ໂມນາໂກ ໂວ້ຍບໍ່ເຄີຍຄິດດຶງມູຄຸມທີມ

ໂມນາໂກ ລະບຸເອງວ່າ ບໍ່ຄິດທີ່ຈະເອົາ ໂຈເຊ້ ມູລິນໂຢ ນາຍໃຫຍ່ ເຊວຊີ ມາຄຸມທີມເລີຍ ພ້ອມທັງບອກອີກວ່າ ມັນເປັນການໃຫ້ຂ່າວແບບບໍ່ມີຄວາມໜ້າເຊື່ອຖືຂອງ ອາເລັກຊານໂດ ໂປໂຕ້ ຜູ້ຖືຫຸ້ນລາຍຍ່ອຍຂອງທີມເທົ່ານັ້ນ.

ກ່ອນໜ້ານີ້ ອາເລັກຊານໂດ ໂປໂຕ້ ນັກທຸລະກິດຊາວອິຕາລີ ແລະ ຜູ້ຖືຫຸ້ນລາຍຍ່ອຍຂອງ ໂມນາໂກ ບອກວ່າສົນໃຈທີ່ຈະຈ້າງ ມູຮິນໂຢ ເຂົ້າມາເປັນໂຄ້ດຂອງທີມ ຈົນເຖິງຂະນາດບອກວ່າໄດ້ພົບກັບ ໂລມັນ ອບາໂມວິດ ເຈົ້າຂອງທີມ “ສິງຟ້າ” ທີລອນດອນ ເພື່ອພະຍາຍາມດຶງອະດີດນາຍໃຫຍ່ Inter Milan ແລະ Real Mardrid ມາຄຸມທີມນຳ

ທັງນີ້ ມັນເຖິງຂັ້ນມີການລືກັນອີກວ່າ ໂມນາໂກ ໄດ້ຍື່ນຂໍ້ສະເໜີເປັນເງິນສູງເຖິງ 50 ລ້ານປອນ (ປະມານ603.300.000.000) ເພື່ອດິງ ມູຮິນໂຢ ມາເປັນນາຍໃຫຍ່ຂອງ ໂມນາໂກ.