ໂຣມາເຊັນຢືມໂຕເຊສນີເຝົ້າເສົາອີກລະດູການ

 

ວັອດເຊັກ ເຊສນີ ນາຍທະວານຂອງ ອາເຊນອນ ຖືກ ອາເອສ ໂຣມາ ຢືມໂຕໄປໃຊ້ງານອີກເທື່ອໜຶ່ງໃນລະດູການທີ່ຈະເປີດນີ້ ເຂົາເປີດໂຕວ່າດີໃຈທີ່ໄດ້ຮັບຄວາມໄວ້ວາງໃຈຈາກກຸນຊື ລູຊາໂນ ສະເປົາເລັດຕິ.

 

ອາເອສ ໂຣມາ ສະໂມສອນຍັກໃຫຍ່ຂອງ ກັນໂຊ ຊີຣີ ອາ ເຊັນສັນຍາຢືມໂຕ ວັອດເຊັກ ເຊສນີ ຜູ້ຮັກສາປະຕູຂອງ ອາເຊນອນ ສະໂມສອນຍັກໃຫຍ່ຂອງ ພຣີເມຍລີກ ມາໃຊ້ງານອີກໜຶ່ງລະດູການຮຽບຮ້ອຍແລ້ວເມື່ອວັນທີ 4 ທີ່ຜ່ານມາ.

 

ເຊສນີ ຍ້າຍມາຫຼິ້ນໃຫ້ກັບ ໂຣມາ ແບບສັນຍາຢືມໂຕເມື່ອລະດູການ 2015-2016 ທີ່ຜ່ານມາ ແລະ ກຳລັງເຮັດຜົນງານໄດ້ດີຈາກການລົງຫຼິ້ນເກມລີກ 34 ນັດ ແລະ ຢູຟາ ແຊມປຽນລີກ ອີກ 8 ນັດຈົນຫຼ້າສຸດໄດ້ສັນຍາຢືມໂຕຈາກ ໂຣມາ ອີກເທື່ອໜຶ່ງ.

 

“ຫຼັງຈາກທີ່ມີລະດູການທີ່ດີເມື່ອປີຜ່ານມາແລ້ວ ຂ້ອຍຈຶ່ງມີໂອກາດທີ່ຈະກັບມາທີ່ນີ້ອີກເທື່ອໜຶ່ງ ແລະ ຂ້ອຍເອງກໍມີຄວາມສຸກທີ່ຜູ້ຈັດການທີມຕ້ອງການໂຕຂ້ອຍ” ເຊສນີ ກ່າວ.