ໂອເຄຊີໄລ່ທຸບຊາຄລາເມັນໂຕຂາດລອຍ 110-94

 

“ໂອກລາໂຮມາ ຊີຕີ ທັນເດີ” ຮັກສາຟອມໂຫດໃນບ້ານເອົາໄວ້ໄດ້ຢ່າງຕໍ່ເນື່ອງຫຼ້າສຸດໄລ່ທຸບ “ຊະຄລາເມນໂຕ ຄິງສ໌” ໄປໄດ້ຢ່າງເມົາມັນ 110 – 94 ໃນ ເອັນບີເອ ຖະລົ່ມບ້ວງ.

 

ການແຂ່ງຂັນບາດສ໌ເກັດບອນ ເອັນບີເອ ສະຫະລັດອາເມລິກາ ລະດູການ 2016-2017 ປະຈຳວັນອາທິດທີ່ 19 ມີນາ ຕາມເວລາໃນບ້ານເຮົາ ຄູ່ທີ່ໜ້າສົນໃຈ “ໂອເຄຊີ” ໂອກລາໂຮມາ ຊີຕີ ທັນເດີ ທີ່ຍັງບໍ່ປລາໄຊໃຫ້ໃຜມາ 4 ເກມກ່ອນໜ້ານີ້ເປີດຮັງ ເຊຊາພີກ ອາຣິນາ ຮັບການມາຢາມຂອງ ຊາຄລາເມນໂຕ ຄິງສ໌ ທີມດັງຮ່ວມສາຍຕະເວັນຕົກ.

 

ເປີດສາກຄວາເຕີທຳອິດມາເຈົ້າບ້ານເລີ່ມເກມໄດ້ຢ່າງຮ້ອນແຮງອອກນຳໄປກ່ອນ 29 – 19 ຖັດມາໃນຄວາເຕີທີ 2 ໂອກລາໂຮມາ ຍັງຮັກສາຄວາມໄດ້ປຽບດ້ວຍການໜີຮ່າງອອກໄປ 63 – 41.

 

ຄວາເຕີທີ 3 ຊາຄລາເມນໂຕ ຍັງບໍ່ຍອມງ່າຍໆເລັ່ງເຄື່ອງເຮັດແຕ້ມໄລ່ຂຶ້ນມາທີ່ 85 – 65 ແລະ ໃນຄວາເຕີສຸດທ້າຍເຖິງວ່າທີມຢາມຈະມາເກັບເພີ່ມອີກ 29 ຄະແນນແຕ່ກໍບໍ່ສາມາດໄລ່ມາທັນເປັນຜູ້ຊະນະໄດ້.

 

ເຮັດໃຫ້ຈົບເກມ ໂອກລາໂຮມາ ຊີຕີ ທັນເດີ ເປີດບ້ານເອົາຊະນະ ຊາຄລາເມນໂຕ ຄິງສ໌ ໄປໄດ້ຢ່າງມັນ 110 – 94 ເກັບໄຊຊະນະເປັນເກມທີ 5 ຕິດຕໍ່ກັນຢ່າງເກັບຕຳແໜ່ງຮອງຈ່າຝູງສາຍຕາເວັນຕົກສຽງເໜືອຕໍ່ໄປ.

 

ສຳລັບຜູ້ຫຼິ້ນທັອບຟອມຂອງທັງສອງທີມ ໂອກລາໂຮມາ ໄດ້ແກ່ ຣັສເຊວ ເວດສ໌ບຣຸກ ຊັດໄປ 28 ແຕ້ມ 8 ຣີບາວ ກັບ 10 ແອສຊິດ ຂະນະທີ່ ຊະຄລາເມັນໂຕ ໄດ້ແກ່ ຈໍຈອສ ປາປາຈິອັນນິສ ເຮັດໄປ 14 ແຕ້ມ 11 ຣີບາວ ແລະ 1 ແອັສຊິດ.