ໂມຣັດຕິຫວັງໃຫ້ງູໃຫຍ່ຊື້ປາເຢດເສີມທີມ

 

ມັດຊິໂມ ໂມຣັດຕິ ອະດີດນາຍໃຫຍ່ ອິນເຕີ ມິລານ ຮຽກຮ້ອງທີມເກົ່າໃຫ້ດຶງ ດິມິທຣີ ປາເຢດ ປີກຂອງ ເວສແຮມ ຢູໄນເຕັດ ມາຮ່ວມທັບຫຼັງຈາກທີ່ເຮັດຜົນງານໄດ້ດີໃຫ້ກັບ ເວສແຮມ ເມື່ອລະດູການທີ່ຜ່ານມາ ຮັບຢາກເຫັນແຄ່ງເລືອດນ້ຳຫອມຫຼິ້ນໃນສີເສື້ອຂອງ “ເນຣັສຊູຣີ”.

 

ມັດຊິໂມ ໂມຣັດຕິ ອະດີດປະທານ ອິນເຕີ ມິລານ ສະໂມສອນດັງຂອງ ກັນໂຊ ຊີຣີ ອາ ອອກມາກະຕຸ້ນໃຫ້ທີມເກົ່າເດີນໜ້າດຶງໂຕ ດິມິທຣີ ປາເຢດ ປີກຂອງ ເວສແຮມ ຢູໄນເຕັດ ທີມດັງຈາກເວທີ ພຣີເມຍລີກ ມາເສີມທັບໃນແດນກາງໃຫ້ໄດ້.

ເມື່ອລະດູການກ່ອນກອງກາງອາຍຸ 29 ປີ ເຮັດຜົນງານໄດ້ດີຈົນສະຖາປະນາຕົນເອງກາຍເປັນສະຕາດັງໃນ ພຣີເມຍລີກ ແລະ ຍັງໂຊຟອມເກັ່ງຕໍ່ເນື່ອງໂດຍຍິງ 2 ລູກໃຫ້ທີມຊາດຝຣັ່ງໃນ ຢູໂຣ 2016 ຮອບແບ່ງກຸ່ມນັດທີ່ຊະນະ ໂຣມາເນຍ 2-1 ແລະ ອາວເບເນຍ 2-0 ຂະນະດຽວກັນຈາກການທີ່ “ຊູໜິງ ຄອມເມີດ ກຣຸບ” ບໍລິສັດຍັກໃຫຍ່ຂອງຈີນເຂົ້າໄປເທັກໂອເວີ “ງູໃຫຍ່” ເຮັດໃຫ້ຄາດວ່າ ອິນເຕີ ຈະໄດ້ເງິນກ້ອນໃຫຍ່ໄວ້ເສີມທັບ ແລະ ຫຼ້າສຸດ ໂມຣັດຕິ ຍອມຮັບວ່າຢາກໃຫ້ທີມດຶງ ປາເຢດ ໃຫ້ໄດ້.

 

“ໃນຖານະແຟນບານນັ້ນຂ້ອຍຢາກເຫັນ ປາເຢດ ໃນສີເສື້ອຂອງ ອິນເຕີ ມິລານ ຢ່າງໃດກໍຕາມແຊມປຽນທີ່ດີຍາກທີ່ຈະຊອກເຫັນໃນຕອນນີ້ ແລະ ເຈົ້າຕ້ອງໂຊກດີພໍໃນການຊອກໂອກາດທີ່ເໝາະສົມ ເຮົາຂາດນັກເຕະ 2-3 ຄົນໃນການແຂ່ງຂັນ ສິ່ງສຳຄັນຄືການມີນັກເຕະທີ່ເຊື່ອໃຈໄດ້ເພື່ອໃຫ້ມີຄວາມໝັ້ນໃຈຢ່າງຕໍ່ເນື່ອງ” ອະດີດນາຍໃຫຍ່ “ເນຣັດຊູຣີ” ລະຫວ່າງປີ 1995-2013 ກ່າວກັບ “ເດິ ມິນເລີ” ສື່ດັງແດນຜູ້ດີ.

 

ບົດຄວາມໃຫມ່ໆ