ໂທດໜັກ !! ຈີນອາດປະຫານຊີວິດກັບພະນັກງານລັດ ທີ່ສໍ້ລາດບັງຫຼວງ

ສຳນັກຂ່າວ”ຊິນຫົວ”ຂອງທາງການຈີນລາຍງານວ່າ: ພະນັກງານຂອງລັດຖະບານທີ່ມີຄວາມຜິດໃນການຍັກຍອກເງິນ ຫຼື ຮັບສິນບົນ 3 ລ້ານຢວນ ອາດມີໂທດເຖິງຂັ້ນປະຫານຊີວິດ.
“ຊິນຫົວ”ລາຍງານວ່າ: ສານປະຊາຊົນສູງສຸດ ແລະ ໄອຍະການປະຊາຊົນສູງສຸດ ຂອງຈີນລະບຸໃນຄຳວິນິໄສມື້ນີ້ວ່າ: ໂທດປະຫານຊີວິດນີ້ຈະມີໄວ້ສຳລັບກໍລະນີທີ່ຮ້າຍແຮງຂັ້ນສູງສຸດ ທີ່ມີຜົນກະທົບຮ້າຍແຮງໃຫຍ່ຫຼວງຕໍ່ປະເທດຊາດ. ກ່ອນໜ້ານີ້, ສານຈີນເຄີຍມີຄຳຕັດສິນປະຫານຊີວິດພະນັກງານຂອງລັດທີ່ບໍ່ຊື່ສັດຕໍ່ໜ້າທີ່ມາແລ້ວ ເມື່ອເດືອນ ຕຸລາ ໃນປີຜ່ານມາ. ມາດຕະການນີ້ມີຂຶ້ນຫຼັງຈາກປະທານນາທິບໍດີ ສີຈິ້ນຜິງ ປະກາດປາບປາມພະນັກງານຂອງລັດ ທີີ່ມີພຶດຕິກໍາ ບໍ່ຊື່ສັດ ລວມທັງພະນັກງານລັດຂັ້ນນ້ອຍ ແລະ ຂັ້ນໃຫຍ່ໃນ 3 ປີກ່ອນ.

ທີ່ມາ: Target Magazine

ບົດຄວາມໃຫມ່ໆ