ້າເສຍໃຫ້ນໍ້າສະອາດ ແລະ ໃສຂຶ້ນ.

-ບໍ່ກໍ່ໃຫ້ເກີດສານພິດຕົກຄ້າງໃນອາກາດ.

ອັນຕະລາຍຂອງໂອໂຊນມີແມ່ນຫຍັງແດ່?

-ອາດເກີດອັນຕະລາຍແກ່ປອດໄດ້ໂດຍເສພາະໃນເດັກທີ່ລະບົບພູມຕ້ານທານຍັງບໍ່ແຂງແຮງພຽງພໍ.

-ອາດເກີດຜົນເສຍ ຫຼື ອັນຕະລາຍແກ່ລະບົບພັນທຸກໍາ ຫຼື ອະໄວຍະວະສືບພັນໄດ້.

-ຫາກມີປະລິມານໂອໂຊນສູງຫຼາຍເກີນໄປຈະກໍ່ໃຫ້ເກີດເປັນກ໊າສພິດທີ່ສົ່ງຜົນເສຍຕໍ່ສຸຂະພາບ.

-ຫາກມີການສໍາຜັດໂອໂຊນໃນຮູບຂອງຂອງເຫລວທີ່ຄວາມເຂັ້ມຂຸ້ນສູງບໍລິເວນດວງຕາ ຫຼື ຜິວໜັງອາດກໍ່ໃຫ້ເກີດການລະຄາຍເຄືອງເຮັດໃຫ້ຮູ້ສຶກປວດແສບປວດຮ້ອນໄດ້ໄປຈົນເຖິງອາການໄຫມ້ທີ່ຮຸນແຮງຂຶ້ນໄດ້.

-ອາດກໍ່ໃຫ້ເກີດຜົນຂ້າງຄຽງຢ່າງ​ເຈັບຫົວ, ແໜ້ນທ້ອງ, ​ເຈັບທ້ອງ, ຄື້ນໄສ້ອາຈຽນ ຫຼື ແໜ້ນຫນ້າ​ເອິກເປັນຕົ້ນ.