ໂດ້ສະດຸ້ງ!!ຕິດຄຸກຢ່າງຕຳ່ 6 ປີຖ້າວ່າໂກງພາສີ

 

ໂຄເຊ ມາເຣຍ ໂມຢີເນໂດ ເລຂາທິການທົ່ວໄປຂອງກົມສັນພາກອນປະເທດສະເປນລະບຸ ຄຣິສຕຽນໂນ ໂຣເນົາໂດ ດາວເຕະຂອງ ເຣອັນ ມາດຣິດ ຈະຕ້ອງຕິດຄຸກຢ່າງໜ້ອຍຕຳ່ 6 ປີຖ້າວ່າໂກງພາສີ ພ້ອມແຈງຖ້າເຂົາຍອມຮັບຜິດກໍຈະມີການຫຼຸດຜ່ອນໂທດໃຫ້.

 

ຄຣິສຕຽນໂນ ໂຣເນົາໂດ ສຸດຍອດກອງໜ້າຂອງ ເຣອັນ ມາດຣິດ ສະໂມສອນຍັກໃຫຍ່ຂອງ ລາ ລີກາ ສະເປນອາດຈະຖືກຕັດສິນໃຫ້ຕິດຄຸກຢ່າງໜ້ອຍ 6 ປີຖ້າຖືກຕັດສິນໃຈວ່າມີຄວາມຜິດຖານສໍ້ໂກງພາສີ ຕາມການເປີດເຜີຍຂອງ ໂຄເຊ ມາເຣຍ ໂມຢີເນໂດ ເລຂາທິການທົ່ວໄປຂອງກົມສັນພາກອນປະເທດສະເປນ (ຈີອີເອສທີເອັດເອ).

 

ມີການກ່າວຫາວ່າ ໂຣເນົາໂດ ສົ່ງເງິນຢ່າງໜ້ອຍ 150 ລ້ານເອີໂຣຈາກລາຍໄດ້ທັງໝົດຂອງເຂົາໄປຍັງດິນແດນປອດພາສີນັບຕັ້ງແຕ່ຍ້າຍມາຢູ່ກັບທີມເມື່ອປີ 2009 ເພື່ອທີ່ຈະໄດ້ບໍ່ຕ້ອງເສຍພາສີຈຳນວນຫຼາຍເຊິ່ງ ເກສຕິຟຸດ ບໍລິສັດເອເຢນຂອງດາວເຕະປັອກຕຸຍການອອກມາປະຕິເສດເລື່ອດັ່ງກ່າວແລ້ວແຕ່ ໂມຢີເນໂດ ກໍຍັງບອກວ່າເຈົ້າຂອງລາງວັນ ບານລົງ ດໍ 3 ສະໄໝອາດຈະຕ້ອງຕິດຄຸກຖ້າວ່າມີຄວາມຜິດແທ້.

 

“ລາຍລະອຽດກ່ຽວກັບ ຄຣິສຕຽນໂນ ໂຣເນົາໂດ ເຮັດໃຫ້ມັນຖືກເບິ່ງຄືກັບວ່າເຂົາໂກງພາສີໄປຫຼາຍກວ່າ 50 ລ້ານເອີໂຣ ເຮົາຈະພິຈາລະນາເຖິງຄະດີໃຫຍ່ຄັ້ງນີ້ ຖ້າຜິດແທ້ໂທດຈຳຄຸກຂອງເຂົາກໍຈະເປັນແບບຕຳ່ສຸດສຳລັບແຕ່ລະປີທີ່ເຂົາໂກງພາສີ ຖ້າຂະບວນການກວດສອບກິນເວລາ 3 ປີໂທດຈຳຄຸກຕຳ່ສຸດຂອງເຂົາກໍຈະເປັນ 6 ປີຖ້າພວກເຂົາຍອມຮັບຜິດ ແລະ ຈ່າຍເງິນຄ່າພາສີທີ່ຄ້າງຢູ່ໃນຊ່ວງ 2 ເດືອນທຳອິດຂອງການກວດສອບແລ້ວມັນກໍຈະມີຫຼຸດໂທດໃຫ້ທັນທີ” ໂມຢີເນໂດ ເຜີຍໂດຍ ໂຊເຊ ມູຣິນໂຢ ນາຍໃຫຍ່ ແມນເຊສເຕີ ຢູໄນເຕັດ ກໍຖືກກ່າວຫາວ່າໂກງພາສີເຊັ່ນກັນ.