ໂອບາເມຢອງເຜີຍເຮືອໃບຈີບໄປເສີມທັບ

 

ປີແອ-ເອເມີຣິກ ໂອບາເມຢອງ ຫົວຫອກຂອງ “ເສືອເຫຼືອງ” ເຜີຍວ່າຕົນເອງຖືກ “ເຮືອໃບສີຟ້າ” ແມນຊີຕີ້ແອບທາບທາມໄປຮ່ວມທັບໂດຍການພົບປະສົນທະນາກັບບິດາຕົນເມື່ອຊ່ວງຊຳເມີທີ່ຜ່ານມາ.

 

ປີແອ-ເອເມີຣິກ ໂອບາເມຢອງ ຫົວຫອກຂອງ ໂບຣຸສເຊຍ ດອດມຸນ ສະໂມສອນຍັກໃຫຍ່ຂອງ ບຸນເດສລີກາ ອອກມາເປີດເຜີຍວ່າ ແມນເຊສເຕີ້ ຊີຕີ້ ທີມດັງໃນ ພຣີເມຍລີກ ໄດ້ເຮັດການຕິດຕໍ່ກັບພໍ່ຂອງເຂົາເພື່ອສອບຖາມເຖິງເລື່ອງຄວາມເປັນໄປໄດ້ໃນການດຶງເຂົາໄປຮ່ວມທີມໃນຊ່ວງຊຳເມີທີ່ຜ່ານມາຫຼັງຈາກທີ່ລະດູການກ່ອນຫົວຫອກທີມຊາດກາບອງລະເບີດຟອມໂດຍການຍິງ 39 ເມັດລວມທຸກລາຍການຈົນໄດ້ຮັບຄວາມສົນໃຈຈາກຫຼາຍທີມຍັກໃຫຍ່ທົ່ວທະວີບເອີຣົບ.

 

ຫົວຫອກຂອງ “ເສືອເຫຼືອງ” ເຜີຍວ່າ “ມັນເປັນເລື່ອງແທ້ ມີການຕິດຕໍ່ກັນ ພໍ່ຂອງຂ້ອຍໄດ້ມີການສົນທະນາກັບສະໂມສອນນັ້ນ (ແມນຊີຕີ້) ແຕ່ສຸດທ້າຍມັນກໍບໍ່ມີຫຍັງເກີດຂຶ້ນ ແລະ ຂ້ອຍຄິດວ່າມັນມີຄວາມສົນໃຈເຂົ້າມາຈາກ ເຣອັນ ມາດຣິດ ພ້ອມແຕ່ເລື່ອງນີ້ມັນຍັງຫ່າງໄກກັບຄວາມເປັນຈິງ ດັ່ງນັ້ນຂ້ອຍຈຶ່ງບໍ່ໄດ້ຮູ້ສຶກເຫຼີງໄປກັບສິ່ງທີ່ເກີດຂຶ້ນແຕ່ຢ່າງໃດ”.