ໂດ້ເທບ!!ຍິງ 400 ເມັດທຸກລາຍການໃຫ້ລາຊັນ

 

ຄຣິສຕຽນໂນ ໂຣເນົາໂດ ກອງໜ້າເທບຂອງ ເຣອັນ ມາດຣິດ ຫຼ້າສຸດທຸບສະຖິຕິອີກແລ້ວໂດຍການຍິງໃຫ້ທີມຄົບ 400 ລູກລວມທຸກລາຍການພ້ອມກັບຂຶ້ນມາເປັນດາວຍິງສູງສຸດຕະຫຼອດການ 5 ລີກໃຫຍ່ຂອງເອີຣົບທີ່ຈຳນວນ 366 ລູຸກເທົ່າກັບ ຈິ່ມມີ ກຣີບ ຕຳນານຂອງ ທັອດແນມ ຮັອດສະເປີ ຫຼັງຈາກຍິງ 2 ລູກໃນເກມພົບກັບ ເຊບີຢາ ເມື່ອວັນອາທິດທີ່ຜ່ານມາ.

 

ຄຣິສຕຽນໂນ ໂຣເນົາໂດ ຫົວຫອກຂອງ “ລາຊາຊຸດຂາວ” ເຣອັນ ມາດຣິດ ມະຫາອຳນາດລູກໜັງຈາກ ລາ ລີກາ ສະເປນສ້າງສະຖິຕິໃຫ້ກັບຕົນເອງອີກຄັ້ງໂດຍການຍິງປະຕູໃຫ້ຕົ້ນສັງກັດຄົບ 400 ປະຕູລວມທຸກລາຍການເປັນທີ່ຮຽບຮ້ອຍແລ້ວໃນເກມລີກທີ່ຖະລົ່ມ ເຊບີຢາ ທີ່ສະໜາມ ຊານຕີເອໂກ ເບີນາເບວ ເມື່ອວັນອາທິດທີ່ຜ່ານມາ.

 

ໃນນັດນີ້ ນາໂຊ ເຟນານເດດ ກັບ “ຊີອາເຊເວັນ” ຍິງໃຫ້ເຈົ້າບ້ານຂຶ້ນນຳໃນນາທີ 10 ກັບ 23 ຕາມລຳດັບເຮັດໃຫ້ ເຣອັນ ມາດຣິດ ນຳໄປກ່ອນ 2 ລູກແຕ່ທີມຢາມມາຕີໄຂ່ແຕກໄດ້ຈາກ ສະເວຟານ ໂຢເວຕິດ ໃນນາທີ 49 ເຮັດໃຫ້ແຟນບານ “ລາຊາຊຸດຂາວ” ມີສຽວແນ່ເລັກໜ້ອຍ ຢ່າງໃດກໍຕາມທີມຂອງ ຊີດານ ກໍມາໄດ້ອີກລູກໜຶ່ງປິດທ້າຍຈາກ ໂຣເນົາໂດ ໃນນາທີ 78 ແລະ ໂທນີ ໂຄຣສ ໃນນາທີ 84 ເຮັດໃຫ້ “ລາຊາຊຸດຂາວ” ເກັບ 3 ແຕ້ມແຕ່ຍັງຢູ່ອັນດັບ 2 ຕໍ່ໄປມີ 87 ແຕ້ມຈາກ 36 ນັດເທົ່າກັບ ບາເຊໂລນາ ທີມຈ່າຝູງແຕ່ແຂ່ງໜ້ອຍກວ່າ 1 ນັດ.

 

ຈາກ 2 ປະຕູທີ່ຍິງໄດ້ເຮັດໃຫ້ອະດີດດາວຍິງ ແມນເຊສເຕີ ຢູໄນເຕັດ ແລະ ສະປອດຕິງ ລິສບອນ ເຮັດສະຖິຕິທີ່ສຸດເທບອີກຄັ້ງໂດຍການຍິງໃຫ້ “ລາຊາຊຸດຂາວ” ໄປແລ້ວ 400 ປະຕູລວມທຸກຖ້ວຍແລ້ວ.

 

ຂະນະດຽວກັນ ໂຣເນົາໂດ ຍັງສ້າງສະຖິຕິກາຍເປັນດາວຍິງສູງສຸດຕະຫຼອດການຂອງ 5 ລີກໃຫຍ່ທະວີບເອີຣົບທີ່ຈຳນວນ 366 ປະຕູທຽບເທົ່າກັບ ຈິ່ມມີ ກຣີບ ຕຳນານກອງໜ້າຂອງ ທັອດແນມ ຮັອດສະເປີ ແລ້ວຫຼັງຈາກທີ່ແຄ່ງປັອກຕຸຍການຍິງໄປເຖິງ 84 ລູກໃນ ພຣີເມຍລີກ ກັບ “ຜີສາດແດງ” ແລະ 282 ລູກໃຫ້ກັບ ລາຊາຊຸດຂາວ ໃນ ລາ ລີກາ.

 

ບົດຄວາມໃຫມ່ໆ