ໂຫດແທ້!!ເອັມບັບເປເດັກສຸດຍິງໃນລີກເຖິງ 13 ເມັດ

 

ຄີລຽນ ເອັມບັບເປ ຫົວຫອກອະນາຄົດໄກຂອງ ໂມນາໂກ ທຸບສະຖິຕິນັກເຕະອາຍຸນ້ອຍທີ່ສຸດໃນຮອບ 30 ປີທີ່ຍິງໃນ ລີກແອັງ ໄດ້ 13 ປະຕູໂດຍສະຖິຕິເກົ່າເປັນຂອງ ເທຍຣີ ອັອງຣີ ອະດີດກອງໜ້າເລືອດນຳ້ຫອມ.

 

ຄີລຽນ ເອັມບັບເປ ກອງໜ້າດາວລຸ້່ງຂອງ ອາແອສ ໂມນາໂກ ສ້າງສະຖິຕິເປັນນັກເຕະທີ່ອາຍຸນ້ອຍທີ່ສຸດໃນຮອບ 30 ປີທີ່ຍິງປະຕູໃນ ລີກແອັງ ຝຣັ່ງ ໄດ້ເຖິງ 13 ປະຕູດ້ວຍອາຍຸພຽງ 18 ປີກັບອີກ 3 ເດືອນຫຼັງຈາກທີ່ຫຼ້າສຸດຍິງ 2 ເມັດຈົນຊ່ວຍໃຫ້ຕົ້ນສັງກັດບຸກໄປຊະນະ ກັອງ 3-0 ເມື່ອວັນອາທິດທີ່ຜ່ານມາ.

 

ສຳລັບເຈົ້າຂອງສະຖິຕິເກົ່າແມ່ ເທຍຣີ ອັອງຣີ ຕຳນານດາວຍິງນຳ້ຫອມທີ່ເຄີຍເຮັດໄວ້ຕອນອາຍຸ 19 ປີກັບອີກ 3 ເດືອນ ໂດຍທີ່ ອັອງຣີ ກໍເຮັດສະຖິຕິດັ່ງກ່າວໄດ້ຕອນຫຼິ້ນໃຫ້ກັບ ໂມນາໂກ ຄືກັນຫຼັງຈາກທີ່ເຂົາເຄີຍຢູ່ກັບທີມດັ່ງກ່າວລະຫວ່າງປີ 1994-1999.

 

ທັງນີ້ 13 ປະຕຸຂອງ ເອັມບັບເປ ມາຈາກລະດູການກ່ອນ 1 ລູກກັບໃນລະດູການນີ້ອີກ 12 ລູກ ໂດຍທີ່ຟອມອັນຮ້ອນແຮງໃນລະດູການຂອງດາວເຕະເລືອດນຳ້ຫອມເຮັດໃຫ້ເຂົາຕົກເປັນທີ່ສົນໃຈຂອງທີມຍັກໃຫຍ່ຫຼາຍທີມເຊັ່ນ ແມນເຊສເຕີ ຢູໄນເຕັດ ແລະ ອາເຊນອນ ເປັນຕົ້ນ.